Harmleikur á Reykjum þar sem börnum var kennt að vinna sér mein Kolbeinn Tumi Daðason skrifar 31. mars 2023 09:42 Skólabúðirnar á Reykjum hafa verið fastur liður hjá börnum í 7. bekk grunnskóla um landið. Vísir/Vilhelm Starfsmanni í Skólabúðunum á Reykjum var sagt upp störfum í síðustu viku eftir atvik í kennslustund í búðunum. Um þrjátíu börn voru í kennslustundinni og lýsa því meðal annars hvernig þau hafi fengið kennslu við að vinna sér mein. Ungmennafélag Íslands lítur málið mjög alvarlegum augum og segir um harmleik að ræða. „Í síðustu viku kom upp atvik hjá okkur sem leiddi til þess að viðkomandi var sagt upp störfum hjá okkur,“ segir Sigurður Guðmundsson, forstöðumaður Skólabúða Ungmennafélags Íslands. UMFÍ tók við rekstri skólabúðanna síðasta haust og hóf þá viðkomandi starfsmaður störf við búðirnar. Nemendur í sjöunda bekk grunnskóla hvaðanæva af landinu hafa sótt skólabúðirnar heim um árabil. Nemendur dvelja þar mánudag til föstudags en með í för eru nokkrir kennarar úr viðkomandi skólum. Starfsmenn á Reykjum stýra dagskránni. UMFÍ sendi bréf til skólastjórnenda í fyrradag. Samkvæmt heimildum fréttastofu lýsa börn í kennslustundinni því hvernig þeim hafi verið kennt að vinna sér mein og svo lýst hvernig tilfinning fylgdi því að deyja. Þá var fókus á ójafnvægi þegar kæmi að valdahlutverki kynjanna. Kominn væri tími til að leiðrétta það. Þannig ættu stúlkurnar í kennslustundinni að ráðast á strákana. „Ég ætla ekki að fara út í það sem átti sér stað. Ég á erfitt með að tjá mig um það allt saman. En það er þannig að það var farið í mál sem samræmist ekki okkar kennsluáætlun. Engan veginn. Þarna var farið töluvert langt út fyrir það allt saman, það sem við leggjum upp fyrir þessar kennslustundir.“ Almenn ánægja hefur verið í skólabúðunum á Reykjum. Karl B. Örvarsson og Halldóra Árnadóttir ráku búðirnar um árabil við góðan orðstír. Reksturinn var boðinn út í fyrra og í framhaldinu tók UMFÍ við rekstrinum.Vísir/Vilhelm Sigurður segir að líklega hafi um þrjátíu krakkar verið í viðkomandi kennslustund. Krakkarnir hafi rætt málin við sína kennara og þannig hafi málið borist á borð til hans. Brugðist hafi verið skjótt við og viðkomandi starfsmaður ekki komið frekar að kennslu þá vikuna. Honum hafi verið sagt upp störfum. Sigurður segir að UMFÍ hafi sent stjórnendum í öllum grunnskólum sem senda börn sín í búðirnar tilkynningu í vikunni vegna málsins. „Eftir að við sendum út tilkynningu um stöðu mála til skólanna þá hafa komið upp ábendingar frá öðrum. Kannski ekki eins og gerðist í síðustu viku og dálítið langt frá því. Ekkert svona alvarlegt,“ segir Sigurður. „Við lítum þetta mjög alvarlegum augum enda er þetta út fyrir öll mörk í hegðun. Þetta er alls ekki í takti við það sem lagt er upp með í náminu.“ Starfsmaðurinn kom einn að kennslustundinni og ber ábyrgð á henni.Vísir/Vilhelm Þar sé lagt upp með leiðtogafærni, sjálfstraust og að styrkja börn í félagsfærni. Mörg dæmi séu um það að krakkar sem læðst hafi með veggjum hafi styrkst mikið félagslega eftir dvöl í búðunum. Svo komi svona upp á sem skyggi á starfið og á engan hátt í takti við það sem búðirnar standi fyrir. Sigurður leggur áherslu á að málið hafi verið unnið náið með viðkomandi grunnskóla og samstarfið verið gott. UMFÍ hafi leitað í samræmda viðbragðsáætlun fyrir íþrótta- og æskulýðsstarf þegar málið kom upp og unnið eftir henni. UMFÍ hafi komið að samningu þeirrar áætlunar í fyrra sem hafi reynst vel þegar svona leiðinlegt mál kom upp. Í búðunum dvelja ólíkir skólar í flestum tilfellum saman svo krakkar kynnast jafnöldrum sínum héðan og þaðan af landinu.Vísir/Vilhelm Starfsmaðurinn er fullorðinn karlmaður. Aðspurður hvort eitthvað hefði mátt betur fara í ráðningarferlinu segir Sigurður: „Við erum auðvitað með okkar áætlun þegar við erum að ráða inn starfsfólk. Fólk skilar inn samþykki fyrir því að við fáum að skoða sakaskrá og svoleiðis. Við erum með mikla verkferla í ráðningum á starfsfólki og erum alltaf að reyna að vanda okkur þegar við ráðum fólk,“ segir Sigurður. Svo hafi starfsmaðurinn verið með meðmæli. Í þessu tilfelli hafi allt litið vel út varðandi starfsmanninn. UMFÍ hafi boðið starfsmanninum sálfræðiaðstoð enda sé reynt að hjálpa öllum í svona máli. „Þetta er mikill harmleikur.“ Auk þess að reka skólabúðirnar á Reykjum hefur Ungmennafélagið rekið ungmennabúðir á Laugum og Laugavatni frá 2005. Starfsemin á Laugavatni liggur tímabundið niðri. Grunnskólar Skóla - og menntamál Börn og uppeldi Húnaþing vestra Mest lesið Ótrúlegur árekstur: „Ég sá bara dekk og púströr“ Innlent Trump-liðar heita hefndum Erlent Ríkið situr á þúsundum hektara af framræstu votlendi Innlent Yfirlæknir gagnrýnir auglýsingu gegn lyfi við RS-veiru Innlent Sagði frá fyrirætlunum sínum í SMS-i fyrir morðið Erlent Skýrt að Ísland sé ekki griðastaður stríðsglæpamanna Innlent „Ég mun ekki sjá eftir honum“ Innlent Trump höfðar 15 milljarða dala mál gegn New York Times Erlent Frumvarp um afnám laga um orlof húsmæðra lagt fram í tíunda sinn Innlent „Þetta var vissulega ekki í starfslýsingunni“ Innlent Fleiri fréttir Vonar að fólk taki ekki mark á auglýsingum þar sem farið er með rangindi Ótrúlegur árekstur: „Ég sá bara dekk og púströr“ Merki um að gjá í samfélaginu sé að stækka Skýrt að Ísland sé ekki griðastaður stríðsglæpamanna Stjórnvöld ætli að hafa yfirhöndina gagnvart skipulögðum glæpahópum Ísraelar sakaðir um þjóðarmorð og dómsmálaráðherra styður lögregluna í aðgerðum gegn Hells Angels Lokun Sorpu á Dalvegi enn frestað Munu áfram stýra fastanefndunum Fá að halda framkvæmdum áfram í bili Eldur í geymslu í blokk á Selfossi Yfirlæknir gagnrýnir auglýsingu gegn lyfi við RS-veiru Flestir sem skráðu sig í Skorradalshrepp fá að kjósa Frumvarp um afnám laga um orlof húsmæðra lagt fram í tíunda sinn Ríkið situr á þúsundum hektara af framræstu votlendi Sló töskunni í vélarhlíf lögreglubifreiðar „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Sjá meira
„Í síðustu viku kom upp atvik hjá okkur sem leiddi til þess að viðkomandi var sagt upp störfum hjá okkur,“ segir Sigurður Guðmundsson, forstöðumaður Skólabúða Ungmennafélags Íslands. UMFÍ tók við rekstri skólabúðanna síðasta haust og hóf þá viðkomandi starfsmaður störf við búðirnar. Nemendur í sjöunda bekk grunnskóla hvaðanæva af landinu hafa sótt skólabúðirnar heim um árabil. Nemendur dvelja þar mánudag til föstudags en með í för eru nokkrir kennarar úr viðkomandi skólum. Starfsmenn á Reykjum stýra dagskránni. UMFÍ sendi bréf til skólastjórnenda í fyrradag. Samkvæmt heimildum fréttastofu lýsa börn í kennslustundinni því hvernig þeim hafi verið kennt að vinna sér mein og svo lýst hvernig tilfinning fylgdi því að deyja. Þá var fókus á ójafnvægi þegar kæmi að valdahlutverki kynjanna. Kominn væri tími til að leiðrétta það. Þannig ættu stúlkurnar í kennslustundinni að ráðast á strákana. „Ég ætla ekki að fara út í það sem átti sér stað. Ég á erfitt með að tjá mig um það allt saman. En það er þannig að það var farið í mál sem samræmist ekki okkar kennsluáætlun. Engan veginn. Þarna var farið töluvert langt út fyrir það allt saman, það sem við leggjum upp fyrir þessar kennslustundir.“ Almenn ánægja hefur verið í skólabúðunum á Reykjum. Karl B. Örvarsson og Halldóra Árnadóttir ráku búðirnar um árabil við góðan orðstír. Reksturinn var boðinn út í fyrra og í framhaldinu tók UMFÍ við rekstrinum.Vísir/Vilhelm Sigurður segir að líklega hafi um þrjátíu krakkar verið í viðkomandi kennslustund. Krakkarnir hafi rætt málin við sína kennara og þannig hafi málið borist á borð til hans. Brugðist hafi verið skjótt við og viðkomandi starfsmaður ekki komið frekar að kennslu þá vikuna. Honum hafi verið sagt upp störfum. Sigurður segir að UMFÍ hafi sent stjórnendum í öllum grunnskólum sem senda börn sín í búðirnar tilkynningu í vikunni vegna málsins. „Eftir að við sendum út tilkynningu um stöðu mála til skólanna þá hafa komið upp ábendingar frá öðrum. Kannski ekki eins og gerðist í síðustu viku og dálítið langt frá því. Ekkert svona alvarlegt,“ segir Sigurður. „Við lítum þetta mjög alvarlegum augum enda er þetta út fyrir öll mörk í hegðun. Þetta er alls ekki í takti við það sem lagt er upp með í náminu.“ Starfsmaðurinn kom einn að kennslustundinni og ber ábyrgð á henni.Vísir/Vilhelm Þar sé lagt upp með leiðtogafærni, sjálfstraust og að styrkja börn í félagsfærni. Mörg dæmi séu um það að krakkar sem læðst hafi með veggjum hafi styrkst mikið félagslega eftir dvöl í búðunum. Svo komi svona upp á sem skyggi á starfið og á engan hátt í takti við það sem búðirnar standi fyrir. Sigurður leggur áherslu á að málið hafi verið unnið náið með viðkomandi grunnskóla og samstarfið verið gott. UMFÍ hafi leitað í samræmda viðbragðsáætlun fyrir íþrótta- og æskulýðsstarf þegar málið kom upp og unnið eftir henni. UMFÍ hafi komið að samningu þeirrar áætlunar í fyrra sem hafi reynst vel þegar svona leiðinlegt mál kom upp. Í búðunum dvelja ólíkir skólar í flestum tilfellum saman svo krakkar kynnast jafnöldrum sínum héðan og þaðan af landinu.Vísir/Vilhelm Starfsmaðurinn er fullorðinn karlmaður. Aðspurður hvort eitthvað hefði mátt betur fara í ráðningarferlinu segir Sigurður: „Við erum auðvitað með okkar áætlun þegar við erum að ráða inn starfsfólk. Fólk skilar inn samþykki fyrir því að við fáum að skoða sakaskrá og svoleiðis. Við erum með mikla verkferla í ráðningum á starfsfólki og erum alltaf að reyna að vanda okkur þegar við ráðum fólk,“ segir Sigurður. Svo hafi starfsmaðurinn verið með meðmæli. Í þessu tilfelli hafi allt litið vel út varðandi starfsmanninn. UMFÍ hafi boðið starfsmanninum sálfræðiaðstoð enda sé reynt að hjálpa öllum í svona máli. „Þetta er mikill harmleikur.“ Auk þess að reka skólabúðirnar á Reykjum hefur Ungmennafélagið rekið ungmennabúðir á Laugum og Laugavatni frá 2005. Starfsemin á Laugavatni liggur tímabundið niðri.
Grunnskólar Skóla - og menntamál Börn og uppeldi Húnaþing vestra Mest lesið Ótrúlegur árekstur: „Ég sá bara dekk og púströr“ Innlent Trump-liðar heita hefndum Erlent Ríkið situr á þúsundum hektara af framræstu votlendi Innlent Yfirlæknir gagnrýnir auglýsingu gegn lyfi við RS-veiru Innlent Sagði frá fyrirætlunum sínum í SMS-i fyrir morðið Erlent Skýrt að Ísland sé ekki griðastaður stríðsglæpamanna Innlent „Ég mun ekki sjá eftir honum“ Innlent Trump höfðar 15 milljarða dala mál gegn New York Times Erlent Frumvarp um afnám laga um orlof húsmæðra lagt fram í tíunda sinn Innlent „Þetta var vissulega ekki í starfslýsingunni“ Innlent Fleiri fréttir Vonar að fólk taki ekki mark á auglýsingum þar sem farið er með rangindi Ótrúlegur árekstur: „Ég sá bara dekk og púströr“ Merki um að gjá í samfélaginu sé að stækka Skýrt að Ísland sé ekki griðastaður stríðsglæpamanna Stjórnvöld ætli að hafa yfirhöndina gagnvart skipulögðum glæpahópum Ísraelar sakaðir um þjóðarmorð og dómsmálaráðherra styður lögregluna í aðgerðum gegn Hells Angels Lokun Sorpu á Dalvegi enn frestað Munu áfram stýra fastanefndunum Fá að halda framkvæmdum áfram í bili Eldur í geymslu í blokk á Selfossi Yfirlæknir gagnrýnir auglýsingu gegn lyfi við RS-veiru Flestir sem skráðu sig í Skorradalshrepp fá að kjósa Frumvarp um afnám laga um orlof húsmæðra lagt fram í tíunda sinn Ríkið situr á þúsundum hektara af framræstu votlendi Sló töskunni í vélarhlíf lögreglubifreiðar „Þetta var vissulega ekki í starfslýsingunni“ Hefur ekki áhyggjur af svindli með nýju námsmati Þrjú innbrot og alltaf fúlsað við verkunum: „Þetta er kannski smá yfirlýsing“ Ísland ekki óhult ef til átaka kemur í Evrópu „Ég mun ekki sjá eftir honum“ Fjöldi glæpahópa á Íslandi hefur tvöfaldast á tíu árum „Ekki algengt að svona lekar verði“ Stóraukning skipulagðrar glæpastarfsemi og innbrotahrina hjá listamanni Flugvél með fjórum innanborðs fór út af flugbraut Kallar eftir náðun Kouranis og brottvísun strax á morgun Tiltekt ríkisstjórnar eins og að taka sokk af gólfi unglings Ingvar aftur kominn í leyfi frá þingstörfum Oddvitarnir ætla sér stóra hluti eftir átta mánuði Loka fyrir heitt vatn vegna leka á Bústaðavegi Tvíburarnir fengu ár í viðbót Sjá meira
Ísraelar sakaðir um þjóðarmorð og dómsmálaráðherra styður lögregluna í aðgerðum gegn Hells Angels