Innlent

Meint olía reyndist loðna

Árni Sæberg skrifar
Mikið er að gera við loðnuveiðar þessa dagana.
Mikið er að gera við loðnuveiðar þessa dagana. Landhelgisgæsla Íslands

Í reglubundnu eftirlitsflugi í vikunni varð þyrlusveit Landhelgisgæslunnar vör við flekki sem í fyrstu sýn virtust vera olíuflekkir. Við nánari skoðun kom í ljós að um loðnutorfur var að öllum líkindum að ræða.

Þetta segir í stöðuuppfærslu Landhelgisgæslunnar á Facebook. Þar segir að flogið hafi verið um Garðskaga, fyrir Reykjanes og austur að Surtsey. Við Reykjanesskaga og suður af landinu hafi sést miklir flekkir sem virtust vera af völdum mengunar.

Þá segir að mikill fjöldi uppsjávarskipa hafi verið á svæðinu, þar á meðal fjögur færeysk loðnuskip og eitt þeirra á veiðum.

Þyrlusveitin ákvað að gera stopp við Þrídranga og taka hífingar. Sigmanni var slakað niður og hann kannaði í leiðinni hvort allt væri ekki eins og það ætti að vera í vitahúsinu, sem það var, að því er segir í tilkynningunni.

Sigmaður kannaði hvort ekki væri allt með felldu í vitahúsinu á Þrídröngum.Landhelgisgæsla Íslands

Því næst hafi sigmaðurinn verið hífður um borð í TF-GNA og stefnan tekin á Heimaey þar sem eldsneyti var sett á tankinn áður en haldið var til Reykjavíkur.

Landhelgisgæslan Sjávarútvegur Loðnuveiðar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið