Þjálfari skíða­drottningarinnar hætti á miðju heims­meistara­móti

Mike Day, þjálfari Shiffrin, er farinn til sín heima en Shiffrin á enn eftir að keppa í tveimur uppáhaldsgreinum sínum.

Shiffrin talaði um það í blaðaviðtali á þriðjudaginn að hún vildi skipta um þjálfara eftir tímabilið en þjálfarinn ákvað að hætta strax þegar hann frétti það.

Alpagreinasamband Bandaríkjanna staðfesti þetta við AP-fréttastofuna.

Mikaela Shiffrin er búin að vinna ein verðlaun á þessu heimsmeistaramóti en hún vann silfur í risasvigi.

Í dag og á morgun keppir hún síðan í sínum uppáhaldsgreinum sem eru stórvig og svig.

Shiffrin hefur alls unnið tólf verðlaun á heimsmeistaramótum á ferlinum þar af sex gullverðlaun.