Sameiginlegir sjóðir til þess að nýta í slíkum aðstæðum Oddur Ævar Gunnarsson og Berghildur Erla Bernharðsdóttir skrifa 17. janúar 2024 20:32 Þórdís Kolbrún segir aðstæðurnar í Grindavík fordæmalausar. Vísir/Arnar Fjármála-og efnahagsráðherra segir stöðuna í Grindavík kalla á stærri ákvarðanir. Sameiginlegir sjóðir séu til þess að nýta í slíkum aðstæðum en hún segir að um sé að ræða flókið verkefni. Staðan kalli klárlega á sérlög. Þetta kom fram í kvöldfréttum Stöðvar 2. Þar var rætt við Þórdísi Kolbrúnu R. Gylfadóttur, fjármála-og efnahagsráðherra um stöðu Grindvíkinga í kjölfar náttúruhamfara í bænum. „Við höfum fundað í dag og auðvitað undanfarna daga og það hefur orðið algjör eðlisbreyting á verkefninu undanfarna örfáa sólarhringa. Ríkisstjórnin meinar það þegar hún segir að við ætlum að standa með Grindvíkingum,“ segir Þórdís Kolbrún. „Við byggjum upp sameiginlega sjóði í þessu samfélagi til þess að geta brugðist við áföllum og ef sameiginlegir sjóðir eru ekki nýttir við þessar aðstæður þá veit ég ekki af hverju við erum að byggja upp sameiginlega sjóði.“ Þórdís segir hinsvegar að um sé að ræða flókið verkefni. Raunveruleikinn sé harður húsbóndi og að þurfa finni góðar leiðir í mikilli óvissu. Bæði sanngjarnt og skynsamlegt „Þannig að það sem þarf að gera þarf bæði að vera sanngjarnt og það þarf að vera skynsamlegt. Og það tekur tíma. En það er það sem við vinnum hörðum höndum að,“ segir ráðherra. „Og ég heyrði mjög vel hvað Grindvíkingar sögðu í gær. En verkefnið hefur breyst og nú kallar það á stórar ákvarðanir til lengri tíma en ekki skammtímaúrræði til skemmri tíma eins og við vorum að vona að myndu duga.“ Kalli á stærri ákvarðanir Voruð þið ekki búin að teikna þessa sviðsmynd upp? „Jú, það hefur verið unnið eftir því að þessi staða gæti komið upp. Annaðhvort að það myndi raunverulega hraun fara yfir bæinn eða að það væri ekki hægt að búa þar. En eins og ég segi þá hefur þessi eðlisbreyting orðið á verkefninu á bara örfáum sólarhringum og nú blasir við ný staða.“ Þórdís segir blasa við að ekki verði búið í Grindavík á næstunni. Það kalli á stærri ákvarðanir. Það sé sameiginlegt verkefni. „Við erum auðvitað með ríkissjóð, við erum með aðra sjóði. Fjármálastofnanir eru þarna með lán og svo framvegis. Það kallar á samstarf og samtal og þarna þarf að finna leiðir, sem eru þá bæði sanngjarnar og skynsamlegar. Stærðargráðan er þarna en eins og ég segi, við erum með sameiginlega sjóði til að mæta fólki í áföllum og þetta uppfyllir sannarlega þau skilyrði.“ Verða þá húsin keypt? „Eins og ég segi, þessi vinna er í fullum gangi og ég veit að fólkið bíður eftir svörum og við munum veita þau svör hratt og örugglega. En ég veit líka að orð mín vega þungt, sérstaklega þegar fólk kallar eftir svörum til að fá vissu í sitt líf. Við erum að vinna að því að eyða þessari óvissu og það mun skýrast mjög mjög fljótlega.“ Kalli á sérlög Áður hefur forstjóri Náttúruhamfaratryggingar Íslands sagt í samtali við fréttastofu að núverandi reglur nái ekki yfir alla Grindvíkinga til að bæta þeim upp það tjón sem orðið hefur í bænum. Þórdís segir að staðan kalli á sérlög. Þarf að breyta lögum? „Þetta kallar klárlega á sérlög og nálgun sem auðvitað þarf að vinnast líka í samstarfi og samvinnu við þingið og fara í gegnum sínar nefndir og Alþingi sem er með fjárveitingarvald. Þetta er sameiginlegt verkefni og ég veit að það er þverpólitískur stuðningur við að gera það sem er rétt, það sem er sanngjarnt og það sem er skynsamlegt.“ Horfið þið til fordæma eins og Viðlagasjóðs sem kom til þegar að Heimaeyjargos varð? „Náttúruhamfaratryggingar eru í raun og veru afleiðing af því og svo erum við með ofanflóðavarnir en síðan erum við þarna með stöðu sem er, eins leið og ég er á því að tala um fordæmalausa stöðu, þá er þessi staða, hún er algjörlega fordæmalaus. Við höfum aldrei staðið frammi fyrir þeim aðstæðum sem eru í Grindavík. Og það kallar þá bara á nýja nálgun og að því erum við að vinna.“ Hvað með önnur lönd, eru þau að bjóða fram aðstoð sína? „Við höfum auðvitað alveg heyrt í kollegum og vinir okkar eru öll af vilja gerð. Þetta snýst um að geta hreyft sig hratt og þetta snýst auðvitað um að það mun þurfa frekara húsnæði en fyrst og fremst þarf fólk að fá vissu um að það geti tekið ákvarðanir sjálfstætt fyrir sig og sína fjölskyldu, fá stjórn á sínum örlögum og það er það sem við viljum geta veitt fólki en það þarf að gera það rétt og það þarf að gera það skynsamlega og það tekur tíma.“ Grindavík Eldgos og jarðhræringar Eldgos á Reykjanesskaga Ríkisstjórn Katrínar Jakobsdóttur Rekstur hins opinbera Mest lesið Hrakfarir á heimleið frá Tene: „Ferðumst innanlands á næstunni og engar jólagjafir í ár“ Innlent Loka sendiráðinu örfáum dögum eftir veitingu Nóbelsverðlauna Erlent Slagorð í anda erlendra flokka sem setja þjóðernishyggju á oddinn Innlent Eldur logar á Siglufirði Innlent Heimferðin frá Tenerife algjör martröð Innlent „Enn einn hundur dáinn“ og kallað eftir úrbótum hjá borginni Innlent Bréfin björguðu lífi hans í rússneska fangelsinu Innlent Annar starfsmaður þingflokks Sjálfstæðisflokksins hættir Innlent Martraðarkennd reynsla í fangelsi hjóm í samanburði við þjáningu Palestínumanna Innlent Bókaþjófur herjar á íslenska rithöfunda á ný Innlent Fleiri fréttir Slagorð í anda erlendra flokka sem setja þjóðernishyggju á oddinn Hrakfarir á heimleið frá Tene: „Ferðumst innanlands á næstunni og engar jólagjafir í ár“ Eldur logar á Siglufirði Bréfin björguðu lífi hans í rússneska fangelsinu „Enn einn hundur dáinn“ og kallað eftir úrbótum hjá borginni Bókaþjófur herjar á íslenska rithöfunda á ný Martraðarkennd reynsla í fangelsi hjóm í samanburði við þjáningu Palestínumanna Magga Stína segir sögu sína í kvöldfréttum Fannst sofandi í gámi og var vísað í burtu Annar starfsmaður þingflokks Sjálfstæðisflokksins hættir Myndu ekki vilja stýra sveitarfélagi sem þvingað væri til sameiningar Blaðamaður DV ekki brotlegur í umfjöllun um hæfi lögreglustjórans í Eyjum Heimferðin frá Tenerife algjör martröð Enn vesen í Vesturbæjarlaug Búið að birta umhverfismatsskýrslu fyrir Sundabraut Fámennir hópar sagðir geta skuldbundið sveitarfélög með frumvarpi ráðherra „Ég er ekki sammála þessari umræðu og þessari nálgun“ Styttist í stóra ákvörðun vegna Sundabrautar Slapp með skrekkinn við myndatöku í Reynisfjöru Gíslunum sleppt á Gasa og hin umdeilda Sundabraut Breyta eftirliti með hraða í Fáskrúðsfjarðargöngum Algengast að fólk láni eða fái lánuð verkja- og róandi lyf Skjálfti upp á 4,0 í Bárðarbungu „Ísland fyrst, svo allt hitt“ Flugnördar heims kveðja fegurstu flugvél Íslands Þakklátur og væntir góðs árangurs í kosningum í vor 430 sunnlenskir grunnskólakennarar funduðu á Flúðum Flóðgáttir þurfi að opnast í Gasa Oddvitinn ætlar ekki aftur fram Nýr varaformaður, bílalestir á Gasa og síðasta flugferðin Sjá meira
Þetta kom fram í kvöldfréttum Stöðvar 2. Þar var rætt við Þórdísi Kolbrúnu R. Gylfadóttur, fjármála-og efnahagsráðherra um stöðu Grindvíkinga í kjölfar náttúruhamfara í bænum. „Við höfum fundað í dag og auðvitað undanfarna daga og það hefur orðið algjör eðlisbreyting á verkefninu undanfarna örfáa sólarhringa. Ríkisstjórnin meinar það þegar hún segir að við ætlum að standa með Grindvíkingum,“ segir Þórdís Kolbrún. „Við byggjum upp sameiginlega sjóði í þessu samfélagi til þess að geta brugðist við áföllum og ef sameiginlegir sjóðir eru ekki nýttir við þessar aðstæður þá veit ég ekki af hverju við erum að byggja upp sameiginlega sjóði.“ Þórdís segir hinsvegar að um sé að ræða flókið verkefni. Raunveruleikinn sé harður húsbóndi og að þurfa finni góðar leiðir í mikilli óvissu. Bæði sanngjarnt og skynsamlegt „Þannig að það sem þarf að gera þarf bæði að vera sanngjarnt og það þarf að vera skynsamlegt. Og það tekur tíma. En það er það sem við vinnum hörðum höndum að,“ segir ráðherra. „Og ég heyrði mjög vel hvað Grindvíkingar sögðu í gær. En verkefnið hefur breyst og nú kallar það á stórar ákvarðanir til lengri tíma en ekki skammtímaúrræði til skemmri tíma eins og við vorum að vona að myndu duga.“ Kalli á stærri ákvarðanir Voruð þið ekki búin að teikna þessa sviðsmynd upp? „Jú, það hefur verið unnið eftir því að þessi staða gæti komið upp. Annaðhvort að það myndi raunverulega hraun fara yfir bæinn eða að það væri ekki hægt að búa þar. En eins og ég segi þá hefur þessi eðlisbreyting orðið á verkefninu á bara örfáum sólarhringum og nú blasir við ný staða.“ Þórdís segir blasa við að ekki verði búið í Grindavík á næstunni. Það kalli á stærri ákvarðanir. Það sé sameiginlegt verkefni. „Við erum auðvitað með ríkissjóð, við erum með aðra sjóði. Fjármálastofnanir eru þarna með lán og svo framvegis. Það kallar á samstarf og samtal og þarna þarf að finna leiðir, sem eru þá bæði sanngjarnar og skynsamlegar. Stærðargráðan er þarna en eins og ég segi, við erum með sameiginlega sjóði til að mæta fólki í áföllum og þetta uppfyllir sannarlega þau skilyrði.“ Verða þá húsin keypt? „Eins og ég segi, þessi vinna er í fullum gangi og ég veit að fólkið bíður eftir svörum og við munum veita þau svör hratt og örugglega. En ég veit líka að orð mín vega þungt, sérstaklega þegar fólk kallar eftir svörum til að fá vissu í sitt líf. Við erum að vinna að því að eyða þessari óvissu og það mun skýrast mjög mjög fljótlega.“ Kalli á sérlög Áður hefur forstjóri Náttúruhamfaratryggingar Íslands sagt í samtali við fréttastofu að núverandi reglur nái ekki yfir alla Grindvíkinga til að bæta þeim upp það tjón sem orðið hefur í bænum. Þórdís segir að staðan kalli á sérlög. Þarf að breyta lögum? „Þetta kallar klárlega á sérlög og nálgun sem auðvitað þarf að vinnast líka í samstarfi og samvinnu við þingið og fara í gegnum sínar nefndir og Alþingi sem er með fjárveitingarvald. Þetta er sameiginlegt verkefni og ég veit að það er þverpólitískur stuðningur við að gera það sem er rétt, það sem er sanngjarnt og það sem er skynsamlegt.“ Horfið þið til fordæma eins og Viðlagasjóðs sem kom til þegar að Heimaeyjargos varð? „Náttúruhamfaratryggingar eru í raun og veru afleiðing af því og svo erum við með ofanflóðavarnir en síðan erum við þarna með stöðu sem er, eins leið og ég er á því að tala um fordæmalausa stöðu, þá er þessi staða, hún er algjörlega fordæmalaus. Við höfum aldrei staðið frammi fyrir þeim aðstæðum sem eru í Grindavík. Og það kallar þá bara á nýja nálgun og að því erum við að vinna.“ Hvað með önnur lönd, eru þau að bjóða fram aðstoð sína? „Við höfum auðvitað alveg heyrt í kollegum og vinir okkar eru öll af vilja gerð. Þetta snýst um að geta hreyft sig hratt og þetta snýst auðvitað um að það mun þurfa frekara húsnæði en fyrst og fremst þarf fólk að fá vissu um að það geti tekið ákvarðanir sjálfstætt fyrir sig og sína fjölskyldu, fá stjórn á sínum örlögum og það er það sem við viljum geta veitt fólki en það þarf að gera það rétt og það þarf að gera það skynsamlega og það tekur tíma.“
Grindavík Eldgos og jarðhræringar Eldgos á Reykjanesskaga Ríkisstjórn Katrínar Jakobsdóttur Rekstur hins opinbera Mest lesið Hrakfarir á heimleið frá Tene: „Ferðumst innanlands á næstunni og engar jólagjafir í ár“ Innlent Loka sendiráðinu örfáum dögum eftir veitingu Nóbelsverðlauna Erlent Slagorð í anda erlendra flokka sem setja þjóðernishyggju á oddinn Innlent Eldur logar á Siglufirði Innlent Heimferðin frá Tenerife algjör martröð Innlent „Enn einn hundur dáinn“ og kallað eftir úrbótum hjá borginni Innlent Bréfin björguðu lífi hans í rússneska fangelsinu Innlent Annar starfsmaður þingflokks Sjálfstæðisflokksins hættir Innlent Martraðarkennd reynsla í fangelsi hjóm í samanburði við þjáningu Palestínumanna Innlent Bókaþjófur herjar á íslenska rithöfunda á ný Innlent Fleiri fréttir Slagorð í anda erlendra flokka sem setja þjóðernishyggju á oddinn Hrakfarir á heimleið frá Tene: „Ferðumst innanlands á næstunni og engar jólagjafir í ár“ Eldur logar á Siglufirði Bréfin björguðu lífi hans í rússneska fangelsinu „Enn einn hundur dáinn“ og kallað eftir úrbótum hjá borginni Bókaþjófur herjar á íslenska rithöfunda á ný Martraðarkennd reynsla í fangelsi hjóm í samanburði við þjáningu Palestínumanna Magga Stína segir sögu sína í kvöldfréttum Fannst sofandi í gámi og var vísað í burtu Annar starfsmaður þingflokks Sjálfstæðisflokksins hættir Myndu ekki vilja stýra sveitarfélagi sem þvingað væri til sameiningar Blaðamaður DV ekki brotlegur í umfjöllun um hæfi lögreglustjórans í Eyjum Heimferðin frá Tenerife algjör martröð Enn vesen í Vesturbæjarlaug Búið að birta umhverfismatsskýrslu fyrir Sundabraut Fámennir hópar sagðir geta skuldbundið sveitarfélög með frumvarpi ráðherra „Ég er ekki sammála þessari umræðu og þessari nálgun“ Styttist í stóra ákvörðun vegna Sundabrautar Slapp með skrekkinn við myndatöku í Reynisfjöru Gíslunum sleppt á Gasa og hin umdeilda Sundabraut Breyta eftirliti með hraða í Fáskrúðsfjarðargöngum Algengast að fólk láni eða fái lánuð verkja- og róandi lyf Skjálfti upp á 4,0 í Bárðarbungu „Ísland fyrst, svo allt hitt“ Flugnördar heims kveðja fegurstu flugvél Íslands Þakklátur og væntir góðs árangurs í kosningum í vor 430 sunnlenskir grunnskólakennarar funduðu á Flúðum Flóðgáttir þurfi að opnast í Gasa Oddvitinn ætlar ekki aftur fram Nýr varaformaður, bílalestir á Gasa og síðasta flugferðin Sjá meira