Innlent

For­setinn leitar eig­anda lykla­kippu í hverfis­grúbbu á Face­book

Bjarki Sigurðsson skrifar
Guðni Th. Jóhannesson á Bessastöðum þar sem lyklakippuna er nú að finna.
Guðni Th. Jóhannesson á Bessastöðum þar sem lyklakippuna er nú að finna. Vísir/Vilhelm/Facebook

Guðni Th. Jóhannesson, forseti Íslands, fann lykla er hann var úti að skokka í morgun og leitar nú eigenda þeirra. Lyklana geymir hann á Bessastöðum og auglýsti hann eftir eiganda þeirra í hverfishóp Álftnesinga á Facebook. 

„Góðan dag. Fann þessa lyklakippu í morgun á göngustígnum meðfram Álftanesvegi. Hægt er að vitja hennar á Bessastöðum.“ 

Svona hefst færsla sem forseti Íslands, Guðni Th. Jóhannesson, birti í Facebook-hópnum „Íbúar Álftaness“ snemma í morgun. Með færslunni setti hann tvö símanúmer sem hægt er að hringja í til að vitja kippuna og svo mynd af henni hangandi á gaddavír. 

Skjáskot af færslu forsetans.

Þónokkrir hafa dreift skjáskoti af færslunni á samfélagsmiðlum í dag, þar á meðal Sigurður Már Davíðsson tökumaður. Hann bendir á, sem verður að teljast ansi líklegt, að Ísland sé eina landið þar sem forsetinn myndi birta mynd af lyklum sem hann fann inn í hverfishóp á Facebook. 

Í samtali við fréttastofu segir Helga Kr. Einarsdóttir, ráðsmaður á Bessastöðum, að lyklarnir séu enn þar og eigandi þeirra hafi ekki haft samband hingað til. 

Guðni Th. Jóhannesson Forseti Íslands Garðabær Samfélagsmiðlar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið