Atvinnulíf

Að sjá það jákvæða við að leiðast í vinnunni

Rakel Sveinsdóttir skrifar
Svo ótrúlega sem það hljómar, sýna rannsóknir að það getur verið ágætt fyrir okkur stundum að leiðast í vinnunni. Við getum meira að segja nýtt okkur þessi leiðindi til góðs.
Svo ótrúlega sem það hljómar, sýna rannsóknir að það getur verið ágætt fyrir okkur stundum að leiðast í vinnunni. Við getum meira að segja nýtt okkur þessi leiðindi til góðs. Vísir/Getty

Það hljóta allir að geta viðurkennt að hafa einhvern tíma leiðst í vinnunni. Þó ekki nema stutta stund. Vandinn er hins vegar meiri ef þér finnst almennt leiðinlegt í vinnunni.

En viti menn: Það geta fylgt því ýmsir jákvæðir kostir að leiðast í vinnunni!

Í nýlegri grein Harvard Business Review segir frá því að samkvæmt rannsóknum, getur það að leiðast í vinnunni verið hið besta mál fyrir okkur stundum. Eitt það jákvæða getur til dæmis verið að þá fær hugurinn smá hvíld frá vinnu.

Þá erum við líklegri til að spyrja okkur spurninga sem við höfum öll gott af því að spyrja okkur reglulega að en erum gjörn á að gleyma. Til dæmis hvort við séum að gera það sem okkur langar að gera? Hvort við séum á þeirri leið sem við ætluðum okkur að vera á?

Í umræddri grein er bent á nokkur atriði sem geta hjálpað okkur að nýta þessa tilfinningu að leiðast í vinnunni, okkur til gagns.

Taktu eftir því þegar þér leiðist

Fyrst er að átta okkur á því að tilfinningin sem við erum að upplifa er að okkur leiðist. Þetta er ekki stundin til að taka ákvarðanir eins og að hætta í vinnunni eða sambærilegt, heldur frekar stundin til að átta okkur á því að það er svona sem okkur líður.

Hvers vegna leiðist þér?

Þá er að átta okkur á því hvers vegna okkur leiðist, hvenær okkur leiðist helst og svo framvegis. Því þetta getur verið afar mismunandi á milli fólks. Er það starfið almennt, eða einstök verkefni? Hvað getur þú lært af því að skilja hvers vegna þér leiðist?

Hvað ætlar þú að gera í málunum?

Það liggur í augum uppi að við getum ekki ákveðið að halda áfram að finnast leiðinlegt. Enda er það svo hundleiðinlegt!

Hvað mögulega getur þú gert til þess að þér hætti að líða svona? Stundum getur lausnin verið sú að virkja okkur í áhugamáli eða ástríðu utan vinnu, sem okkur finnst svo gaman að hugsa um í vinnunni líka að við hreinlega gleymum því að láta okkur leiðast.

Stundum getum við virkjað okkur í verkefnum í vinnunni sem okkur finnst skemmtileg. Eða einfaldlega íhugað hvers konar starfi við viljum þá frekar vera í og hvað í því starfi tryggir að okkur leiðist ekki þar líka?

Að virkja leiðindin til góðs

Loks er það að nýta okkur leiðindin á markvissan og góðan hátt. Því þegar að við kryfjum leiðindin og það hvenær og hvers vegna okkur leiðist, getum við sett af stað viðhorfsbreytingu, áætlanagerð eða búið til eitthvað annað tækifæri sem gagnast okkur. Jafnvel að hugsa svolítið út fyrir boxið og í kjölfar þess að taka ákvörðun um hvað við ætlum að gera til að hætta að láta okkur leiðast.

Því hver er sinnar gæfu smiður ekki satt?

Góðu ráðin Vinnustaðurinn Starfsframi

Tengdar fréttir

Vont veður ömurlegt nema fyrir vinnuveitendur

Veður hefur áhrif á okkur. Við erum í sólskinsskapi á sumrin þegar veðrið er gott og sólin skín. En finnst kannski erfiðara að bretta upp ermar og gera hlutina þegar veðrið er vont, myrkur, snjór og kuldi eins og einkennt hefur veðrið síðustu daga.

Alltaf að muna að hafa gaman, annars er svo leiðinlegt

„Ég hugsa jákvætt og nota húmor, þannig afkasta ég sem mest og tekst á við áskoranir,“ segir Anna Steinsen, einn eiganda KVAN, meðal annars þegar Atvinnulífið sækir hjá henni innblástur og góð ráð um það, hvað kom henni á þann stað sem hún er á í dag.

Algengustu mýturnar í leiðinlegri vinnu

Oooh. Enn einn vinnudagurinn og jafn súrt og það hljómar er fullt af fólki sem nennir varla fram úr einfaldlega vegna þess að þeim finnst svo leiðinlegt í vinnunni.

Ætti ég að skipta um starf? Þrjú atriði til umhugsunar

Ert þú að velta fyrir þér að skipta um starfsvettvang? Hvers vegna? Er það til að þróa þig áfram, ná lengra í starfsframa eða ertu óánægð/ur í því starfi þar sem þú ert? Hér eru þrjú atriði sem gott er að hafa í huga áður en endanleg ákvörðun er tekin.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið