„Þetta kemur eins og himnasending inn í unglingaheiminn sem er svo harður“ Elma Rut Valtýsdóttir skrifar 18. janúar 2023 10:31 Þær Yrja Kristinsdóttir og Marit Davíðsdóttir hafa hannað námsefni fyrir fermingarbörn sem byggir á jákvæðri sálfræði. Aðsend Jákvæð sálfræði verður viðfangsefni fermingarfræðslu Þjóðkirkjunnar næstu árin. Þær Marit Davíðsdóttir og Yrja Kristinsdóttir, sem standa á bak við dagbókina Gleðiskrudduna, gengu til liðs við Þjóðkirkjuna og tóku að sér það mikilvæga verkefni að kynna fermingarbörn fyrir viðfangsefnum á borð við núvitund og sjálfsvinsemd. Gleðiskruddan er dagbók fyrir börn á aldrinum sex til fimmtán ára sem byggir á hugmyndafræði jákvæðrar sálfræði. Bókin hefur notið mikillar vinsælda og hafa þær stöllur ferðast um land allt með fræðslu fyrir börn og foreldra. Verkefnið hefur nú heldur betur undið upp á sig. Vinkonurnar eru að fara af stað með sína eigin sjónvarpsþætti, Gleðiverkfæri Gleðiskruddunnar, á RÚV nú á nýju ári, ásamt því að hafa nýlega verið fengnar til þess að hanna fræðsluefni fyrir fermingarbörn landsins. Kynna fermingarbörn fyrir núvitund og sjálfsvinsemd „Verkefnið kom mjög skemmtilega til en Sr. Guðbjörg Jóhannesdóttir, sóknarprestur í Langholtskirkju hafði samband við okkur og hafði mikinn áhuga á því að Gleðiskruddan yrði með fræðslu fyrir fermingarárgangana í kirkjunni. Eitt leiddi af öðru og fljótlega vorum við komnar á fund með Eddu Möller, framkvæmdastjóra Kirkjuhússins og Elínu Elísabetu Jóhannesdóttur, fræðslustjóra Biskupsstofu þar sem gerður var samningur um að Gleðiskruddan gerði efni fyrir fermingarfræðsluna í samstarfið við Biskupsstofu og Skálholtsútgáfu,“ segja þær Marit og Yrja í samtali við Vísi. Hugmyndafræðin á bak við Gleðiskrudduna byggir á yfir tuttugu lykilþemum úr jákvæðri sálfræði. Fyrir fermingarfræðsluna ákváðu þær í samstarfi við Biskupsstofu og Skálholtsútgáfu að velja tvö þemu sem þeim þótti brýnast að kynna fyrir fermingarbörnunum; núvitund og sjálfsvinsemd. „Það er mikilvægt að börn læri að tileinka sér núvitund í daglegu lífi, á einfaldan en áhrifaríkan hátt. Að þau upplifi að núvitund geti verið ákveðið bjargráð gegn kvíða, streitu og um leið aukið vellíðan þeirra. Börn í fermingarfræðslu munu einnig fá fræðslu um sjálfsvinsemd og hver ávinningur þess er að sýna sjálfum sér sjálfsvinsemd og hvernig hægt er að vera sinn besti vinur,“ segja þær. View this post on Instagram A post shared by Gleðiskruddan (@glediskruddan) Fermingargjöf sem nýtist alla ævi Elín Elísabet Jóhannsdóttir, fræðslustjóri Biskupsstofu, tekur undir orð þeirra og segir viðfangsefnin tvö vera gríðarlega mikilvæga viðbót við námsefni fermingarfræðslunnar. „Unglingar eru ekki að koma nógu vel út úr þessum rannsóknum sem eru reglulega lagðar fyrir í skólunum. Auðvitað eru flestir í góðum málum. En við sjáum að kvíði hefur aukist mikið. Skólaforðun og sjálfskaði er eitthvað sem skólafólk þekkir vel,“ segir Elín og bætir því við að þessi viðbót við fermingarfræðsluna sé fermingargjöf sem nýst getur börnunum alla þeirra ævi. „Þetta kemur eins og himnasending inn í unglingaheiminn sem er svo harður. Það er svo mikilvægt að allir sem fást við það að fræða unglinga séu meðvitaðir um það að hlúa að líðan þeirra. Þar vill kirkjan að standa sig.“ Viðbót við hina hefðbundnu fermingarfræðslu Fræðsla Gleðiskruddunnar verður viðbót við hina hefðbundnu fermingarfræðslu. Marit og Yrja hafa hannað fræðsluefni sem fermingarfræðarar munu koma til með að hafa aðgang að næstu fjögur árin. Þá verða tvær samverustundir sérstaklega tileinkaðar núvitund og sjálfsvitund. „Unglingsárin eru auðvitað mikilvægur þroskatími og mikilvægt að hlúð sé að andlegri heilsu ungmenna. Þetta er því frábært tækifæri fyrir Gleðiskrudduna að ná til fleiri barna og aðstoða þau við að finna sín gleðiverkfæri. Samstarfið við Biskupsstofu og Skálholtsútgáfu er búið að vera mjög gefandi og skemmtilegt og hver veit hvort að til frekara samstarfs komi síðar,“ segja þær Marit og Yrja að lokum. Fermingar Geðheilbrigði Tengdar fréttir „Það krafðist þess að læra hratt, hugrekkis og þora að stíga út fyrir þægindarammann“ Þær Yrja Kristinsdóttir og Marit Davíðsdóttir bjuggu til Gleðiskrudduna sem er dagbók fyrir börn á aldrinum sex til fimmtán ára. Hún byggir á hugmyndafræði jákvæðrar sálfræði og kennir jákvæð inngrip og notkun svokallaðra gleðiverkfæra. 23. mars 2022 12:30 Mest lesið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Fjölmennt í framboðsteiti Arnars Þórs í Iðnó Lífið Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið „Spurði hversu mörgum stelpum hann væri búin að senda þessa línu“ Makamál Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Sjá meira
Gleðiskruddan er dagbók fyrir börn á aldrinum sex til fimmtán ára sem byggir á hugmyndafræði jákvæðrar sálfræði. Bókin hefur notið mikillar vinsælda og hafa þær stöllur ferðast um land allt með fræðslu fyrir börn og foreldra. Verkefnið hefur nú heldur betur undið upp á sig. Vinkonurnar eru að fara af stað með sína eigin sjónvarpsþætti, Gleðiverkfæri Gleðiskruddunnar, á RÚV nú á nýju ári, ásamt því að hafa nýlega verið fengnar til þess að hanna fræðsluefni fyrir fermingarbörn landsins. Kynna fermingarbörn fyrir núvitund og sjálfsvinsemd „Verkefnið kom mjög skemmtilega til en Sr. Guðbjörg Jóhannesdóttir, sóknarprestur í Langholtskirkju hafði samband við okkur og hafði mikinn áhuga á því að Gleðiskruddan yrði með fræðslu fyrir fermingarárgangana í kirkjunni. Eitt leiddi af öðru og fljótlega vorum við komnar á fund með Eddu Möller, framkvæmdastjóra Kirkjuhússins og Elínu Elísabetu Jóhannesdóttur, fræðslustjóra Biskupsstofu þar sem gerður var samningur um að Gleðiskruddan gerði efni fyrir fermingarfræðsluna í samstarfið við Biskupsstofu og Skálholtsútgáfu,“ segja þær Marit og Yrja í samtali við Vísi. Hugmyndafræðin á bak við Gleðiskrudduna byggir á yfir tuttugu lykilþemum úr jákvæðri sálfræði. Fyrir fermingarfræðsluna ákváðu þær í samstarfi við Biskupsstofu og Skálholtsútgáfu að velja tvö þemu sem þeim þótti brýnast að kynna fyrir fermingarbörnunum; núvitund og sjálfsvinsemd. „Það er mikilvægt að börn læri að tileinka sér núvitund í daglegu lífi, á einfaldan en áhrifaríkan hátt. Að þau upplifi að núvitund geti verið ákveðið bjargráð gegn kvíða, streitu og um leið aukið vellíðan þeirra. Börn í fermingarfræðslu munu einnig fá fræðslu um sjálfsvinsemd og hver ávinningur þess er að sýna sjálfum sér sjálfsvinsemd og hvernig hægt er að vera sinn besti vinur,“ segja þær. View this post on Instagram A post shared by Gleðiskruddan (@glediskruddan) Fermingargjöf sem nýtist alla ævi Elín Elísabet Jóhannsdóttir, fræðslustjóri Biskupsstofu, tekur undir orð þeirra og segir viðfangsefnin tvö vera gríðarlega mikilvæga viðbót við námsefni fermingarfræðslunnar. „Unglingar eru ekki að koma nógu vel út úr þessum rannsóknum sem eru reglulega lagðar fyrir í skólunum. Auðvitað eru flestir í góðum málum. En við sjáum að kvíði hefur aukist mikið. Skólaforðun og sjálfskaði er eitthvað sem skólafólk þekkir vel,“ segir Elín og bætir því við að þessi viðbót við fermingarfræðsluna sé fermingargjöf sem nýst getur börnunum alla þeirra ævi. „Þetta kemur eins og himnasending inn í unglingaheiminn sem er svo harður. Það er svo mikilvægt að allir sem fást við það að fræða unglinga séu meðvitaðir um það að hlúa að líðan þeirra. Þar vill kirkjan að standa sig.“ Viðbót við hina hefðbundnu fermingarfræðslu Fræðsla Gleðiskruddunnar verður viðbót við hina hefðbundnu fermingarfræðslu. Marit og Yrja hafa hannað fræðsluefni sem fermingarfræðarar munu koma til með að hafa aðgang að næstu fjögur árin. Þá verða tvær samverustundir sérstaklega tileinkaðar núvitund og sjálfsvitund. „Unglingsárin eru auðvitað mikilvægur þroskatími og mikilvægt að hlúð sé að andlegri heilsu ungmenna. Þetta er því frábært tækifæri fyrir Gleðiskrudduna að ná til fleiri barna og aðstoða þau við að finna sín gleðiverkfæri. Samstarfið við Biskupsstofu og Skálholtsútgáfu er búið að vera mjög gefandi og skemmtilegt og hver veit hvort að til frekara samstarfs komi síðar,“ segja þær Marit og Yrja að lokum.
Fermingar Geðheilbrigði Tengdar fréttir „Það krafðist þess að læra hratt, hugrekkis og þora að stíga út fyrir þægindarammann“ Þær Yrja Kristinsdóttir og Marit Davíðsdóttir bjuggu til Gleðiskrudduna sem er dagbók fyrir börn á aldrinum sex til fimmtán ára. Hún byggir á hugmyndafræði jákvæðrar sálfræði og kennir jákvæð inngrip og notkun svokallaðra gleðiverkfæra. 23. mars 2022 12:30 Mest lesið Þórdís Lóa um Júró-umfjöllun: „Hvers vegna þessi þögn?“ Lífið Hugsar oft til fyrstu ástarinnar vegna ástandsins í Íran Lífið Gallstasi á meðgöngu: „Ég grátbað um að ég yrði sett af stað“ Áskorun Fjölmennt í framboðsteiti Arnars Þórs í Iðnó Lífið Ætlar hvorki að hætta að vinna né opna kaffihús Lífið „Það er einmanalegt að missa móður“ Lífið Krakkatían: Celebs, sumar og forseti Íslands Lífið „Spurði hversu mörgum stelpum hann væri búin að senda þessa línu“ Makamál Vandamálaráðuneytið únefndi hinn fimmtán ára Viðar til sigurs Lífið Hvetur fólk til að nota sólarvörn eftir krabbameinsgreiningu Lífið Fleiri fréttir Fjölmennt í framboðsteiti Arnars Þórs í Iðnó Þórdís Lóa um Júró-umfjöllun: „Hvers vegna þessi þögn?“ Vandamálaráðuneytið únefndi hinn fimmtán ára Viðar til sigurs Hugsar oft til fyrstu ástarinnar vegna ástandsins í Íran Krakkatían: Celebs, sumar og forseti Íslands Sveitarstjóri og sauðfjárbóndi fóru á kostum Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Sjá meira
„Það krafðist þess að læra hratt, hugrekkis og þora að stíga út fyrir þægindarammann“ Þær Yrja Kristinsdóttir og Marit Davíðsdóttir bjuggu til Gleðiskrudduna sem er dagbók fyrir börn á aldrinum sex til fimmtán ára. Hún byggir á hugmyndafræði jákvæðrar sálfræði og kennir jákvæð inngrip og notkun svokallaðra gleðiverkfæra. 23. mars 2022 12:30