Snorri Steinn framlengir við Val

Snorri tók við Val þegar hann kom heim úr atvinnumennsku 2017. Undir hans stjórn hafa Valsmenn tvisvar sinnum orðið Íslandsmeistarar, tvisvar sinnum bikarmeistarar og tvisvar sinnum deildarmeistarar.

Á síðasta tímabili vann Valur þrefalt og liðið hefur unnið sjö síðustu titla sem í boði hafa verið hér á landi. Þá hafa Valsmenn gert það gott í Evrópudeildinni í vetur og eru í fínni stöðu til að komast í sextán liða úrslit keppninnar.

Snorri var í 2. sæti í kjörinu á þjálfara ársins í kjöri Samtaka íþróttafréttamanna sem var lýst í gær. Valur var valinn lið ársins.