Viðskipti innlent

Vegagerðin býður út styrkingu Þrengslavegar

Kristján Már Unnarsson skrifar
Frá þjóðveginum um Þrengsli. Um hann liggur aðalleiðin milli Þorlákshafnar og Reykjavíkur. Fjær sjást Litla-Sandfell og Geitafell.
Frá þjóðveginum um Þrengsli. Um hann liggur aðalleiðin milli Þorlákshafnar og Reykjavíkur. Fjær sjást Litla-Sandfell og Geitafell. Egill Aðalsteinsson

Vegagerðin hefur óskað eftir tilboðum í styrkingu Þrengslavegar á kaflanum milli Lambafells og Litla-Sandfells. Verkinu á að ljúka fyrir lok sumars.

Í útboðsauglýsingu kemur fram að boðin sé út endurmótun, styrking og malbikun á 5,4 kílómetra kafla, milli afleggjara að Lambafellsnámu og afleggjara að Litla-Sandfelli. Verkið felst að stærstum hluta í fræsingu núverandi vegar, lítilsháttar breikkun, jöfnun og útlögn malbiks.

Tilboðsfrestur rennur út þriðjudaginn 21. febrúar næstkomandi. Verkinu skal að fullu lokið eigi síðar en 1. september 2023.

Vegagerð Samgöngur Umferðaröryggi Ölfus


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið