Týndur áhrifavaldur fannst sundurlimaður í ferðatösku Magnús Jochum Pálsson skrifar 28. júlí 2023 12:26 Líkamsleifar áhrifavaldsins Fernando Pérez Algaba fundust í rauðri ferðatösku. Hann var líklega myrtur af argentínskum gengjameðlimum vegna skulda. Instagram Líkamsleifar manns fundust sundurlimaðar í rauðri ferðatösku í bænum Ingeniero Budge í Buenos Aires-héraði um helgina. Argentínska lögreglan hefur hafið morðrannsókn í málinu. Börn að leik fundu ferðatöskuna við læk í bænum og tilkynntu foreldrar þeirra málið til lögreglunnar. Í ferðatöskunni fundust fætur og framhandleggur og neðar í læknum fannst handleggur. Á miðvikudag fann lögreglan höfuð og skrokk í læknum. Líkamsleifarnar reyndust vera af hinum 41 árs gamla Fernando Pérez Algaba, rafmyntaríkum milljónamæringi og áhrifavaldi, sem hafði verið saknað frá miðvikudeginum 19. júlí. Við krufningu kom í ljós að Algaba hafði verið skotinn þrisvar áður en líkami hans var bútaður niður. Samkvæmt argentínskum fréttamiðlum virtust atvinnumenn hafa verið að verki þar sem skurðirnir voru mjög snyrtilegir. Leigði út glæsikerrur og sæþotur Algaba sem gekk undir viðurnefninu Lechuga (Salat á íslensku) meðal vina sinna kvaðst hafa farið snemma út í frumkvöðlastarfsemi þegar hann byrjaði fjórtán ára að selja samlokur. Algaba leigði út sæþotur í Miami.Instagram Hann fór síðan út í sölu á notuðum bílum og var kominn með stórt vöruhús af lúxusbílum, mótorhjólum og sæþotum áður en hann varð 24 ára. Fyrr á árinu flutti hann til Miami í Flórída þar sem hann leigði út glæsikerrur og sæþotur. Undanfarin ár rak Algaba einnig skrifstofu í Buenos Aires með yfir 25 starfsmönnum þar sem hann verslaði með rafmyntir. Þá hafði hann sankað að sér miklum fylgjendahópi á Instagram, eða rúmlega 900 þúsund fylgjendum. Algaba flutti til Barcelona á síðasta ári en hafði verið í vikufríi í Argentínu áður en hann hvarf. Óttaðist um líf sitt Ríkidæmi Algaba virðist þó hafa verið á sandi byggt. Hann hafði sankað að sér tæplega hálfrar milljónar króna skuld hjá skattinum í Argentínu eftir að greiðslur hættu að berast frá fyrirtæki hans „Motors Lettuce S.R.L.“ tæpu ári eftir að fyrirtækið var stofnað í janúar 2018. Algaba var með rúmlega 900 þúsund fylgjendur á Instagram og sýndi þar frá íburðarmiklum lífstíl sínum.Instagram Þann 1. október 2022 sendi Algaba skilaboð á vini sína til að segja frá því að hann hefði tapað miklum pening á rafmyntum og væri stórskuldugur. Í skilaboðunum sagði hann „Ef eitthvað kemur fyrir mig, er ég búinn að vara alla við.“ Rodolfo Algaba, bróðir Fernando, sagði í viðtali við fjölmiðla að bróðir sinn hefði verið óheppinn í viðskiptum en hann hefði ekki verið neinn fjársvikari. Hann greindi einnig frá því að Fernando hefði stofnað fyrirtæki sitt sautján ára eftir að hann fékk arf frá föður þeirra. Sögur af harki Algaba eru því líklega ýktar. Lenti upp á kant við ranga menn Samkvæmt argentínska fréttamiðlinum La Nación hafði Algaba lent upp á kant við einn af höfuðpaurum La Barra de Boca, gengi fótboltabulla sem tengist fótboltaliðinu Boca Juniors. Algaba á að hafa skuldað þeim rúma 40 þúsund Bandaríkjadali (um fimm milljónir íslenskra króna). Algaba hitti Gustavo Iglesias, einn af meðlimum Barra de Boca, á bar vegna skuldarinnar. Þar tók hann upp hljóðupptöku af Iglesias. Algaba leigði út lúxuskerrur í Miami og sagðist vera milljónamæringur. Í raun var hann stórskuldugur og lenti upp á kant við ranga menn.Instagram Í henni sagði Iglesias „Ég ætla ekki að drepa þig, ég ætla að gera eitthvað verra, ég ætla að fjarlægja úr þér augun og skera af þér hendurnar þannig þú getir aldrei nokkurn tímann aftur talið peninga. Ég sver á líf barna minn að ég er ekki hræddur við að fara í fangelsi.“ Lögreglan hefur handtekið einn einstakling í tengslum við málið. Það er konan Nicol Alma Chamorro sem lögreglan hafði upp á með því að rekja spor persónuskilríki sem fundust í töskunni. Skilríkin voru í eigu fjölskyldu sem sagðist hafa lánað Chamorro töskuna og gleymt skilríkjunum inni í henni. Chamorro er grunuð um að eiga þátt í morðinu á Algaba en lögreglan telur þó fleiri hafa verið viðriðna morðið. Hverjir það eru er þó enn óvitað. Þá er franski bolabíturinn Kupper sem var í eigu Algaba enn ófundinn. Argentína Mest lesið Grunaður um að hafa frelsissvipt ferðamann í nokkrar klukkustundir Innlent Hikar ekki við að lögsækja skuli Rafmennt nota nafn skólans Innlent Kalla eftir mannúð og miskunnsemi stjórnvalda gagnvart börnum Innlent Birgir Guðjónsson er látinn Innlent Waltz bolað úr embætti af Trump vegna Signal skilaboðanna Erlent Myndaveisla: Lúðrasveit, fánar og gríðarstór stytta á Verkalýðsdaginn Innlent Verkalýðsdagurinn haldinn í skugga sjálftöku forystumanna Innlent Þekkir ofbeldið sem konur í karllægum störfum verða fyrir Innlent Börnum haldið innilokuðum í „hryllingshúsi“ í fleiri ár Erlent Vilja móta samfélagið í þágu vinnandi fólks Innlent Fleiri fréttir Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Sjá meira
Börn að leik fundu ferðatöskuna við læk í bænum og tilkynntu foreldrar þeirra málið til lögreglunnar. Í ferðatöskunni fundust fætur og framhandleggur og neðar í læknum fannst handleggur. Á miðvikudag fann lögreglan höfuð og skrokk í læknum. Líkamsleifarnar reyndust vera af hinum 41 árs gamla Fernando Pérez Algaba, rafmyntaríkum milljónamæringi og áhrifavaldi, sem hafði verið saknað frá miðvikudeginum 19. júlí. Við krufningu kom í ljós að Algaba hafði verið skotinn þrisvar áður en líkami hans var bútaður niður. Samkvæmt argentínskum fréttamiðlum virtust atvinnumenn hafa verið að verki þar sem skurðirnir voru mjög snyrtilegir. Leigði út glæsikerrur og sæþotur Algaba sem gekk undir viðurnefninu Lechuga (Salat á íslensku) meðal vina sinna kvaðst hafa farið snemma út í frumkvöðlastarfsemi þegar hann byrjaði fjórtán ára að selja samlokur. Algaba leigði út sæþotur í Miami.Instagram Hann fór síðan út í sölu á notuðum bílum og var kominn með stórt vöruhús af lúxusbílum, mótorhjólum og sæþotum áður en hann varð 24 ára. Fyrr á árinu flutti hann til Miami í Flórída þar sem hann leigði út glæsikerrur og sæþotur. Undanfarin ár rak Algaba einnig skrifstofu í Buenos Aires með yfir 25 starfsmönnum þar sem hann verslaði með rafmyntir. Þá hafði hann sankað að sér miklum fylgjendahópi á Instagram, eða rúmlega 900 þúsund fylgjendum. Algaba flutti til Barcelona á síðasta ári en hafði verið í vikufríi í Argentínu áður en hann hvarf. Óttaðist um líf sitt Ríkidæmi Algaba virðist þó hafa verið á sandi byggt. Hann hafði sankað að sér tæplega hálfrar milljónar króna skuld hjá skattinum í Argentínu eftir að greiðslur hættu að berast frá fyrirtæki hans „Motors Lettuce S.R.L.“ tæpu ári eftir að fyrirtækið var stofnað í janúar 2018. Algaba var með rúmlega 900 þúsund fylgjendur á Instagram og sýndi þar frá íburðarmiklum lífstíl sínum.Instagram Þann 1. október 2022 sendi Algaba skilaboð á vini sína til að segja frá því að hann hefði tapað miklum pening á rafmyntum og væri stórskuldugur. Í skilaboðunum sagði hann „Ef eitthvað kemur fyrir mig, er ég búinn að vara alla við.“ Rodolfo Algaba, bróðir Fernando, sagði í viðtali við fjölmiðla að bróðir sinn hefði verið óheppinn í viðskiptum en hann hefði ekki verið neinn fjársvikari. Hann greindi einnig frá því að Fernando hefði stofnað fyrirtæki sitt sautján ára eftir að hann fékk arf frá föður þeirra. Sögur af harki Algaba eru því líklega ýktar. Lenti upp á kant við ranga menn Samkvæmt argentínska fréttamiðlinum La Nación hafði Algaba lent upp á kant við einn af höfuðpaurum La Barra de Boca, gengi fótboltabulla sem tengist fótboltaliðinu Boca Juniors. Algaba á að hafa skuldað þeim rúma 40 þúsund Bandaríkjadali (um fimm milljónir íslenskra króna). Algaba hitti Gustavo Iglesias, einn af meðlimum Barra de Boca, á bar vegna skuldarinnar. Þar tók hann upp hljóðupptöku af Iglesias. Algaba leigði út lúxuskerrur í Miami og sagðist vera milljónamæringur. Í raun var hann stórskuldugur og lenti upp á kant við ranga menn.Instagram Í henni sagði Iglesias „Ég ætla ekki að drepa þig, ég ætla að gera eitthvað verra, ég ætla að fjarlægja úr þér augun og skera af þér hendurnar þannig þú getir aldrei nokkurn tímann aftur talið peninga. Ég sver á líf barna minn að ég er ekki hræddur við að fara í fangelsi.“ Lögreglan hefur handtekið einn einstakling í tengslum við málið. Það er konan Nicol Alma Chamorro sem lögreglan hafði upp á með því að rekja spor persónuskilríki sem fundust í töskunni. Skilríkin voru í eigu fjölskyldu sem sagðist hafa lánað Chamorro töskuna og gleymt skilríkjunum inni í henni. Chamorro er grunuð um að eiga þátt í morðinu á Algaba en lögreglan telur þó fleiri hafa verið viðriðna morðið. Hverjir það eru er þó enn óvitað. Þá er franski bolabíturinn Kupper sem var í eigu Algaba enn ófundinn.
Argentína Mest lesið Grunaður um að hafa frelsissvipt ferðamann í nokkrar klukkustundir Innlent Hikar ekki við að lögsækja skuli Rafmennt nota nafn skólans Innlent Kalla eftir mannúð og miskunnsemi stjórnvalda gagnvart börnum Innlent Birgir Guðjónsson er látinn Innlent Waltz bolað úr embætti af Trump vegna Signal skilaboðanna Erlent Myndaveisla: Lúðrasveit, fánar og gríðarstór stytta á Verkalýðsdaginn Innlent Verkalýðsdagurinn haldinn í skugga sjálftöku forystumanna Innlent Þekkir ofbeldið sem konur í karllægum störfum verða fyrir Innlent Börnum haldið innilokuðum í „hryllingshúsi“ í fleiri ár Erlent Vilja móta samfélagið í þágu vinnandi fólks Innlent Fleiri fréttir Waltz bolað úr embætti af Trump vegna Signal skilaboðanna Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Sjá meira