Erlent

Fimm við­gerðar­menn látnir eftir að hafa orðið fyrir lest á Ítalíu

Atli Ísleifsson skrifar
Slysið varð í Brandizzo, nærri stórborginni Torinó.
Slysið varð í Brandizzo, nærri stórborginni Torinó. AP

Fimm verkamenn, sem unnu að viðgerð á lestarteinum á lestarstöðinni í bænum Brandizzo, létust þegar þeir urðu fyrir flutningalest í nótt.

ANSA segir frá því að lestin, sem hafi verið á leið milli Mílanó og Torínó, hafi verið á um 160 kílómetra hraða þegar slysið varð.

Paolo Bodoni, bæjarstjóri í Brandizzo, segir að um mikinn harmleik sé að ræða. Ekki sé hægt að útiloka að um yfirsjón hafi verið að ræða þegar kemur að því að miðla upplýsingum milli viðgerðarteymisins og lestarstjóra.

Fram kemur að tveir samstarfsmenn hinna látnu, þar með talinn verkstjórinn, hafi sloppið ómeiddir.

Rannsókn er hafin á orsökum slyssins.

Ítalía
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið