Erlent

Haraldur konungur lagður inn á sjúkra­hús

Atli Ísleifsson skrifar
Haraldur Noregskonungur er 86 ára gamall.
Haraldur Noregskonungur er 86 ára gamall. EPA

Haraldur Noregskonungur hefur verið lagður inn á Ríkissjúkrahúsið í Osló vegna sýkingar og þarf hann að gangast undir meðferð vegna þessa.

Skrifstofa konungsfjölskyldunnar greinir frá þessu í tilkynningu í morgun. Þar segir að reiknað sé með að konungurinn þurfi að dvelja á sjúkrahúsinu í nokkra daga. „Ástand hans er stöðugt,“ segir í tilkynningunni.

Til stóð að hinn 86 ára konungur myndi taka þátt í viðburði í Akershus-virkinu síðar í dag í tilefni af Frelsisdeginum svokallaða til að minnast loka seinni heimsstyrjaldarinnar. Dagurinn er sömuleiðis tileinkaður fyrrverandi hermönnum.

Hákon krónprins átti einnig að taka þátt í viðburðinum og mun hann sækja hann líkt og til stóð.

Samkvæmt dagskrá á Haraldur konungur að taka á móti Sergio Mattarella Ítalíuforseta síðar í vikunni þegar hann kemur í opinbera heimsókn til Noregs.

Noregur Kóngafólk Haraldur V Noregskonungur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið