Sport

Dagskráin í dag: Tvíhöfði á Hlíðarenda, ítalski boltinn, Lengjubikarinn og margt fleira

Hjörtur Leó Guðjónsson skrifar
Agnar Smári Jónsson og félagar hans í Val taka á móti Haukum í Olís-deild karla í kvöld.
Agnar Smári Jónsson og félagar hans í Val taka á móti Haukum í Olís-deild karla í kvöld. vísir/vilhelm

Sportrásir Stöðvar 2 eru gjörsamlega pakkaðar af beinum útsendingum í allan dag og því ættu allir að gta fundið sér eitthvað við sitt hæfi.

Stöð 2 Sport

Olís-deildirnar fá sitt pláss á Stöð 2 Sport í dag þar sem við hefjum leik á viðureign Gróttu og ÍBV í Olís-deild karla klukkan 13:50. Valur tekur svo á móti KA/Þór í Olís-deild kvenna klukkan 15:45 áður en karlalið Vals tekur á móti Haukum klukkan 17:45.

Seinni bylgjan verður svo á dagskrá klukkan 19:40 þar sem farið verður yfir allt það helsta úr liðinni umferð í Olís-deild karla áður en Subway Körfuboltakvöld mætir á svæðið klukkan 21:15 og fer yfir lokaumferð Subway-deildar karla í körfubolta sem fram fór í gærkvöldi.

Stöð 2 Sport 2

Ítalski boltinn verður plássfrekur á Stöð 2 Sport 2 þar sem Cremonese tekur á móti Atalanta klukkan 12:50 áður en Inter og Fiorentina eigast svo við klukkan 15:50.

Juventus tekur svo á móti Hellas Verona klukkan 18:35 áður en NBA-deildin í körfubolta tekur við klukkan 23:30 þegar Miami Heat og Dallas Mavericks eigast við.

Stöð 2 Sport 4

Bein útsending frá Augusta National Women's Amateur mótinu í golfi hefst klukkan 16:00 áður en DIO Implant LA Open á LPGA-mótaröðinni heldur áfram frá klukkan 22:00.

Stöð 2 Sport 5

Stjarnan tekur á móti Þór/KA í úrslitum Lengjubikars kvenna klukkan 16:00.

Stöð 2 eSport

Blast Premier mótaröðin í CS:GO heldur áfram, en upphitun fyrir daginn hefst klukkan 14:10. Evrópu undanúrslitin hejast svo klukkan 14:30 áður en Norður Ameríku undanúrslitin fara af stað klukkan 17:30.




Fleiri fréttir

Sjá meira


×