Bugaðir starfsmenn héldu grátandi heim og fólk fékk ekki bílinn sinn Kolbeinn Tumi Daðason skrifar 4. janúar 2023 10:09 Fjölskyldur biðu sumar hverjar marga klukkutíma eftir að fá bílana sína afhenta aðfaranótt þriðjudags. Mun betur gekk í nótt að sögn framkvæmdastjóra Lagningar. Vísir Fjölmargar fjölskyldur biðu í fleiri klukkustundir í fyrrinótt eftir að fá bílinn sinn afhentan á Keflavíkurflugvelli. Framkvæmdastjóri Lagningar segist aldrei hafa lent í öðru eins ástandi. Starfsmenn hafi hver á fætur öðrum bugast undan álagi og hörðustu menn fellt tár. Öll ævintýri taka enda og þannig er það líka hjá þeim þúsundum Íslendinga sem notið hafa sólarinnar á Kanaríeyjum og víðar um jól og áramót. Nokkur fjöldi íslenskra fjölskylda lenti í Keflavík í kringum tvöleytið aðfaranótt þriðjudags. Þegar kom að því að nálgast fjölskyldubílinn var fátt um svör. „Það var dræm stemning í Leifsstöð núna í nótt þegar ég lenti. Margar fjölskyldur hafa beðið hér síðan hálf tvö eftir að fá bílinn sinn afhentan frá fyrirtækinu Lagningu. Þeir svara ekki í síma og enginn frá þeim hefur mætt hingað síðustu klukkustundir og ekki vitað hvort eða hvenær bílarnir skila sér hingað í nótt. Mörg þreytt börn að bíða,“ sagði einn farþegi á Keflavíkurflugvelli. Allt á kafi í snjó Íris Hrund Sigurðardóttir tók við starfi sem framkvæmdastjóri Lagningar síðastliðið sumar. Hún segir fyrirtækið hafa glímt við afar erfiðar aðstæður síðan að snjónum kyngdi niður viku fyrir jól. Rætt var við ferðamenn sem dvöldu í fjöldahjálparstöð í Reykjanesbæ þann 19. desember. „Eftir þá ófærð sátum við uppi með yfir fjögur hundruð bíla fasta,“ segir Íris Hrund. Þjónusta Lagningar virkar þannig að bíll ferðalanga er sóttur á Keflavíkurflugvöll við komu farþega og ekið á langtímabílastæði í Reykjanesbæ. Svo er bílnum skutlað í skammtímastæði á Keflavíkurflugvelli þegar fólk kemur til landsins. „Við fengum ekki mokstur. Isavia var búið að panta allan mögulegan mokstur. Reykjanesbær galt líka fyrir það. Það var allt ófært í Reykjanesbæ þegar Reykjanesbraut var opnuð 20. desember. Starfsfólk sat fast heima hjá sér en full starfsemi í gangi á flugvellinum. Fjöldi bíla í miklum snjó og erfiðum aðstæðum.“ Hún segir starfsfólk hafa leitað til vina og vandamanna. Allir hafi lagst á eitt og unnið dag sem nótt frá 18. desember. Hörðustu menn hafi fellt tár „Það voru allir „on-it“ og gjörsamlega útkeyrðir. Við reyndum meira að segja að fá björgunarsveitirnar til að hjálpa okkur,“ segir Íris Hrund. Það hafi þó ekki gengið. Umrædda nótt hafi þau svo misst stjórn á öllu. Þau hafi engan veginn náð að koma öllum bílum upp á Keflavíkurflugvöll. Þreyttir viðskiptavinir hafi skiljanlega verið mjög ósáttir. „Starfsfólk brotnar niður og gefst upp í mjög erfiðum aðstæðum. Fer að tínast heim af vaktinni. Einn og einn. Hörðustu menn fóru jafnvel grátandi heim alveg brotnir eftir mjög erfið samskipti við skiljanlega mjög ósátta viðskiptavini,“ segir Íris Hrund. Bæði sé um mikið fjárhagslegt tjón að ræða fyrir Lagningu og ekki síður viðskiptavini sem fái ekki bílinn sinn. Stór hluti viðskiptavina sé íbúar úti á landi sem einfaldlega þurfi að fá bílinn sinn þegar það komi til landsins. „Okkur þykir þetta virkilega leitt.“ Læra af erfiðri reynslu Hún segir stöðuna, nú rúmlega sólarhring síðar, orðna allt aðra. Þau séu búin að vinda ofan af vandanum og segja megi að jólatörninni sé lokið. Þau hafi náð sambandi við flesta viðskiptavini, verið að endurgreiða þeim og svo hafi verið lagt út fyrir leigubílum fyrir einhverja. Fólk sé komið með bílana sína. Íris Hrund segir Lagningu byggja á fimm ára reynslu, komist í gegnum Covid en þau hafi aldrei lent í öðru eins. „Nú sér maður hvað þarf að laga,“ segir Íris Hrund og nefnir bæði innviðina og stjórnun, krísustjórnun í því samhengi. „Við fengum að læra það á erfiðan hátt.“ Ferðamennska á Íslandi Keflavíkurflugvöllur Reykjanesbær Veður Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Steypti ég mér í algjöra glötun með lántökunni fyrir þremur árum? Viðskipti innlent Grunnlán nær nú aðeins til helmings kaupverðs Viðskipti innlent Eigandi Remax ákærður fyrir markaðsmisnotkun Viðskipti innlent Fleiri fréttir Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Íslenskt hugvit verndar fólk fyrir djúpfölsun Sjá meira
Öll ævintýri taka enda og þannig er það líka hjá þeim þúsundum Íslendinga sem notið hafa sólarinnar á Kanaríeyjum og víðar um jól og áramót. Nokkur fjöldi íslenskra fjölskylda lenti í Keflavík í kringum tvöleytið aðfaranótt þriðjudags. Þegar kom að því að nálgast fjölskyldubílinn var fátt um svör. „Það var dræm stemning í Leifsstöð núna í nótt þegar ég lenti. Margar fjölskyldur hafa beðið hér síðan hálf tvö eftir að fá bílinn sinn afhentan frá fyrirtækinu Lagningu. Þeir svara ekki í síma og enginn frá þeim hefur mætt hingað síðustu klukkustundir og ekki vitað hvort eða hvenær bílarnir skila sér hingað í nótt. Mörg þreytt börn að bíða,“ sagði einn farþegi á Keflavíkurflugvelli. Allt á kafi í snjó Íris Hrund Sigurðardóttir tók við starfi sem framkvæmdastjóri Lagningar síðastliðið sumar. Hún segir fyrirtækið hafa glímt við afar erfiðar aðstæður síðan að snjónum kyngdi niður viku fyrir jól. Rætt var við ferðamenn sem dvöldu í fjöldahjálparstöð í Reykjanesbæ þann 19. desember. „Eftir þá ófærð sátum við uppi með yfir fjögur hundruð bíla fasta,“ segir Íris Hrund. Þjónusta Lagningar virkar þannig að bíll ferðalanga er sóttur á Keflavíkurflugvöll við komu farþega og ekið á langtímabílastæði í Reykjanesbæ. Svo er bílnum skutlað í skammtímastæði á Keflavíkurflugvelli þegar fólk kemur til landsins. „Við fengum ekki mokstur. Isavia var búið að panta allan mögulegan mokstur. Reykjanesbær galt líka fyrir það. Það var allt ófært í Reykjanesbæ þegar Reykjanesbraut var opnuð 20. desember. Starfsfólk sat fast heima hjá sér en full starfsemi í gangi á flugvellinum. Fjöldi bíla í miklum snjó og erfiðum aðstæðum.“ Hún segir starfsfólk hafa leitað til vina og vandamanna. Allir hafi lagst á eitt og unnið dag sem nótt frá 18. desember. Hörðustu menn hafi fellt tár „Það voru allir „on-it“ og gjörsamlega útkeyrðir. Við reyndum meira að segja að fá björgunarsveitirnar til að hjálpa okkur,“ segir Íris Hrund. Það hafi þó ekki gengið. Umrædda nótt hafi þau svo misst stjórn á öllu. Þau hafi engan veginn náð að koma öllum bílum upp á Keflavíkurflugvöll. Þreyttir viðskiptavinir hafi skiljanlega verið mjög ósáttir. „Starfsfólk brotnar niður og gefst upp í mjög erfiðum aðstæðum. Fer að tínast heim af vaktinni. Einn og einn. Hörðustu menn fóru jafnvel grátandi heim alveg brotnir eftir mjög erfið samskipti við skiljanlega mjög ósátta viðskiptavini,“ segir Íris Hrund. Bæði sé um mikið fjárhagslegt tjón að ræða fyrir Lagningu og ekki síður viðskiptavini sem fái ekki bílinn sinn. Stór hluti viðskiptavina sé íbúar úti á landi sem einfaldlega þurfi að fá bílinn sinn þegar það komi til landsins. „Okkur þykir þetta virkilega leitt.“ Læra af erfiðri reynslu Hún segir stöðuna, nú rúmlega sólarhring síðar, orðna allt aðra. Þau séu búin að vinda ofan af vandanum og segja megi að jólatörninni sé lokið. Þau hafi náð sambandi við flesta viðskiptavini, verið að endurgreiða þeim og svo hafi verið lagt út fyrir leigubílum fyrir einhverja. Fólk sé komið með bílana sína. Íris Hrund segir Lagningu byggja á fimm ára reynslu, komist í gegnum Covid en þau hafi aldrei lent í öðru eins. „Nú sér maður hvað þarf að laga,“ segir Íris Hrund og nefnir bæði innviðina og stjórnun, krísustjórnun í því samhengi. „Við fengum að læra það á erfiðan hátt.“
Ferðamennska á Íslandi Keflavíkurflugvöllur Reykjanesbær Veður Mest lesið Seldu fyrir 634 milljónir og græddu 182 Viðskipti innlent Fleiri hundruð kröfur og líklegt að óeðlilegum greiðslum verði rift Viðskipti innlent Skynjar kvíða og ótta meðal starfsmanna Viðskipti innlent Smá kvef, hausverkur eða flensa og vinnan Atvinnulíf Hanna María nýr forstöðumaður hjá ELKO Viðskipti innlent Selja Adalvo og stjórnandi frá Alvotech fylgir Viðskipti innlent Gengi Eimskips lækkar vegna bilunarinnar Viðskipti innlent Steypti ég mér í algjöra glötun með lántökunni fyrir þremur árum? Viðskipti innlent Grunnlán nær nú aðeins til helmings kaupverðs Viðskipti innlent Eigandi Remax ákærður fyrir markaðsmisnotkun Viðskipti innlent Fleiri fréttir Skynjar kvíða og ótta meðal starfsmanna Gengi Eimskips lækkar vegna bilunarinnar Fleiri hundruð kröfur og líklegt að óeðlilegum greiðslum verði rift Seldu fyrir 634 milljónir og græddu 182 Selja Adalvo og stjórnandi frá Alvotech fylgir Hanna María nýr forstöðumaður hjá ELKO Úrvinnslusjóður svarar Sorpu Eigandi Remax ákærður fyrir markaðsmisnotkun Grunnlán nær nú aðeins til helmings kaupverðs Íslandsbanki bætist í hópinn og gerir hlé á verðtryggðum lánveitingum Skipti bús Magnúsar tekin upp sextán árum frá þroti Ragnhildur til Datera Lagaleg óvissa og kaupendur byrjaðir að fá nei frá bankanum Steypti ég mér í algjöra glötun með lántökunni fyrir þremur árum? Lánveitendum vex Vaxtamálið í augum Gera hlé á veitingu verðtryggðra íbúðalána Gætu þurft að draga úr framleiðslu á Grundartanga Boeing 777-fraktþotur bætast í flota Atlanta Nathan & Olsen og Ekran verða Nathan Þórunn seld og tuttugu sagt upp Telja menningarframlag vinna gegn yfirlýstum tilgangi sínum Flugumferðarstjórar verði að sætta sig við sömu launahækkanir og aðrir Segir ótækt að fámennur hópur geti lokað landinu Hefur áhyggjur af stöðu Sýnar og boðar fjölmiðla til samráðs Nokkrum sagt upp eftir afkomuviðvörun Sýnar Origo kaupir Kappa Fyrrverandi fréttastjóri til Gímaldsins Gengi Sýnar í frjálsu falli Erlent flugfélag eitt þriggja sem vill niðurgreiðslu á losun frá íslenska ríkinu Íslenskt hugvit verndar fólk fyrir djúpfölsun Sjá meira