Búið að tala við ungmennin

Samúel Karl Ólason og Lillý Valgerður Pétursdóttir skrifa 3. maí 2023 17:28

Frá brunanum í gamla slippnum í Hafnarfirði á mánudaginn. Vísir/Vilhelm

Lögreglan á höfuðborgarsvæðinu hefur náð tali af ungmennunum fjórum sem lýst var eftir í gær í tengslum við brunann í Drafnarslippnum. Samtalið varpaði ekki frekara ljósi á hvernig eldurinn kviknaði.

Þá er enn verið að skoða eldsupptök en beðið er staðfestingar á því frá Mannvirkjastofnun hvort að rafmagn hafi verið tengt við húsið.

Skúli Jónsson aðstoðaryfirlögregluþjónn segir að ef ekkert rafmagn hafi verið tengt hafi líklega verið um opinn eld að ræða en það geti meðal annars átt við um íkveikju.

Allt tiltækt lið slökkviliðsins var kallað út á mánudagskvöld enda var strax ljóst að eldurinn væri gríðarlega umfangsmikill.

Slökkvilið Hafnarfjörður Bruni í Drafnarslipp Lögreglumál

Tengdar fréttir

Hafa ekki náð tali af ungmennunum í tengslum við brunann

Lögreglan á höfuðborgarsvæðinu hefur ekki náð tali af fjórum ungmennum í tengslum við bruna í Drafnarslippnum í Hafnarfirði á mánudagskvöld. Frumniðurstöðu úr rannsókn tæknideildar á tildrögum eldsins er að vænta síðar í dag.

3. maí 2023 10:43

Vilja ná tali af fjórum ungmennum vegna stórbrunans

Lögreglan á höfuðborgarsvæðinu óskar eftir að ná tali af fjórum ungmennum í tengslum við rannsókn hennar á bruna í Drafnarslippnum í Hafnarfirði gærkvöldi.

2. maí 2023 14:56

Kviknaði í húsi sama eiganda í höfninni fyrir fjórum árum

Slökkvistörfum við Hafnarfjarðarhöfn lauk klukkan þrjú í nótt, eftir að eldur kom upp í húsnæði sem til stóð að rífa. Ekkert liggur fyrir um eldsupptök en tæknirannsókn lögreglu fer fram í dag. Annað húsnæði við höfnina í eigu sama aðila brann fyrir fjórum árum.

2. maí 2023 14:32

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.