Innlent

Verzló verður grár

Ólafur Björn Sverrisson skrifar
Svona mun framhlið Verzlunarskólans líta út eftir endurbætur.
Svona mun framhlið Verzlunarskólans líta út eftir endurbætur. verzlunarskóli Íslands

Viðamiklar endurbætur standa nú yfir á skólabyggingu Verzlunarskóla Íslands. Húsið verður endursteinað með gráum tónum og gluggum skipt út.

Í tilkynningu skólans segir að með þessum breytingum fáist meira flæði og tenging við viðbyggingu skólans. 

„Um þessar mundir er verið að skipta um alla glugga sem getur þýtt örlítið rask og truflun í kennslustofum. Tekin er ein kennslustofa á dag og flyst sá bekkur í stofu 101 rétt á meðan gluggaskiptin fara fram. Til þessa hafa framkvæmdir gengið ljómandi vel og nemendur og kennarar skilningsríkir og samstarfsfúsir,“ segir í tilkynningu skólans.

Nemendainngangur fær yfirhalningu með bættu aðgengi fyrir hreyfihamlaða. Þá verður bekkjum bætt á útisvæði og útilýsing í kringum skólann bætt til muna. 

Nýr aðalinngangur sem snýr að Borgarleikhúsi.verzlunarskóli Íslands
Nýtt útlit nemendainngangs.verzlunarskóli Íslands

Framhaldsskólar Reykjavík Skóla - og menntamál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið