Innlent

Katrín fundar með Joe Biden

Magnús Jochum Pálsson skrifar
Katrín Jakobsdóttir mun funda með Joe Biden og hinum leiðtogum Norðurlandanna 13. júlí næstkomandi.
Katrín Jakobsdóttir mun funda með Joe Biden og hinum leiðtogum Norðurlandanna 13. júlí næstkomandi. Vísir/Vilhelm

Katrín Jakobsdóttir, forsætisráðherra, mun sækja leiðtogafund Norðurlandanna og Joe Biden Bandaríkjaforseta í Helsinki 13. júlí næstkomandi.

Þetta kemur fram í tilkynningu á vef Stjórnarráðsins. 

Fundurinn verður haldinn í kjölfar leiðtogafundar Atlantshafsbandalagsins í Vilníus dagana 11. til 12. júlí.

Í tilkynningunni segir að á fundinum verði rætt um samstarf Norðurlandanna og Bandaríkjanna á sviði öryggismála, umhverfismála og tækniþróunar. Um þriðja leiðtogafund Norðurlandanna og Bandaríkjanna er að ræða en fyrri fundir voru haldnir 2013 í Stokkhólmi og 2016 í Washington.

Sauli Niinistö, forseti Finnlands, er gestgjafi fundarins en auk hans munu Joe Biden, Katrínar Jakobsdóttir, Mette Frederiksen, forsætisráðherra Danmerkur, Jonas Gahr Støre, forsætisráðherra Noregs, og Ulf Kristersson, forsætisráðherra Svíþjóðar, taka þátt í fundinum.

Ríkisstjórn Katrínar Jakobsdóttur Joe Biden Öryggis- og varnarmál Umhverfismál Finnland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið