Erlent

Sögu­legu sam­komu­lagi náð

Bjarki Sigurðsson skrifar
Með samkomulaginu stefna aðildarríkin á að vernda vistkerfi sjávar.
Með samkomulaginu stefna aðildarríkin á að vernda vistkerfi sjávar. Getty

Eftir að hafa verið í viðræðum í tæplega tuttugu ár hafa aðildarríki Sameinuðu þjóðanna loksins komist að samkomulagi um að vernda vistkerfi í úthöfum jarðarinnar. Samningar náðust í New York í nótt.

Í tvo áratugi hafa aðildarríki Sameinuðu þjóðanna reynt að semja sín á milli um verndun vistkerfa í úthöfum sem ekki tilheyra lögsögu ákveðinna ríkja. Eitt helsta þrætueplið var skipting gróða á erfðaauðlindum í hafinu, þá sérstaklega milli þróunarríkja og þróaðra ríkja en það tókst í nótt. 

Erfðaauðlindir koma til dæmis frá svömpum, kórölum, þangi og bakteríum í hafinu. Fjöldi vísindamanna notast við auðlindirnar við gerð lyfja og snyrtivara. 

Þó á eftir að undirrita samninginn en verið er að vinna í því að breyta orðalagi í honum og þýða. Textanum verður þó ekki breytt á neinn hátt. 

Fulltrúar aðildarríkjanna höfðu ekki yfirgefið fundarsalinn í 48 tíma til þess að komast að niðurstöðu samkvæmt The Guardian. 

Umhverfismál Dýr
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið