Innlent

Kristján í Hvalnum kallar Svan­dísi öfga­fullan kommún­ista

Gunnar Reynir Valþórsson skrifar
Kristján var ómyrkur í máli þegar hann ræddi við Morgunblaðið.
Kristján var ómyrkur í máli þegar hann ræddi við Morgunblaðið. Stöð 2/Egill

Kristján Loftsson, eigandi Hvals hf., segir að ákvörðun matvælaráðherra um að setja tímabundið bann á veiðar á langreyðum hafi komið eins og þruma úr heiðskíru lofti.

Í samtali við Morgunblaðið segir Kristján að Vinstri grænir endurskilgreini með þessu orðin „meðalhóf í stjórnsýslu“ ef þetta fær að viðgangast. Þá sé voðinn sé vís fyrir atvinnulífið í heild allt ef þetta verður látið óátalið. 

Kristján gengur lengra og kallar Svandísi Svavarsdóttur matvælaráðherra öfgafullan kommúnista: „Það sem hér er á ferðinni er að öfgafullur kommúnisti stjórnar matvælaráðuneytinu og virðist hata allt nema ríkisrekstur“, segir Kristján í samtali við blaðið. 

Hann bætir því við að Svandís sé greinilega að máta sig við nýja stjórnarhætti og segir með ólíkindum að Sjálfstæðisflokkurinn og Framsóknarflokkurinn skuli hafa „afhent henni matvælaráðuneytið“, eins og hann orðar það.

Hvalveiðar Hvalir Sjávarútvegur Vinstri græn Ríkisstjórn Katrínar Jakobsdóttur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið