Innlent

Með hnefana á lofti eftir Ára­móta­skop Ara Eld­járn

Ellen Geirsdóttir Håkansson skrifar
Slagsmál brutust út eftir kvöld af gríni við Háskólabíó.
Slagsmál brutust út eftir kvöld af gríni við Háskólabíó. Vísir/Vilhelm

Lögregla var kölluð til að Háskólabíó á tíunda tímanum í kvöld þar sem gestum á Áramótaskopi Ara Eldjárn var allt annað en hlátur í huga. Hnefar voru á lofti og greinilegt að einhverjir höfðu fengið sér í aðra tána eða rétt rúmlega það.

Fulltrúi fréttastofu var á meðal gesta í Háskólabíó og var almennt góður rómur og létt yfir fólki. En á því voru örfáar undantekningar sem eftir var tekið. 

Sýningunni var lokið um klukkan 21:30 og voru lætin í kringum nokkuð fjölmennan hóp. Fólk líklega á milli tvítugs og þrítugs. Tveir hið minnsta höfðu gengið hvor upp að öðrum, skallað hvor annan og slegið frá sér.

Þá brotnaði bílrúða einnig í átökunum en nokkur ringulreið myndaðist í kringum mennina tvo. 

Fjórir lögreglumenn mættu á vettvang til þess að stilla til friðar en átökin leystust ansi fljótt upp. Að átökum loknum tók lögregla skýrslu af vitnum á svæðinu. 

Lögreglumál Menning Reykjavík Uppistand
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið