Innlent

Sprengisandur: Úkraína, staða heimilislausra og kjaramál á dagskrá

Ólafur Björn Sverrisson skrifar
Sprengisandur hefst klukkan 10. Kristján Kristjánsson stýrir þættinum að venju.
Sprengisandur hefst klukkan 10. Kristján Kristjánsson stýrir þættinum að venju.

Ýmislegt verður til umræðu í þjóðmálaþættinum Sprengisandi sem er í beinni útsendingu á Bylgjunni og hér á Vísi frá klukkan tíu til tólf alla sunnudaga. Í þættinum fær Kristján Kristjánsson til sín góða gesti og fer yfir þau málefni sem eru efst á baugi í samfélaginu hverju sinni.

Þau Bjarni Jónsson, formaður utanríkismálanefndar Alþingis, sem nýkomin er frá Úkraínu, Hanna Katrín Friðriksson alþingismaður og Valur Gunnarsson rithöfundur ætla að skiptast á skoðunum um þau áhrif sem innrásin í Úkraínu hefur haft á heimsmynd okkar, bæði til skamms og langs tíma. Ár er liðið og allur heimurinn veltir þessari spurningu fyrir sér.

Kristín I. Pálsdóttir, talskona Rótarinnar, berst fyrir betri hag heimilislausra kvenna einkanlega, hún er gagnrýnin á þær aðferðir sem við beitum í baráttunni gegn fíkn, fátæki og heimilisleysi.

Gylfi Zoëga, prófessor í hagfræði fjallar um efnahagsmálin, verðbólguna, vextina, evruna, krónuna, Seðlabankann, kjarasamninga og fleira þessu tengt. Verðbólga veldur búsifjum um allan heim og baráttan við hana reynist margfalt erfiðari en ætlað var., Hvað veldur og hvað er til ráða? Í lok þáttar skipta þeir á skoðunum um kjaramálin og vinnumarkaðinn,

Aðalsteinn Árni Baldursson verkalýðsleiðtogi á Húsavík og Sigmundur Davíð Gunnlaugsson formaður MIðflokksins. Tíðindaríkir dagar fram undan á þeim slóðum, dómstólar áfram í lykilhlutverki og kannski þarf ríkið að láta til sín taka, hver veit.

Sprengisandur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið