Húsið ekki samþykkt íbúðarhúsnæði og var á lista slökkviliðsins Magnús Jochum Pálsson, Bjarki Sigurðsson og Oddur Ævar Gunnarsson skrifa 20. ágúst 2023 17:46 Birgir Finnsson, starfandi slökkviliðsstjóri Slökkviliðsins á höfuðborgarsvæðinu, segir slökkvistarf hafa gengið bærilega í dag. Vísir/Steingrímur Dúi Húsið sem brann við Hvaleyrarbraut var ekki samþykkt sem íbúðarhúsnæði og var á lista slökkviliðsins yfir húsnæði sem þyrfti að skoða betur. Sautján voru skráðir til heimilis í húsinu. Ekki er enn vitað hvernig eldur kviknaði í húsnæðinu. Slökkviliðið á höfuðborgarsvæðinu var kallað út rétt fyrir klukkan eitt í dag vegna eldsvoða í iðnaðarhúsi á Hvaleyrarbraut í Hafnarfirði. Slökkvistarf hefur staðið yfir síðan þá og vinnur slökkviliðið nú að því að rífa húsið. Birgir Finnsson, starfandi slökkviliðsstjóri Slökkviliðsins á höfuðborgarsvæðinu, sagði við fréttastofu að slökkvistarf hafi gengið bærilega þrátt fyrir erfiðar aðstæður. Fjöldi viðbragðsaðila hefur komið að slökkvi- og björgunarstarfi við Hvaleyrarbraut í dag.Vísir/Steingrímur Dúi Hvað átti sér stað hérna í dag? „Við fengum tilkynningu um mikinn eld hér við Hvaleyrarbraut. Þegar við komum á staðinn er mikill eldur inni í miðju hússins og hann er mjög erfiður viðureignar, þetta er gamalt hús og margar einingar.“ Hvernig hefur slökkvistarf gengið? „Svona bærilega. Þetta er erfitt. Húsið er skipt upp og eldvarnarveggir eru ekki að hjálpa okkur. Aðkoman er þröng, þannig að það var erfitt að finna eldinn í upphafi,“ sagði Birgir. „Við einbeittum okkur að því að bjarga verðmætum. Hér voru töluverð verðmæti, sérstaklega fornbílar og búnaður sem þeim fylgir, sem samkvæmt eigendum er miklu verðmeiri en húsið. Þannig að við einbeittum okkur að því með þeim sem hér voru.“ Húsið ekki verið skoðað nýlega Búið er að koma öllum íbúum hússins út úr húsinu að því er slökkviliðið veit en húsið var ekki samþykkt íbúðarhúsnæði. Húsið var á lista slökkviliðsins yfir hús sem þyrfti að skoða betur en hafði ekki verið yfirfarið í þó nokkurn tíma. Var fólk inni þegar eldurinn kviknaði? „Já, hér var búseta. Þetta er eitt af þeim húsum þar sem er búseta í atvinnuhúsnæði. Við erum komin hér með Rauða krossinn og teljum okkur vera með þokkalegt yfirlit yfir þá sem voru hér í húsinu,“ sagði hann. „Það eru sjálfsagt fleiri íbúar, sem ekki er vitað um en við höfum fengið upplýsingar frá hinum íbúunum að þeir hafi ekki verið til staðar.“ Slökkvilið er byrjað að rífa þakið af húsinu og ætlar að reyna að bjarga öðrum helming þess.Vísir/Steingrímur Dúi Er þetta samþykkt íbúðarhúsnæði? „Atvinnuhúsnæði er ekki samþykkt. Þetta er eitt af þeim húsum sem eru á lista hjá okkur yfir að það þyrfti að fara að skoða betur,“ sagði hann. Þannig að það var ekki nýlega búið að fara yfir brunavarnir? „Nei, ekki í þessu húsnæði.“ Reyna að bjarga hluta hússins Næstu skref slökkviliðsins eru að taka húsið niður og reyna að bjarga öðrum hluta þess að sögn Birgis. Þið eruð byrjaðir að rífa niður þakið, hvað þýðir það eiginlega? „Þetta er bara orðið það hættulegt að við erum ekki að senda inn slökkviliðsmenn,“ sagði Birgir. „Ef við horfum á þetta sem eitt hús, þó þetta séu margar einingar, þá erum við að taka það í sundur og reyna að bjarga öðrum hlutanum. Við erum líka að reyna að losna við þennan reyk sem hér svífur yfir Hafnarfirði.“ Tveir slökkviliðsmenn fylgjast með krabbanum rífa þakið af húsinu.Vísir/Steingrímur Dúi Er vitað hvað hefur verið að brenna og valdið þessum reyk? „Nei, hér er allskyns starfsemi og allskyns hlutir, sjálfsagt dekk og gúmmí, olíur og bensín. Það er bara eins og gengur í svona húsnæði,“ sagði hann. Hver eru næstu skref í slökkvistarfinu? „Næstu skref eru bara núna að halda áfram þessari vinnu með krabbann. Rjúfa húsið í tvennt og reyna þá að slökkva í öðrum hlutanum. En því miður held ég að hinn hlutinn, að næsta verkefni krabbans verði að færa sig þangað svo að við náum að koma vatni á eldinn,“ sagði Birgir. Hefur ekki tölu yfir viðbragðsaðila Fjöldi fólks er á svæðinu við brunann, bæði fjöldi viðbragðsaðila og almennra borgara. Birgir segir að illa hafi gengið að loka svæðinu. Ekki er enn vitað hvernig eldurinn kviknaði. Ertu með tölu yfir viðbragðsaðila hér á svæðinu? „Nei, ég hef ekki náð yfirsýn yfir það. Við erum búnir að hringja út allt slökkviliðið, lögreglan er búin að vera hér, Rauði krossinn. Við höfum fengið mikla aðstoð hér frá þeim sem eru í húsnæðinu í kring, með lyftara og tæki, þannig að þetta er hellings mannskapur,“ sagði Birgir. Gríðarlegan, svartan reyk leggur upp frá húsnæðinu. Vísir/Kristín Hér inni á svæðinu, hefur verið og er enn fullt af fólki sem eru ekki viðbragðsaðilar, er þetta fólk sem tengist húsnæðinu á einn eða annan hátt? „Ég hef ekki tölu á því en við vorum í vandræðum. Þetta er víðfeðmt svæði og það gekk brösuglega að tryggja lokanir. En það eru mjög margir hér sem hafa tengsl við þetta hús, það skiptist í margar einingar, svo það eru margir hér sem hafa haft einhvern aðgang að húsinu,“ sagði hann. Vitið þið hvað gerðist, hvernig eldurinn kviknaði? „Nei, ekki á þessu stigi. Við vitum ekki neitt,“ sagði Birgir Finnsson, starfandi slökkviliðsstjóri Slökkviliðsins á höfuðborgarsvæðinu. Slökkvilið Hafnarfjörður Bruni á Hvaleyrarbraut Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Köld vatnsgusa“ framan í skólasamfélagið í Laugardal Innlent Fékk ekki að kveðja eiginmanninn fyrir flugið til Nígeríu Innlent „Heill vinnustaður er dreginn sundur og saman í háði“ Innlent Forsetavaktin 2024: Hver verður sjöundi forseti lýðveldisins? Innlent „Við lögleiðum heróínið en bönnum áfengið. Þetta er galið“ Innlent Vitni gefur ekki upp nafn vegna ótta við hefndaraðgerðir Innlent Vann fimmtíu milljónir króna Innlent Þurftu að farga 30 þúsund eintökum vegna forsetaframboðs Innlent Vill bjóða NATO að byggja nýjan flugvöll í Færeyjum Erlent Lýsa eftir Sigurði Fannari Innlent Fleiri fréttir Vann fimmtíu milljónir króna „Köld vatnsgusa“ framan í skólasamfélagið í Laugardal 1.715 börn fengið leikskólapláss Fékk ekki að kveðja eiginmanninn fyrir flugið til Nígeríu Vill sjá Latabæ birtast aftur í sjónvarpsstöðvum heims Drengurinn er fundinn Lýsa eftir Sigurði Fannari „Við lögleiðum heróínið en bönnum áfengið. Þetta er galið“ Koma á fót framkvæmdanefnd um málefni Grindavíkur Vonleysi veðmálanna og eiginmanni vísað úr landi Álftin breyttist í dreka og rak hundinn upp úr með látum Sóttu veikan mann á skemmtiferðaskip umkringt hafís Settur forstjóri skipaður forstjóri „Heill vinnustaður er dreginn sundur og saman í háði“ Breyttar forsendur kalli á nýjan unglingaskóla í Laugardal Ævintýralandið Ísland séð úr háloftunum Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Sjá meira
Slökkviliðið á höfuðborgarsvæðinu var kallað út rétt fyrir klukkan eitt í dag vegna eldsvoða í iðnaðarhúsi á Hvaleyrarbraut í Hafnarfirði. Slökkvistarf hefur staðið yfir síðan þá og vinnur slökkviliðið nú að því að rífa húsið. Birgir Finnsson, starfandi slökkviliðsstjóri Slökkviliðsins á höfuðborgarsvæðinu, sagði við fréttastofu að slökkvistarf hafi gengið bærilega þrátt fyrir erfiðar aðstæður. Fjöldi viðbragðsaðila hefur komið að slökkvi- og björgunarstarfi við Hvaleyrarbraut í dag.Vísir/Steingrímur Dúi Hvað átti sér stað hérna í dag? „Við fengum tilkynningu um mikinn eld hér við Hvaleyrarbraut. Þegar við komum á staðinn er mikill eldur inni í miðju hússins og hann er mjög erfiður viðureignar, þetta er gamalt hús og margar einingar.“ Hvernig hefur slökkvistarf gengið? „Svona bærilega. Þetta er erfitt. Húsið er skipt upp og eldvarnarveggir eru ekki að hjálpa okkur. Aðkoman er þröng, þannig að það var erfitt að finna eldinn í upphafi,“ sagði Birgir. „Við einbeittum okkur að því að bjarga verðmætum. Hér voru töluverð verðmæti, sérstaklega fornbílar og búnaður sem þeim fylgir, sem samkvæmt eigendum er miklu verðmeiri en húsið. Þannig að við einbeittum okkur að því með þeim sem hér voru.“ Húsið ekki verið skoðað nýlega Búið er að koma öllum íbúum hússins út úr húsinu að því er slökkviliðið veit en húsið var ekki samþykkt íbúðarhúsnæði. Húsið var á lista slökkviliðsins yfir hús sem þyrfti að skoða betur en hafði ekki verið yfirfarið í þó nokkurn tíma. Var fólk inni þegar eldurinn kviknaði? „Já, hér var búseta. Þetta er eitt af þeim húsum þar sem er búseta í atvinnuhúsnæði. Við erum komin hér með Rauða krossinn og teljum okkur vera með þokkalegt yfirlit yfir þá sem voru hér í húsinu,“ sagði hann. „Það eru sjálfsagt fleiri íbúar, sem ekki er vitað um en við höfum fengið upplýsingar frá hinum íbúunum að þeir hafi ekki verið til staðar.“ Slökkvilið er byrjað að rífa þakið af húsinu og ætlar að reyna að bjarga öðrum helming þess.Vísir/Steingrímur Dúi Er þetta samþykkt íbúðarhúsnæði? „Atvinnuhúsnæði er ekki samþykkt. Þetta er eitt af þeim húsum sem eru á lista hjá okkur yfir að það þyrfti að fara að skoða betur,“ sagði hann. Þannig að það var ekki nýlega búið að fara yfir brunavarnir? „Nei, ekki í þessu húsnæði.“ Reyna að bjarga hluta hússins Næstu skref slökkviliðsins eru að taka húsið niður og reyna að bjarga öðrum hluta þess að sögn Birgis. Þið eruð byrjaðir að rífa niður þakið, hvað þýðir það eiginlega? „Þetta er bara orðið það hættulegt að við erum ekki að senda inn slökkviliðsmenn,“ sagði Birgir. „Ef við horfum á þetta sem eitt hús, þó þetta séu margar einingar, þá erum við að taka það í sundur og reyna að bjarga öðrum hlutanum. Við erum líka að reyna að losna við þennan reyk sem hér svífur yfir Hafnarfirði.“ Tveir slökkviliðsmenn fylgjast með krabbanum rífa þakið af húsinu.Vísir/Steingrímur Dúi Er vitað hvað hefur verið að brenna og valdið þessum reyk? „Nei, hér er allskyns starfsemi og allskyns hlutir, sjálfsagt dekk og gúmmí, olíur og bensín. Það er bara eins og gengur í svona húsnæði,“ sagði hann. Hver eru næstu skref í slökkvistarfinu? „Næstu skref eru bara núna að halda áfram þessari vinnu með krabbann. Rjúfa húsið í tvennt og reyna þá að slökkva í öðrum hlutanum. En því miður held ég að hinn hlutinn, að næsta verkefni krabbans verði að færa sig þangað svo að við náum að koma vatni á eldinn,“ sagði Birgir. Hefur ekki tölu yfir viðbragðsaðila Fjöldi fólks er á svæðinu við brunann, bæði fjöldi viðbragðsaðila og almennra borgara. Birgir segir að illa hafi gengið að loka svæðinu. Ekki er enn vitað hvernig eldurinn kviknaði. Ertu með tölu yfir viðbragðsaðila hér á svæðinu? „Nei, ég hef ekki náð yfirsýn yfir það. Við erum búnir að hringja út allt slökkviliðið, lögreglan er búin að vera hér, Rauði krossinn. Við höfum fengið mikla aðstoð hér frá þeim sem eru í húsnæðinu í kring, með lyftara og tæki, þannig að þetta er hellings mannskapur,“ sagði Birgir. Gríðarlegan, svartan reyk leggur upp frá húsnæðinu. Vísir/Kristín Hér inni á svæðinu, hefur verið og er enn fullt af fólki sem eru ekki viðbragðsaðilar, er þetta fólk sem tengist húsnæðinu á einn eða annan hátt? „Ég hef ekki tölu á því en við vorum í vandræðum. Þetta er víðfeðmt svæði og það gekk brösuglega að tryggja lokanir. En það eru mjög margir hér sem hafa tengsl við þetta hús, það skiptist í margar einingar, svo það eru margir hér sem hafa haft einhvern aðgang að húsinu,“ sagði hann. Vitið þið hvað gerðist, hvernig eldurinn kviknaði? „Nei, ekki á þessu stigi. Við vitum ekki neitt,“ sagði Birgir Finnsson, starfandi slökkviliðsstjóri Slökkviliðsins á höfuðborgarsvæðinu.
Slökkvilið Hafnarfjörður Bruni á Hvaleyrarbraut Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Köld vatnsgusa“ framan í skólasamfélagið í Laugardal Innlent Fékk ekki að kveðja eiginmanninn fyrir flugið til Nígeríu Innlent „Heill vinnustaður er dreginn sundur og saman í háði“ Innlent Forsetavaktin 2024: Hver verður sjöundi forseti lýðveldisins? Innlent „Við lögleiðum heróínið en bönnum áfengið. Þetta er galið“ Innlent Vitni gefur ekki upp nafn vegna ótta við hefndaraðgerðir Innlent Vann fimmtíu milljónir króna Innlent Þurftu að farga 30 þúsund eintökum vegna forsetaframboðs Innlent Vill bjóða NATO að byggja nýjan flugvöll í Færeyjum Erlent Lýsa eftir Sigurði Fannari Innlent Fleiri fréttir Vann fimmtíu milljónir króna „Köld vatnsgusa“ framan í skólasamfélagið í Laugardal 1.715 börn fengið leikskólapláss Fékk ekki að kveðja eiginmanninn fyrir flugið til Nígeríu Vill sjá Latabæ birtast aftur í sjónvarpsstöðvum heims Drengurinn er fundinn Lýsa eftir Sigurði Fannari „Við lögleiðum heróínið en bönnum áfengið. Þetta er galið“ Koma á fót framkvæmdanefnd um málefni Grindavíkur Vonleysi veðmálanna og eiginmanni vísað úr landi Álftin breyttist í dreka og rak hundinn upp úr með látum Sóttu veikan mann á skemmtiferðaskip umkringt hafís Settur forstjóri skipaður forstjóri „Heill vinnustaður er dreginn sundur og saman í háði“ Breyttar forsendur kalli á nýjan unglingaskóla í Laugardal Ævintýralandið Ísland séð úr háloftunum Dæmdir fyrir ofbeldishrinu Hefur áhyggjur af nýfæddum lömbum á Höfða Uppflettingar í sjúkraskrá: Segir málinu alls ekki lokið Ítrekar afsökunarbeiðni til vöggustofubarna og fjölskyldna þeirra Helmingi dræmari kjörsókn nú en í síðustu forsetakosningum Fulltrúar Stígamóta reyna að tryggja öryggi kvennanna í Nígeríu Heimsótti Julian Assange í Belmarsh-öryggisfangelsið Brottvísun hælisleitenda og dræm þátttaka í utankjörfundi Bein útsending: Má ég taka þátt... í lífinu? Vitni gefur ekki upp nafn vegna ótta við hefndaraðgerðir Beint streymi: Uppfinningar og einkaleyfi Landris heldur áfram á sama hraða Þurftu að farga 30 þúsund eintökum vegna forsetaframboðs Friðlýsir hluta Fjaðrárgljúfurs Sjá meira