Innlent

Óvissa um næstu jarðgöng og hvernig þau verða fjármögnuð

Kristján Már Unnarsson skrifar
Dýrafjarðargöng voru opnuð haustið 2020. Síðan þá hefur jarðgangagerð legið niðri hérlendis. Vegamálastjóri og innviðaráðherra við fjaropnun Dýrafjarðarganga.
Dýrafjarðargöng voru opnuð haustið 2020. Síðan þá hefur jarðgangagerð legið niðri hérlendis. Vegamálastjóri og innviðaráðherra við fjaropnun Dýrafjarðarganga. Vegagerðin

Innviðaráðherra vill ekkert segja um það hvenær hægt verður að bjóða út næstu jarðgöng á Íslandi né hvort hann leggi til í nýrri samgönguáætlun að Fjarðarheiðargöng verði næst í röðinni. Óvissa ríkir um fjármögnun.

Í fréttum Stöðvar 2 var fjallað um stöðu jarðgangamála á Íslandi. Í gildandi samgönguáætlun er miðað við að jarðgöng undir Fjarðarheiði til Seyðisfjarðar verði næsta stórverkefni. Meðal Austfirðinga eru hins vegar skiptar skoðanir um þá forgangsröðun.

„Það er alveg rétt að það hafa verið skiptar skoðanir á Austurlandi um hvaða leið skyldi fara. En við erum að vinna samgönguáætlun núna. Þar verður jarðgangaáætlun og ég hef boðað það að í henni muni birtast öll þau helstu jarðgöng sem við þurfum að fara í á næstu þrjátíu árum,“ segir Sigurður Ingi Jóhannsson innviðaráðherra.

Fjögur ár eru liðin frá síðustu jarðgangasprengingu á Íslandi. Sigurður Ingi sprengdi síðasta haftið í Dýrafjarðargöngum vorið 2019.KMU

Og það eru ekki bara Austfirðingar sem vilja jarðgöng. Bæði á Vestfjörðum og Norðurlandi er kallað eftir göngum og það sem fyrst. Sunnanlands eru jarðgöng um Reynisfjall komin í lög um samvinnuverkefni og innviðaráðherra hefur boðað stofnun starfshóps til að kanna fýsileika jarðganga milli lands og Vestmannaeyja. En er það ennþá stefnan að Fjarðarheiðargöng verði næst eða kemur til greina að endurskoða það?

„Ég ætla ekki að flagga því hvað kemur í samgönguáætluninni, hvorki varðandi jarðgöng eða aðra þætti fyrr en hún birtist.“

Ráðherrann segir samgönguáætlun verða lagða fyrir Alþingi í vor og hún fari síðan til viðkomandi þingnefndar.

„Ég vonast til að nefndin, sem að eftirvæntingarfull bíður eftir þessu verkefni, eins og margir aðrir, að hún leggist yfir það. Hvort þeir nái að klára það í vor, það kemur í ljós.“

Það ríkir hins vegar óvissa um hvernig jarðgangagerðin verður fjármögnuð en verkefnastofa fjármálaráðuneytis og innviðaráðuneytis er að móta tillögur í þeim efnum.

„Skoða meðal annars stofnun einhverskonar jarðgangafélags, eða innviðafélags, sem myndi þá standa fyrir öllum þessum framkvæmdum, og við myndum taka upp einhverskonar gjaldtöku,“ segir Sigurður Ingi.

Gjaldtöku í Hvalfjarðargöng lauk haustið 2018 þegar notendur ganganna höfðu greitt þau upp með vegtolli.Vísir/Vilhelm

Hörð viðbrögð urðu í fyrra þegar ráðherrann kynnti áform um gjaldtöku af öllum jarðgöngum landsins, ekki síst frá Skagamönnum sem sáu fram á að þegar uppgreidd Hvalfjarðargöng myndu þurfa að standa undir stórum hluta nýrra jarðgangatolla. Hvenær tillögur um fjármögnun birtast segir ráðherrann skýrast með vinnu verkefnastofu ráðuneytanna.

„Nákvæmlega hvenær henni lýkur þori ég ekki að fullyrða. En við munum allavegana koma með innspil þaðan eins fljótt og hægt er.“

-En hvenær sýnist þér að hægt verði að bjóða út næstu göng og hefja framkvæmdir?

„Það mun annarsvegar hanga á fjármögnuninni og niðurstöðu Alþingis um samgönguáætlun,“ svarar innviðaráðherra.

Hér má sjá frétt Stöðvar 2:

Samgöngur Vegagerð Dýrafjarðargöng Vegtollar Byggðamál Ríkisstjórn Katrínar Jakobsdóttur Alþingi Múlaþing Fjarðabyggð Vestmannaeyjar Súðavíkurhreppur Fjallabyggð Skagafjörður Akranes Mýrdalshreppur Vesturbyggð Tálknafjörður Hvalfjarðargöng Hvalfjarðarsveit Umferðaröryggi

Tengdar fréttir

Tvenn göng á Mið-Austurlandi áætluð sjö milljörðum ódýrari

Ákvörðun um lengstu og dýrustu veggöng Íslands, Fjarðarheiðargöng til Seyðisfjarðar, bíður Alþingis núna á vordögum. Annar valkostur, sem margir Austfirðingar hallast fremur að, tvenn göng milli Seyðisfjarðar og Norðfjarðar, yrði hins vegar sjö milljörðum króna ódýrari, að mati Vegagerðarinnar.

Segir alþingismenn hafa verið blekkta við val næstu jarðganga

Svæðisstjóri Vegagerðarinnar á Austurlandi til fjörutíu ára segir enga sátt ríkja í fjórðungnum um gerð Fjarðarheiðarganga og telur að alþingismenn hafi verið blekktir til að setja þau í forgang. Talsmaður Seyðfirðinga segir málið hins vegar útrætt og niðurstaða liggi fyrir um að þau verði næstu jarðgöng á Íslandi.

Talsmenn Súðavíkur- og Fljótaganga segja ekki boðlegt að bíða í áratugi

Talsmenn sveitarfélaga sem þrýsta á Súðavíkurgöng fyrir vestan og Fljótagöng fyrir norðan segja þessi verkefni það brýn að ekki sé hægt að bíða eftir því að jarðgangagerð klárist á Mið-Austurlandi. Áformað er að samgönguáætlun verði endurskoðuð á Alþingi eftir áramót.

„Þá verður allt vit­laust á Akra­nesi“

Forseti bæjarstjórnar Akraness segir að það verði allt vitlaust í bænum, nái hugmyndir innviðaráðherra um gjaldtöku í jarðgöngum fram að ganga. Það gildi allt annað um Hvalfjarðargöngin en önnur göng, enda sé löngu búið að borga göngin upp.

Hvalfjarðargöng með helming allrar umferðar um jarðgöng

Hvalfjarðargöng yrðu megingjaldstofn boðaðra jarðgangatolla stjórnvalda enda er umferð um þau álíka mikil og í öllum öðrum göngum hérlendis til samans. Sérfróðir menn áætla að gjaldið þyrfti að vera um helmingur af því meðalgjaldi sem var í Hvalfjarðargöngum.

Ráðherra boðar gjaldtöku í öllum jarðgöngum landsins

Gjaldtaka verður tekin upp í öllum jarðgöngum landsins á næsta eða þarnæsta ári. Innviðaráðherra boðar frumvarp um málið en tekjunum er ætlað að standa undir kostnaði við Fjarðarheiðargöng sem og önnur jarðgöng í framtíðinni.

Ný jarðgangagjöld áformuð til að greiða Fjarðarheiðargöng

Ríkið áformar að mæta ríflega helmingi 45 milljarða króna kostnaðar vegna Fjarðarheiðarganga með nýrri gjaldtöku af umferð um önnur jarðgöng í landinu. Samgöngufélagið segir að þetta gangi tæpast upp og að óforsvaranlegt sé að ráðast í útboð nema fyrir liggi með ótvíræðum hætti hvernig staðið verði að gjaldtökunni.

Vestfirðingar vilja láta bora fern ný jarðgöng

Forystumenn á Vestfjörðum telja þörf á minnst fernum nýjum jarðgöngum í fjórðungum til að koma samgöngumálum þar í viðunandi horf; einum á norðanverðum fjörðunum og þrennum á sunnanverðum.

Mikilvægt að hefja framkvæmdir á Fjarðarheiði eins fljótt og hægt er

Vonskuveður var víðast hvar á landinu í dag og töluvert um foktjón. Þá var úrhellir á Seyðisfirði og Fjarðarheiði var lokuð bróðurpart dags. Sveitarstjóri Múlaþings segir gríðarlega mikilvægt að hefja framkvæmdir á Fjarðarheiði eins fljótt og auðið er.

Flautuðu af gleði þegar þeir prófuðu göngin í fyrsta sinn

Vestfirðingar flautuðu úr bílum sínum af gleði þegar Sigurður Ingi Jóhannsson samgönguráðherra gaf fyrirmæli um að lyfta skyldi slánni við gangamunna Dýrafjarðarganga. Þegar þeir svo óku í gegn flautuðu þeir ennþá meira.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið