Sport

Guðrún Arnardóttir útnefnd í Heiðurshöll ÍSÍ

Hólmfríður Gísladóttir skrifar
Afhending viðurkenningarinnar fór fram í gær, þegar úrslit úr kjöri á Íþróttamanni ársins 2022 voru tilkynnt.
Afhending viðurkenningarinnar fór fram í gær, þegar úrslit úr kjöri á Íþróttamanni ársins 2022 voru tilkynnt.

Guðrún Arnardóttir frjálsíþróttakona var í gær útnefnd í Heiðurshöll Íþrótta- og Ólympíusambands Íslands. Hún er 24. einstaklingurinn til að hljóta þennan heiður en útnefningin var samþykkt samhljóða á fundi framkvæmdastjórnar ÍSÍ 24. nóvember síðastliðinn.

Guðrún er fædd 24. september 1971.

Hún sérhæfði sig í grindarhlaupi og lenti í 7. sæti í úrslitahlaupinu á Ólympíuleikunum í Sydney í Ástralíu árið 2000. Þá varð hún sama ár í 2. sæti á Grand Prix mótum í Lundúnum og Linz og í 3. sæti á Grand Prix móti í Mónakó.

„Guðrún keppti einnig á Ólympíuleikunum í Atlanta árið 1996, varð í fyrsta sæti í sínum riðli og síðan 6. í undanúrslitum (semi-finals). Guðrún varð í 9. sæti a HM í Aþenu árið 1997 og í 4. sæti í 400 m grindarhlaupi á EM í Búdapest árið 1998,“ segir í tilkynningu frá ÍSÍ.

„Á Smáþjóðaleikunum á Íslandi 1997 hlaut hún fjögur gullverðlaun, í 200 m, 400 m, 100 m grindarhlaupi og 4x100 m boðhlaupi á á Smáþjóðaleikunum í Andorra 1991 vann hún tvö gull og eitt silfur.

Guðrún varð Norðurlandameistari unglinga í 100 m grind, fimm sinnum Íslandsmeistari á árunum 1998 og 1999 og setti mörg Íslandsmet í spretthlaupum á ferlinum, bæði innan- og utanhúss á árunum 1996 – 2000.

Hún hefur hlotið heiðursviðurkenningu í Bandaríkjunum (Drake Relays Hall of Fame) fyrir frábær afrek í 400 m grindarhlaupi á háskólaárum hennar þar í landi.“




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.