Erlent

Fær að fjar­lægja sáð­frumur úr látnum eigin­manni sínum

Hólmfríður Gísladóttir skrifar
Hæstiréttur Vestur-Ástralíu í Perth.
Hæstiréttur Vestur-Ástralíu í Perth. Getty

Hæstiréttur Vestur-Ástralíu hefur heimilað 62 ára konu að láta fjarlægja sáðfrumur úr látnum eiginmanni sínum. Hún mun hins vegar þurfa að sækja annað mál fyrir dómstólum til að fá að nota frumurnar til að eignast barn.

Málið er afar sérstakt en forsagan er sú að konan og eiginmaður hennar áttu tvö börn sem bæði létust af slysförum en í sitt hvoru slysinu. Hjónin höfuð rætt að eignast annað barn og frænka hafði boðist til að ganga með barnið en fyrirætlununum var ítrekað slegið á frest, meðal annars vegna kórónuveirufaraldursins.

Síðla árs 2023 lést svo maðurinn.

Konan neyddist til að leita til dómstóla þegar sjúkrahúsið þar sem lík mannsins var geymt neitaði að grípa til úrræða til að greiða fyrir því að sáðfrumurnar yrðu fjarlægðar. Dómarinn heimilaði aðgerðina en sagði ákvörðun sína ekki ná til notkunar frumanna.

Eins og sakir standa heimila lög í Vestur-Ástralíu ekki að frumurnar séu notaðar til að geta barn. Konan þarf því að sækja um að fá að flytja þær annað áður en af frjóvgun getur orðið.

Ástralía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið