Erlent

Víð­tækar verk­falls­að­gerðir lama sam­göngur

Atli Ísleifsson skrifar
Um 90 þúsund félagsmenn þýska verkalýðsfélagsins Verdi, sem starfa í almenningssamgöngum, lögðu niður störf í morgun.
Um 90 þúsund félagsmenn þýska verkalýðsfélagsins Verdi, sem starfa í almenningssamgöngum, lögðu niður störf í morgun. AP

Tugþúsundir félagsmanna þýska verkalýðsfélagsins Verdi lögðu niður störf í morgun og hafa aðgerðirnar haft mikil á almenningssamgöngur í landinu það sem af er degi. Þannig munu ferðir strætisvagna og sporvagna í landinu að stærstum hluta liggja niðri.

DW segir frá því að starfsmenn á flugvellinum í Hamborg muni einnig taka þátt í aðgerðunum og hefur þurft að fresta nokkrum flugferðum vegna þessa.

Sólarhringsverkfall félagsmanna Verdi hófst í morgun og má ljóst vera að það komi til með að valda gríðarlegum vandræðum í morgunumferðinni og fyrir fólk á leið til vinnu eða skóla. Aðgerðirnar ná til félagsmanna alls staðar í Þýslalandi að Bæjaralandi frátöldu.

Verdi krefst betri kjara og starfsskilyrða fyrir fólk sem starfar í almenningssamgöngum. Í Verdi eru um 90 þúsund félagsmenn sem starfa hjá 130 félögum sem starfrækja almenningssamgöngukerfi.

Fram kemur aðgerðirnar nú komi í kjölfar verkfallsaðferða öryggisstarfsmanna á þýskum flugvöllum í gær.

Þýskaland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið