Keppa um eina milljón: „Pörin eru frekar ó­lík og á ó­líkum stað í lífinu“

„Þetta eru í rauninni raunveruleikaþættir þar sem við fylgjumst með þremur pörum taka fjármálin sín í gegn í fimm mánuði,“ segir Hrefna og heldur áfram.

„Það par sem nær bestum árangri, sparar mest hlutfallslega eða eykur tekjurnar sínar stendur uppi sem sigurvegari þáttanna og fær að launum eina milljón í verðlaun. Pörin eru frekar ólík og á ólíkum stað í lífinu en eiga það öll sameiginlegt að vera með fínar tekjur og hafa svigrúm til að taka til í fjármálunum sínum.“

Rætt var við Hrefnu í Íslandi í dag á Stöð 2 í gærkvöldi og má sjá brot úr innslaginu hér að neðan. Áskrifendur geta séð það í heild sinni inni á Stöð 2+ og í frelsiskerfi Stöðvar 2.