Lögreglan í Frakklandi hóf leit að konunni, sem einnig er á fertugsaldri, og börnunum fjórum eftir að aðstandendur náðu ekki sambandi við þau símleiðis. Börnin voru á aldrinum níu mánaða til tíu ára. Lík þeirra fundust í íbúð í bænum Meaux, sem er í um fjörutíu kílómetra fjarlægð frá höfuðborginni.
Í nótt náði lögregla haldi á föður barnanna, 33 ára gömlum manni sem er samkvæmt frönskum miðlum þegar kunnugur lögreglu og er sagður glíma við andleg veikindi. Maðurinn var á heimili föður síns í bænum Sevran nærri París þegar hann var handtekinn. Hann er grunaður um að hafa stungið konuna og börnin til bana.
Saksóknari hjá dómslögreglunni í Versölum hefur staðfest við franska miðla að morðrannsókn sé hafin vegna málsins.
Málið er samkvæmt BBC þriðja barnamorðið sem framið hefur verið á Parísarsvæðinu á skömmum tíma. Í lok nóvember játaði maður á fimmtugsaldri að hafa myrt þrjár dætur sínar, sem voru á aldrinum fjögurra til ellefu ára.
Þá er lögreglumaður sagður hafa myrt dætur sínar þrjár og í kjölfarið framið sjálfmorð í október.
