Með al­var­lega rúmfatadellu og elskar vönduð rúm­föt

„Ég var alla daga að meðhöndla vönduð rúmföt og ekki alveg jafn flott frá hótelum og einstaklingum.Þarna fékk ég dýrmæta reynslu og lærði að meta gæði. Ég er sjálfur búinn að þvo og strauja allar tegundir af rúmfatnaði, ég veit hvað er gott og hvað ekki,“ segir Björn. Hann hafi ákveðið að opna eigin sérverslun með rúmfatnað þegar honum fannst vanta upp á gæðin á markaðnum.

„Ég varð hálf þunglyndur á að þvo óvandað og oft óspennandi rúmfatalín frá ónefndu búðinni sem yfirtók markaðinn eftir að tvær sérverslanir með gæðarúmföt lögðu upp laupana. Ég ákvað því bara að opna rúmfatabúð og selja fólki sjálfur alvöru gæða rúmföt. Nýbýlavegurinn varð fyrir valinu út frá staðsetningu og þar er nóg af bílastæðum fyrir viðskiptavini.“

Æðislegar dúnsængur og koddar

Rúmföt.is sérhæfir sig í ítölskum rúmfötum og þýskum hágæða dúnsængum.

„Við erum sérstaklega stolt af að geta boðið upp á sennilega flottustu sængur í heimi sem ekki kosta bílverð. Sængurnar koma frá þýska fjölskyldufyrirtækinu OBB sem stofnað var árið 1900. Við heimsóttum fyrirtækið í fyrsta skipti síðasta sumar og var það alveg ógleymanlegt. Flestir sængurframleiðendur í Þýskalandi kaupa dúninn tilbúinn til að setja í sængina en OBB er með tækjakost til að bæði hreinsa/flokka dúninn og blanda honum saman í hvaða hlutföllum sem er.

Við látum framleiða fyrir okkur 100% dúnsængur úr Kanadagæsadúni sem er a.m.k. 850 CUIN stað 450-650 CUIN sem algengt er í dúnsængum á íslenskum markaði. CUIN talan mælir einangrunargildið eða hversu loftkenndur dúnninn er. Sæng með háu CUIN gildi eru því bæði léttari og hlýrri en jafn þung sæng með lægra CUIN gildi,“ útskýrir Björn. „Við seljum einnig 3ja laga dúnkodda sem viðskiptavinir okkar segja þá allra bestu kodda sem þeir hafi sofið á.“

Lúxusrúmföt frá öllum heimshornum

„Rúmfötin okkar koma frá Ítalíu, Portúgal, Þýskalandi og Kína. Á Ítalíu eru silkidamaskefni sérofin fyrir okkur þannig að engin annar er með svona rúmföt í heiminum. Kínversku rúmfötin eru einnig alveg frábær og líka sérframleidd fyrir okkur í íslenskum stærðum. Búðin selur einnig frábær lúxus handklæði frá Portúgal og 800gsm handklæði úr Egypskri Giza bómull.

Það er opið hjá okkur frá klukkan 11 til 18 virka daga og 11 til 16 laugardaga. Þá erum við glæsilega netverslun sem alltaf er opin.“ 

Hér fyrir neðan má fletta í gegnum brot af úrvali verslunarinnar.