Erlent

Hættir í kjöl­far hins um­deilda ára­móta­á­varps

Atli Ísleifsson skrifar
Christine Lambrecht hefur sætt mikilli gagnrýni síðustu daga.
Christine Lambrecht hefur sætt mikilli gagnrýni síðustu daga. EPA

Þýski varnarmálaráðherrann Christine Lambrecht hefur farið þess á leit við Olaf Scholz kanslara að óska eftir lausn frá embætti.

Lambrecht hefur sætt mikilli gagnrýni síðustu daga í kjölfar áramótakveðju sinnar á samfélagsmiðlum þar sem hún óskaði stuðningsmönnum sínum og Þjóðverjum öllum gleðilegs nýs árs undir flugeldagný.

Í ávarpinu ræddi Lambrecht meðal annars um innrás Rússa í Úkraínu á meðan flugeldar springa í bakgrunni.

Afsögn Lambrecht hefur legið í loftinu um nokkurt skeið, en þýska blaðið Bild greindi frá því á föstudaginn að ráðherrann myndi segja af sér.

„Þvílíkt ár, árið 2022,“ sagði ráðherrann í ávarpinu. „Það hefur fært okkur ótrúlegar áskoranir. Í miðri Evrópu geisar styrjöld. Í tengslum við styrjöldina varð ég fyrir margvíslegum hughrifum, ég fékk að hitta alls konar áhugavert og flott fólk og fyrir það er ég hjartanlega þakklát.“

Ráðherrann minntist sérstaklega á þau persónulegu kynni sem hún hafi haft af áhugaverðum persónum í tengslum við styrjöldina. Hafa margir sagt nálgunina vera ósmekklega og gera lítið úr alvöru málsins.

Þýskaland Innrás Rússa í Úkraínu
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið