Innlent

Nýjar sprungur myndast og þær eldri stækka

Vésteinn Örn Pétursson skrifar
Starfsmenn Vegagerðarinnar hafa í dag kannað ástand vega við Grindavík, í því skyni að kortleggja góða leið fyrir varaaflstöð Landsnets út á höfn bæjarins.
Starfsmenn Vegagerðarinnar hafa í dag kannað ástand vega við Grindavík, í því skyni að kortleggja góða leið fyrir varaaflstöð Landsnets út á höfn bæjarins. Vegagerðin

Margar sprungur hafa myndast í og við Grindavík í jarðhræringum síðustu sólarhringa. Eldri sprungur, sem unnið hafði verið að því að fylla upp í og gera við, hafa einnig stækkað. 

Vegagerðin hefur í dag kannað ástand vega sem liggja að Grindavík. Starfsmenn Vegagerðarinnar hafa kannað ástand vega með drónum, auk þess að leggja mat á skemmdir og sprungur í vegakerfinu. Allt matið fór fram í fylgd björgunarsveitarmanna og hefur fyllsta öryggis verið gætt.

Þetta kemur fram í tilkynningu frá Vegagerðinni. Þar segir að skoðunin hafi frið fram í því skyni að velja bestu leiðina fyrir varaaflsstöð Landsnets niður að höfn bæjarins.

Eldri sprungur hafa margar stækkað á síðustu sólarhringum.Vegagerðin

„Eftir skoðun á Suðurstrandarvegi og leiðinni inn í Grindavík að austanverðu er ljóst að margar sprungur hafa myndast í átökum síðustu sólarhringa. Eldri viðgerðar sprungur hafa opnast og víkkað og nýjar myndast. Ljóst er að þungaflutningar fara ekki þá leið en mestu skemmdirnar í þessari lotu hafa orðið í austanverðum bænum.

Vegagerðarmenn skoðuðu einnig Grindavíkurveg, Norðurljósaveg og Nesveg og ljóst eftir þá skoðun að minni breytingar hafa orðið þar og því fært fyrir þungaflutninga þá leið. Strax var farið af stað með að flytja varaaflsstöðina þá leið til að koma rafmagni á Grindavík,“ segir í tilkynningunni.

Frá Grindavík í dag.Vegagerðin
Sprungurnar sem finnast eru vel merktar.Vegagerðin
Eldgos og jarðhræringar Grindavík Eldgos á Reykjanesskaga Vegagerð Samgöngur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið