Japanir óttast stríð og ætla að kaupa mikið magn vopna Samúel Karl Ólason skrifar 14. desember 2022 23:00 Meðal annars eru Japanir sagðir ætla að bæta loftvarnir sínar mjög. EPA/FRANCK ROBICHON Deilur um það hvernig fjármagna eigi umfangsmikla hernaðaruppbyggingu í Japan eru sagðar ógna stjórnarsamstarfinu þar í landi. Fumio Kishida, forsætisráðherra og leiðtogi Frjálslynda lýðræðisflokksins, vill fjármagna uppbygginguna með skattlagningu en sú áætlun er ekki vinsæl innan flokksins. Kishida skipaði nýverið ráðherrum sínum að auka töluvert fjárútlát til varnarmála í Japan á næstu árum. Það sagði hann nauðsynlegt vegna sífellt versnandi öryggisástands í Austur-Asíu. Markmiðið er að auka fjárútlátin úr um einu prósenti af vergri landsframleiðslu í tvö prósent fyrir 2027. Sjá einnig: Japanir ætla í hernaðaruppbyggingu Náist markmiðið yrðu framlög Japana til varnarmála þau þriðju hæstu í heiminum, á eftir Kína og Bandaríkjunum, samkvæmt Washington Post. Óttast kosningar Kishida vill hækka skatta á bæði einstaklinga og fyrirtæki en flokksmenn hans óttast að það muni koma verulega niður á flokknum í sveitarstjórnarkosningum sem haldnar verða í apríl. AFP fréttaveitan segir þó að skoðanakannanir gefi til kynna að stuðningur við hernaðaruppbyggingu hafi aukist. Í frétt Japan Times segir að skattahækkunarætlun Kishida hafi mætt mikilli mótspyrnu innan flokksins og þar á meðal frá ráðherrum í ríkisstjórn hans. Flestir þeirra eru sagðir eiga það sameiginlegt að hafa verið nánir samstarfsmenn Shinzo Abe, fyrrverandi forsætisráðherra. Þeir eru sagðir mótfallnir því að hækka skatta til að fjármagna hernaðaruppbygginguna og vilja þess í stað að ríkisstjórnin gefi út ríkisskuldabréf, sem hafa í gegnum árin verið notuð til að fjármagna stór innviðaverkefni í Japan. Kishida er hins vegar sagður mótfallinn því að færa skuldabyrðina yfir á næstu kynslóð Japana. Fjármálaráðuneyti Kína spáir því að í mars verði skuldir Japans 262,5 prósent af vergri landsframleiðslu. Það yrði hæsta skuldahlutfall meðal ríkjanna sem mynda G-7. Mikil spenna á svæðinu Mikil spenna er í Austur-Asíu og hefur hún aukist verulega á undanförnum árum. Er það að hluta til vegna vopnatilrauna og kjarnorkuvopnaþróunar í Norður-Kóreu. Þar að auki hefur spennan aukist í tengslum við Kína og tilkalls Kínverja til bæði alls Suður-Kínahafs og Taívans. Kínverjar hafa þar að auki staðið í mikilli hernaðaruppbyggingu og nútímavæðingu á herafla ríkisins á undanförnum árum. Sjá einnig: Segir að Japan muni aðstoða Taívan verði gerð innrás Í frétt AFP fréttaveitunnar segir að Japanir hafi miklar áhyggjur af uppbyggingunni í Kína. Fara á í umfangsmikla endurskipulagningu á herafla Japans á næstu fimm árum. Washington Post sagði frá því á mánudaginn að yfirvöld í Japan stefni meðal annars á að kaupa allt að fimm hundruð Tomahawk stýriflaugar á komandi árum og auka árásagetu ríkisins til muna. Slíkar stýriflaugar geta hæft skotmörk í meira en 1.700 kílómetra fjarlægð og gætu gert Japönum kleift að skjóta á skotmörk á meginlandi Kína. „Margir töldu að stríð væri bara fyrir tuttugustu öldina en við erum að sjá það aftur,“ sagði fyrrverandi sendiherra Japans í Bandaríkjunum við Washington Post. Áhugasamir geta skoðað stutt kynningarmyndband Raytheon, sem framleiðir Tomahawk, um stýriflaugarnar hér að neðan. Bandaríkjamenn hlynntir uppbyggingunni Miðillinn segir enn fremur að ríkisstjórn Joe Biden sé hlynnt þessari uppbyggingu í Japan og að Bandaríkjamenn líti á Japan sem einn mikilvægasta bandamenn þeirra í vestanverðu Kyrrahafi. Sjá einnig: Japan og Bandaríkin taka höndum saman gegn Kína Yfirvöld í Japan vilja þróa eigin stýriflaugar á komandi árum og hafa einnig tilkynnt áætlun um að þróa nýjar orrustuþotur með Bretum og Ítölum. Þar að auki hafa fregnir borist af því að til standi að byggja skotfærageymslur víða um eyjur Japan og skjóta á loft gervihnöttum sem hægt verði að nota til að stýra stýriflaugum. AFP segir einnig að byggja eigi upp loftvarnir Japans og þá sérstaklega á syðstu eyju ríkisins. Sú uppbygging á að mest að snúa að því að auka getu Japana til að skjóta niður stýriflaugar og langdrægar eldflaugar. Japan Hernaður Bandaríkin Kína Norður-Kórea Tengdar fréttir Farnir að nota fjörutíu ára sprengikúlur Rússneski herinn hefur gengið verulega á skotfærabirgðir Rússlands fyrir stórskotalið og framleiðsla þar í landi heldur ekki við notkunina í innrás Rússa í Úkraínu. Bandaríkjamenn segja herinn byrjaðan að nota rúmlega fjörutíu ára skot sem eru líkleg til að virka ekki sem skildi. 12. desember 2022 23:41 Sagðir ætla að þrefalda fjölda kjarnorkuvopna á næstu árum Kínverjar eru að smíða fleiri kjarnorkusprengjur og gera fleiri tilraunir með langdrægar eldflaugar en öll önnur ríki heimsins samanlagt. Á næstu árum gæti kjarnorkuvopnabúr Kínverja meira en þrefaldast í umfangi. 30. nóvember 2022 15:40 Langdrægri flaug skotið frá Norður-Kóreu Norður-Kóreumenn eru sagðir hafa skotið langdrægri eldflaug á loft í nótt sem er hönnuð til að hitta skotmörk hinum megin á hnettinum. 3. nóvember 2022 07:13 Mest lesið Pilturinn muni líklega afplána þriðjung átta ára dóms fyrir manndráp Innlent Mun sjá eftir árásinni alla ævi Innlent Skrifa nú undir samninginn sem féll af borðinu eftir hitafundinn Erlent Gefur lítið fyrir tal um fyrningu Innlent Brot á trausti gagnvart félögum Lúðvíks sem vilji hjálpa Innlent Hætta framleiðslu innanhúss og segja upp fólki Innlent Hornafjörður gæti bjargað flugi Icelandair á Ísafjörð Innlent Ofsakláði grípur Spaugstofumenn Innlent Ellefu slasaðir og þrír alvarlega í Kaupmannahöfn Erlent Gætti trúnaðar eftir að erindi tengdamömmunnar barst Innlent Fleiri fréttir Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Rafmagnsleysið „fordæmalaust“ en engar vísbendingar um tölvuárás Páfakjör hefst í næstu viku Umfangsmiklar og óútskýrðar rafmagnstruflanir á Íberíuskaga Mæðgur alvarlega særðar eftir sprengingu í úthverfi Stokkhólms Rússar segjast hafa handsamað morðingja herforingjans Sjá meira
Kishida skipaði nýverið ráðherrum sínum að auka töluvert fjárútlát til varnarmála í Japan á næstu árum. Það sagði hann nauðsynlegt vegna sífellt versnandi öryggisástands í Austur-Asíu. Markmiðið er að auka fjárútlátin úr um einu prósenti af vergri landsframleiðslu í tvö prósent fyrir 2027. Sjá einnig: Japanir ætla í hernaðaruppbyggingu Náist markmiðið yrðu framlög Japana til varnarmála þau þriðju hæstu í heiminum, á eftir Kína og Bandaríkjunum, samkvæmt Washington Post. Óttast kosningar Kishida vill hækka skatta á bæði einstaklinga og fyrirtæki en flokksmenn hans óttast að það muni koma verulega niður á flokknum í sveitarstjórnarkosningum sem haldnar verða í apríl. AFP fréttaveitan segir þó að skoðanakannanir gefi til kynna að stuðningur við hernaðaruppbyggingu hafi aukist. Í frétt Japan Times segir að skattahækkunarætlun Kishida hafi mætt mikilli mótspyrnu innan flokksins og þar á meðal frá ráðherrum í ríkisstjórn hans. Flestir þeirra eru sagðir eiga það sameiginlegt að hafa verið nánir samstarfsmenn Shinzo Abe, fyrrverandi forsætisráðherra. Þeir eru sagðir mótfallnir því að hækka skatta til að fjármagna hernaðaruppbygginguna og vilja þess í stað að ríkisstjórnin gefi út ríkisskuldabréf, sem hafa í gegnum árin verið notuð til að fjármagna stór innviðaverkefni í Japan. Kishida er hins vegar sagður mótfallinn því að færa skuldabyrðina yfir á næstu kynslóð Japana. Fjármálaráðuneyti Kína spáir því að í mars verði skuldir Japans 262,5 prósent af vergri landsframleiðslu. Það yrði hæsta skuldahlutfall meðal ríkjanna sem mynda G-7. Mikil spenna á svæðinu Mikil spenna er í Austur-Asíu og hefur hún aukist verulega á undanförnum árum. Er það að hluta til vegna vopnatilrauna og kjarnorkuvopnaþróunar í Norður-Kóreu. Þar að auki hefur spennan aukist í tengslum við Kína og tilkalls Kínverja til bæði alls Suður-Kínahafs og Taívans. Kínverjar hafa þar að auki staðið í mikilli hernaðaruppbyggingu og nútímavæðingu á herafla ríkisins á undanförnum árum. Sjá einnig: Segir að Japan muni aðstoða Taívan verði gerð innrás Í frétt AFP fréttaveitunnar segir að Japanir hafi miklar áhyggjur af uppbyggingunni í Kína. Fara á í umfangsmikla endurskipulagningu á herafla Japans á næstu fimm árum. Washington Post sagði frá því á mánudaginn að yfirvöld í Japan stefni meðal annars á að kaupa allt að fimm hundruð Tomahawk stýriflaugar á komandi árum og auka árásagetu ríkisins til muna. Slíkar stýriflaugar geta hæft skotmörk í meira en 1.700 kílómetra fjarlægð og gætu gert Japönum kleift að skjóta á skotmörk á meginlandi Kína. „Margir töldu að stríð væri bara fyrir tuttugustu öldina en við erum að sjá það aftur,“ sagði fyrrverandi sendiherra Japans í Bandaríkjunum við Washington Post. Áhugasamir geta skoðað stutt kynningarmyndband Raytheon, sem framleiðir Tomahawk, um stýriflaugarnar hér að neðan. Bandaríkjamenn hlynntir uppbyggingunni Miðillinn segir enn fremur að ríkisstjórn Joe Biden sé hlynnt þessari uppbyggingu í Japan og að Bandaríkjamenn líti á Japan sem einn mikilvægasta bandamenn þeirra í vestanverðu Kyrrahafi. Sjá einnig: Japan og Bandaríkin taka höndum saman gegn Kína Yfirvöld í Japan vilja þróa eigin stýriflaugar á komandi árum og hafa einnig tilkynnt áætlun um að þróa nýjar orrustuþotur með Bretum og Ítölum. Þar að auki hafa fregnir borist af því að til standi að byggja skotfærageymslur víða um eyjur Japan og skjóta á loft gervihnöttum sem hægt verði að nota til að stýra stýriflaugum. AFP segir einnig að byggja eigi upp loftvarnir Japans og þá sérstaklega á syðstu eyju ríkisins. Sú uppbygging á að mest að snúa að því að auka getu Japana til að skjóta niður stýriflaugar og langdrægar eldflaugar.
Japan Hernaður Bandaríkin Kína Norður-Kórea Tengdar fréttir Farnir að nota fjörutíu ára sprengikúlur Rússneski herinn hefur gengið verulega á skotfærabirgðir Rússlands fyrir stórskotalið og framleiðsla þar í landi heldur ekki við notkunina í innrás Rússa í Úkraínu. Bandaríkjamenn segja herinn byrjaðan að nota rúmlega fjörutíu ára skot sem eru líkleg til að virka ekki sem skildi. 12. desember 2022 23:41 Sagðir ætla að þrefalda fjölda kjarnorkuvopna á næstu árum Kínverjar eru að smíða fleiri kjarnorkusprengjur og gera fleiri tilraunir með langdrægar eldflaugar en öll önnur ríki heimsins samanlagt. Á næstu árum gæti kjarnorkuvopnabúr Kínverja meira en þrefaldast í umfangi. 30. nóvember 2022 15:40 Langdrægri flaug skotið frá Norður-Kóreu Norður-Kóreumenn eru sagðir hafa skotið langdrægri eldflaug á loft í nótt sem er hönnuð til að hitta skotmörk hinum megin á hnettinum. 3. nóvember 2022 07:13 Mest lesið Pilturinn muni líklega afplána þriðjung átta ára dóms fyrir manndráp Innlent Mun sjá eftir árásinni alla ævi Innlent Skrifa nú undir samninginn sem féll af borðinu eftir hitafundinn Erlent Gefur lítið fyrir tal um fyrningu Innlent Brot á trausti gagnvart félögum Lúðvíks sem vilji hjálpa Innlent Hætta framleiðslu innanhúss og segja upp fólki Innlent Hornafjörður gæti bjargað flugi Icelandair á Ísafjörð Innlent Ofsakláði grípur Spaugstofumenn Innlent Ellefu slasaðir og þrír alvarlega í Kaupmannahöfn Erlent Gætti trúnaðar eftir að erindi tengdamömmunnar barst Innlent Fleiri fréttir Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Rafmagnsleysið „fordæmalaust“ en engar vísbendingar um tölvuárás Páfakjör hefst í næstu viku Umfangsmiklar og óútskýrðar rafmagnstruflanir á Íberíuskaga Mæðgur alvarlega særðar eftir sprengingu í úthverfi Stokkhólms Rússar segjast hafa handsamað morðingja herforingjans Sjá meira
Farnir að nota fjörutíu ára sprengikúlur Rússneski herinn hefur gengið verulega á skotfærabirgðir Rússlands fyrir stórskotalið og framleiðsla þar í landi heldur ekki við notkunina í innrás Rússa í Úkraínu. Bandaríkjamenn segja herinn byrjaðan að nota rúmlega fjörutíu ára skot sem eru líkleg til að virka ekki sem skildi. 12. desember 2022 23:41
Sagðir ætla að þrefalda fjölda kjarnorkuvopna á næstu árum Kínverjar eru að smíða fleiri kjarnorkusprengjur og gera fleiri tilraunir með langdrægar eldflaugar en öll önnur ríki heimsins samanlagt. Á næstu árum gæti kjarnorkuvopnabúr Kínverja meira en þrefaldast í umfangi. 30. nóvember 2022 15:40
Langdrægri flaug skotið frá Norður-Kóreu Norður-Kóreumenn eru sagðir hafa skotið langdrægri eldflaug á loft í nótt sem er hönnuð til að hitta skotmörk hinum megin á hnettinum. 3. nóvember 2022 07:13