Segir undir Heimi komið hvort Greenwood verði boðið sæti í landsliðinu Smári Jökull Jónsson skrifar 8. febrúar 2023 23:01 Mason Greenwood er uppalinn leikmaður Manchester United og var talinn vonarstjarna hjá liðinu og enska landsliðinu. Getty/Marc Atkins Framkvæmdastjóri jamaíska knattspyrnusambandsins segist munu taka Mason Greenwood opnum örmum velji hann að spila fyrir jamaíska landsliðið í knattspyrnu. Heimir Hallgrímsson er þjálfari Jamaíka. Mál Mason Greenwood hefur verið í brennidepli að undanförnu eftir að allar ákærur á hendur honum voru felldar niður, rúmu ári eftir að þessi 21 árs gamli leikmaður Manchester United var handtekinn grunaður um nauðgunartilraun, líkamsárás og þvingunartilburði. Greenwood var hnepptur í varðhald eftir ákæru 15. október á síðasta ári. Fyrrum kærasta Greenwood birti snemma árs í fyrra myndbönd og hljóðbrot á Instagram-síðu sinni með yfirskriftinni: „Til þeirra sem vilja vita hvað Mason Greenwood gerir í alvörunni við mig.“ Myndirnar sýndu marbletti á ýmsum stöðum sem og konuna með sprungna vör. Hljóðbrotið sem hún birti var sagt vera af atviki þar sem Greenwood hefði þvingað hana til samræðis. Nú hafa allar ákærur á hendur honum hins vegar verið felldar niður eftir að lykilvitni dró framburð sinn til baka. Manchester United gaf í kjölfarið út yfirlýsingu þar sem tilkynnt var að Greenwood myndi hvorki æfa né spila með United þar til félagið hafi lokið sinni eigin rannsókn á málinu en margir stuðningsmenn hafa lýst yfir vanþóknun sinni á því að hann snúi aftur til félagsins. „Ef þjálfarinn velur hann yrði hann boðinn velkominn“ Nú hefur framkvæmdastjóri jamaíska knattspyrnusambandsins hins vegar tjáð sig um málið. Greenwood á ættir að rekja til Jamaíka og væri gjaldgengur í landslið þjóðarinnar þrátt fyrir að hafa leikið einn leik fyrir enska landsliðið, einmitt gegn Íslandi á Laugardalsvelli. Í frétt Jamaica Observer kemur fram að jamaíska sambandið hafi í nokkur skipti haft samband við Greenwood með það fyrir augum að velja hann í landsliðshópinn en hann ávallt neitað. Heimir Hallgrímsson er núverandi landsliðsþjálfari Jamaíka en hann tók við liðinu í september síðastliðnum. Framkvæmdastjóri knattspyrnusambandsins segir hins vegar að sambandið myndi bjóða Greenwood velkominn þar sem hann sé leikmaður í hæsta gæðaflokki. „Ég held að við myndum ekki loka dyrunum á hann, en þetta er ákvörðun sem þjálfarinn þarf að taka. Ef þjálfarinn velur hann þá yrði hann boðinn velkominn af okkur,“ sagði Dennis Chung í viðtali við Jamaica Observer. „Hann er frábær leikmaður en þetta er allt undir þjálfaranum komið og ef þjálfaranum finnst að hann ætti að vera valinn þá er það hans ákvörðun. Hann er aðeins tuttugu og eins árs og á bjarta framtíð fyrir sér. Ég held að hann myndi bæta öll lið sem hann væri í.“ Þrátt fyrir að mál Greenwood hafi verið fellt niður eru margir sem taka því með fyrirvara enda hafi hljóðupptökur og myndir sýnt að eitthvað hafi gengið á í samskiptum Greenwood við sína fyrrum kærustu. Chung er ekki einn þeirra miðað við ummæli hans í Jamaica Observer. „Hann hefur verið sýknaður af dómstólnum og ef hann hefur verið sýknaður þá eru þeir að segja að hann sé saklaus. Þannig að mér finnst þetta vera undir þjálfaranum komið.“ Heimir Hallgrímsson þjálfar landslið Jamaíku Mest lesið Drepur varg, smíðar og er fyrirliði í Bestu deildinni Íslenski boltinn „Benedikt verður í heimsklassa“ Handbolti Klopp hélt áfram að urða yfir fjölmiðlamanninn eftir að strunsa úr viðtalinu Enski boltinn Ætlar að verða betri en stóri bróðir Sport Eftirminnilegustu heimkomurnar í íslenska fótboltanum Íslenski boltinn Niðurfelling kærð en KSÍ leyfir Alberti að spila Fótbolti Ráðist að Immobile fyrir framan konu hans og barn Fótbolti Blóðug og særð í andliti en setti heimsmet Sport Utan vallar: Leikur fyrir snjallsímakynslóðina Enski boltinn Andrea Rán spilar á Íslandi í sumar Íslenski boltinn Fleiri fréttir Klopp hélt áfram að urða yfir fjölmiðlamanninn eftir að strunsa úr viðtalinu Utan vallar: Leikur fyrir snjallsímakynslóðina Núñez meiddist gegn Man United Fjórtán ára undrabarn valdi Man. City Nottingham Forest missir fjögur stig Klopp ósáttur við að fá ekki eina skiptingu í viðbót Fórnaði Arsenal fyrir konu Klopp sagði spurningu blaðamanns heimskulega og gekk burt Sjáðu mörkin úr stórleiknum í lýsingu Gumma Ben Búið að draga í undanúrslit enska bikarsins Ótrúleg dramatík þegar United sló Liverpool út úr bikarnum Arsenal gæti neitað Henry og bannað Saliba að fara Tvö mörk tekin af West Ham gegn Aston Villa Sóttu sigur í uppbótartíma gegn tíu mönnum Grætti boltastrák þegar Coventry skoraði sigurmarkið „Þetta er ótrúlegt“ Newcastle lítil fyrirstaða fyrir lærisveina Guardiola Fulham fór illa með lið Tottenham Fyrsti sigur Burnley síðan á Þorláksmessu Þjálfari kvennaliðs Chelsea á móti ástarsamböndum liðsfélaga Þurftu að spila í sokkum mótherjanna Chelsea konur fljótar að klára Arsenal í toppslagnum Pep horfir til Lundúna í leit að eftirmanni Bernardo Silva Højlund og Salah klárir í stórleikinn: „Vitum að þessi leikur skiptir öllu máli“ Vilja vinna alla titla fyrir fráfarandi Klopp Stefnir í að enska úrvalsdeildin fái fimm Meistaradeildarsæti Neitar að spila fyrir enska landsliðið Á óvænt tengsl við Mourinho og segir fallega sögu Draumahálfleikur Luton manna breyttist í martröð í seinni hálfleik Toppar Man. United ferðast á milli stóru klúbbanna í Evrópu Sjá meira
Mál Mason Greenwood hefur verið í brennidepli að undanförnu eftir að allar ákærur á hendur honum voru felldar niður, rúmu ári eftir að þessi 21 árs gamli leikmaður Manchester United var handtekinn grunaður um nauðgunartilraun, líkamsárás og þvingunartilburði. Greenwood var hnepptur í varðhald eftir ákæru 15. október á síðasta ári. Fyrrum kærasta Greenwood birti snemma árs í fyrra myndbönd og hljóðbrot á Instagram-síðu sinni með yfirskriftinni: „Til þeirra sem vilja vita hvað Mason Greenwood gerir í alvörunni við mig.“ Myndirnar sýndu marbletti á ýmsum stöðum sem og konuna með sprungna vör. Hljóðbrotið sem hún birti var sagt vera af atviki þar sem Greenwood hefði þvingað hana til samræðis. Nú hafa allar ákærur á hendur honum hins vegar verið felldar niður eftir að lykilvitni dró framburð sinn til baka. Manchester United gaf í kjölfarið út yfirlýsingu þar sem tilkynnt var að Greenwood myndi hvorki æfa né spila með United þar til félagið hafi lokið sinni eigin rannsókn á málinu en margir stuðningsmenn hafa lýst yfir vanþóknun sinni á því að hann snúi aftur til félagsins. „Ef þjálfarinn velur hann yrði hann boðinn velkominn“ Nú hefur framkvæmdastjóri jamaíska knattspyrnusambandsins hins vegar tjáð sig um málið. Greenwood á ættir að rekja til Jamaíka og væri gjaldgengur í landslið þjóðarinnar þrátt fyrir að hafa leikið einn leik fyrir enska landsliðið, einmitt gegn Íslandi á Laugardalsvelli. Í frétt Jamaica Observer kemur fram að jamaíska sambandið hafi í nokkur skipti haft samband við Greenwood með það fyrir augum að velja hann í landsliðshópinn en hann ávallt neitað. Heimir Hallgrímsson er núverandi landsliðsþjálfari Jamaíka en hann tók við liðinu í september síðastliðnum. Framkvæmdastjóri knattspyrnusambandsins segir hins vegar að sambandið myndi bjóða Greenwood velkominn þar sem hann sé leikmaður í hæsta gæðaflokki. „Ég held að við myndum ekki loka dyrunum á hann, en þetta er ákvörðun sem þjálfarinn þarf að taka. Ef þjálfarinn velur hann þá yrði hann boðinn velkominn af okkur,“ sagði Dennis Chung í viðtali við Jamaica Observer. „Hann er frábær leikmaður en þetta er allt undir þjálfaranum komið og ef þjálfaranum finnst að hann ætti að vera valinn þá er það hans ákvörðun. Hann er aðeins tuttugu og eins árs og á bjarta framtíð fyrir sér. Ég held að hann myndi bæta öll lið sem hann væri í.“ Þrátt fyrir að mál Greenwood hafi verið fellt niður eru margir sem taka því með fyrirvara enda hafi hljóðupptökur og myndir sýnt að eitthvað hafi gengið á í samskiptum Greenwood við sína fyrrum kærustu. Chung er ekki einn þeirra miðað við ummæli hans í Jamaica Observer. „Hann hefur verið sýknaður af dómstólnum og ef hann hefur verið sýknaður þá eru þeir að segja að hann sé saklaus. Þannig að mér finnst þetta vera undir þjálfaranum komið.“
Heimir Hallgrímsson þjálfar landslið Jamaíku Mest lesið Drepur varg, smíðar og er fyrirliði í Bestu deildinni Íslenski boltinn „Benedikt verður í heimsklassa“ Handbolti Klopp hélt áfram að urða yfir fjölmiðlamanninn eftir að strunsa úr viðtalinu Enski boltinn Ætlar að verða betri en stóri bróðir Sport Eftirminnilegustu heimkomurnar í íslenska fótboltanum Íslenski boltinn Niðurfelling kærð en KSÍ leyfir Alberti að spila Fótbolti Ráðist að Immobile fyrir framan konu hans og barn Fótbolti Blóðug og særð í andliti en setti heimsmet Sport Utan vallar: Leikur fyrir snjallsímakynslóðina Enski boltinn Andrea Rán spilar á Íslandi í sumar Íslenski boltinn Fleiri fréttir Klopp hélt áfram að urða yfir fjölmiðlamanninn eftir að strunsa úr viðtalinu Utan vallar: Leikur fyrir snjallsímakynslóðina Núñez meiddist gegn Man United Fjórtán ára undrabarn valdi Man. City Nottingham Forest missir fjögur stig Klopp ósáttur við að fá ekki eina skiptingu í viðbót Fórnaði Arsenal fyrir konu Klopp sagði spurningu blaðamanns heimskulega og gekk burt Sjáðu mörkin úr stórleiknum í lýsingu Gumma Ben Búið að draga í undanúrslit enska bikarsins Ótrúleg dramatík þegar United sló Liverpool út úr bikarnum Arsenal gæti neitað Henry og bannað Saliba að fara Tvö mörk tekin af West Ham gegn Aston Villa Sóttu sigur í uppbótartíma gegn tíu mönnum Grætti boltastrák þegar Coventry skoraði sigurmarkið „Þetta er ótrúlegt“ Newcastle lítil fyrirstaða fyrir lærisveina Guardiola Fulham fór illa með lið Tottenham Fyrsti sigur Burnley síðan á Þorláksmessu Þjálfari kvennaliðs Chelsea á móti ástarsamböndum liðsfélaga Þurftu að spila í sokkum mótherjanna Chelsea konur fljótar að klára Arsenal í toppslagnum Pep horfir til Lundúna í leit að eftirmanni Bernardo Silva Højlund og Salah klárir í stórleikinn: „Vitum að þessi leikur skiptir öllu máli“ Vilja vinna alla titla fyrir fráfarandi Klopp Stefnir í að enska úrvalsdeildin fái fimm Meistaradeildarsæti Neitar að spila fyrir enska landsliðið Á óvænt tengsl við Mourinho og segir fallega sögu Draumahálfleikur Luton manna breyttist í martröð í seinni hálfleik Toppar Man. United ferðast á milli stóru klúbbanna í Evrópu Sjá meira