Erlent

Noregs­konungur fær gang­ráð

Atli Ísleifsson skrifar
Hinn 87 ára Haraldur hefur setið á konungsstól frá árinu 1991.
Hinn 87 ára Haraldur hefur setið á konungsstól frá árinu 1991. EPA

Haraldur Noregskonungur mun fá græddan í sig varanlegan gangráð þar sem hjartsláttur hans þykir of hægur.

Norska konungshöllin greindi frá þessu í tilkynningu í gær en Haraldur kom aftur til Noregs á sunnudag eftir að hafa veikst þegar hann var í fríi í Malasíu og var þar fluttur á sjúkrahús vegna veikinda.

Hinn 87 ára konungur var lagður inn á Ríkissjúkrahúsið í Osló eftir komuna til landsins. Í yfirlýsingunni frá konungshöllinni segir að það fari eftir því hvenær konungurinn sé laus við sýkingu hvenær hann geti gengist undir aðgerðina til að fá græddan í sig gangráðinn.

Fyrir heimferðina frá Malasíu fékk Noregskonungur græddan í sig bráðabirgðagangráð.

Ingiríður prinsessa, barnabarn konungs, og Mette-Marit, tengdadóttir hans, eru í hópi þeirra sem heimsóttu konunginn á sjúkrahúsið í Osló í gær.

Ingiríður prinsessa og Mette-Marit koma til Ríkissjúkrahússins í gær. EPA
Noregur Kóngafólk Haraldur V Noregskonungur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið