Þorvaldur Davíð valinn í Shooting Stars hópinn fyrir 2023 Sylvía Rut Sigfúsdóttir skrifar 14. desember 2022 09:30 Þorvaldur Davíð útskrifaðist fyrstur Íslendinga af leiklistarbraut Juilliard-listaháskólans í New York. Aðsent Þorvaldur Davíð Kristjánsson hefur verið valinn í Shooting Stars hópinn árið 2023. Á hverju ári velja samtökin European Film Promotion (EFP) tíu unga og efnilega leikara og leikkonur. Leikararnir eru valdir úr hópi aðildarlanda samtakana, sem hafa vakið sérstaka athygli í heimalandi sínu og á alþjóðavettvangi. Hópurinn verður kynntur sérstaklega á Berlinale kvikmyndahátíðinni sem fer fram 16. til 26. febrúar 2023. Meðlimir EFP samtakanna eru kvikmynda- og kynningarmiðstöðvar frá 37 löndum og er Kvikmyndamiðstöð Íslands ein af þeim. Hraustlegt yfirbragð og viðkvæmni Átta konur og tveir karlar voru valin í hópinn í ár, af 27 tilnefndum. Það er fjölþjóðleg dómnefnd sem velur hópinn, skipuð Jan Komasa frá Póllandi, Rebeccu van Unen frá Hollandi, Mariu Ekerhovd frá Noregi, Leo Barraclough frá Englandi og Veronicu Echegui, sem áður var í hópi Shooting Stars. „Um leið og Þorvaldur Davíð birtist í kvikmynd Ásu Helgu Hjörleifsdóttur, Svari við bréfi Helgu, stafar af honum mikil útgeislun. Hann fangar fullkomlega hlutverk ástsjúks bónda sem verður heltekinn af ástríðu fyrir upprennandi skáldkonu,“ segir í umsögn dómnefndar EFP. „Í honum sameinast hraustlegt yfirbragð og viðkvæmni, sem laðar áhorfendur að honum og fær þá til að taka afstöðu með honum.“ Þorvaldur Davíð í hlutverki sínu í kvikmyndinni Svar við bréfi Helgu.Aðsent Fyrstur í Juilliard „Þorvaldur Davíð lærði við hinn virta Juilliard-listaháskóla í New York. Hann útskrifaðist úr leiklistardeild skólans 2011, fyrstur Íslendinga, og naut meðal annars stuðnings styrktarsjóðs Robins Williams leikara á meðan náminu stóð. Ári eftir útskriftina fór hann með fyrsta aðalhlutverkið sitt í kvikmynd, í Svörtum á leik, og hlaut fyrir það tilnefningu til Edduverðlauna fyrir besta leik í aðalhlutverki. Árið 2020 hlaut hann Edduverðlaun fyrir besta leik í aukahlutverki fyrir sjónvarpsþáttaröðina Ráðherrann,“ segir í tilkynningu frá Kvikmyndamiðstöð Íslands. Myndirnar Vonarstræti og Ég man þig nutu mikilla vinsælda á Íslandi og hafa myndir sem hann hefur leikið í verið sýndar á virtum kvikmyndahátíðum. Þorvaldur Davíð hefur að auki talsett teiknimyndir. Skemmst er að nefna Já-fólkið, eftir Gísla Darra Halldórsson, sem var tilnefnd til Óskarsverðlauna 2021. „Þorvaldur Davíð hefur einnig notið velgengni sem sviðsleikari og leikið í uppfærslum í bæði Borgarleikhúsinu og Þjóðleikhúsinu. Hann var tilnefndur til Grímuverðlauna, sem besti leikari í aðalhlutverki, fyrir frammistöðu sína í Furðulegu háttalagi hunds um nótt sem sýnt var í Borgarleikhúsinu,“ segir í tilkynningunni um valið. Nýjasta kvikmynd hans, Svar við bréfi Helgu, sem frumsýnd var 2022, hefur hlotið jákvæð viðbrögð gagnrýnenda og áhorfenda. Var myndin nýverið sýnd á Tallinn Black Nights kvikmyndahátíðinni í Eistlandi, sem er á meðal virtustu kvikmyndahátíða Evrópu. Hera Hilmarsdóttir sem leikur aðalhlutverk á móti honum í myndinni var í þessum sama Shooting Stars hóp árið 2015. Aðsent Í hópi með Daniel Craig og Ingvari E. Sigurðssyni Dæmi um þekkta leikara sem hafa verið í Shooting Stars eru meðal annars Maisie Williams (2015), Riz Ahmed (2012), Alicia Vikander (2010), Carey Mulligan (2009), Nikolaj Lie Kaas (2003), Daniel Brühl (2003) og Daniel Craig (2000). Íslenskir leikarar sem áður hafa verið í Shooting Stars hópnum eru: Ingvar E. Sigurðsson 1999. Hilmir Snær Guðnason 2000. Baltasar Kormákur 2001. Margrét Vilhjálmsdóttir 2002. Nína Dögg Filippusdóttir 2003. Tómas Lemarquis 2004. Álfrún Örnólfsdóttir 2005. Björn Hlynur Haraldsson 2006. Gísli Örn Garðarsson 2007. Hilmar Guðjónsson 2012. Edda Magnason (íslensk/sænsk leikkona sem var valin fyrir hönd Svíþjóðar) 2014. Hera Hilmarsdóttir 2015. Atli Óskar Fjalarsson 2016. Krístín Þóra Haraldsdóttir 2019. Bíó og sjónvarp Leikhús Kvikmyndagerð á Íslandi Mest lesið Albert og Guðlaug saman í fríi á Ibiza Lífið Byggir á viðskiptamódeli bandarískrar trúboðsstöðvar Lífið Beckham á spítala Lífið Kyana og Viktor giftu sig undir berum himni Lífið Martin Österdahl hættir hjá Eurovision Lífið F1: The Movie frumsýnd í Egilshöll – sjáðu myndirnar Lífið samstarf Rúrik mætti með kærustuna í brúðkaupið Lífið Vægar viðreynslur en engir pervertar Lífið Laxveiði í net á góðum sumardegi 1993 í Óseyrarnesi Menning Eurovision aðdáendur flykkjast enn til Húsavíkur Lífið Fleiri fréttir Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Orri Steinn og Sylvía Rós eignuðust stúlku á þjóðhátíðardaginn Sumarleg og saðsöm salöt Verðlaunahús í Þingholtunum falt fyrir 239 milljónir Hálfmaraþon í hamingjusprengju eftir fótbrot í fyrra Sjá meira
Leikararnir eru valdir úr hópi aðildarlanda samtakana, sem hafa vakið sérstaka athygli í heimalandi sínu og á alþjóðavettvangi. Hópurinn verður kynntur sérstaklega á Berlinale kvikmyndahátíðinni sem fer fram 16. til 26. febrúar 2023. Meðlimir EFP samtakanna eru kvikmynda- og kynningarmiðstöðvar frá 37 löndum og er Kvikmyndamiðstöð Íslands ein af þeim. Hraustlegt yfirbragð og viðkvæmni Átta konur og tveir karlar voru valin í hópinn í ár, af 27 tilnefndum. Það er fjölþjóðleg dómnefnd sem velur hópinn, skipuð Jan Komasa frá Póllandi, Rebeccu van Unen frá Hollandi, Mariu Ekerhovd frá Noregi, Leo Barraclough frá Englandi og Veronicu Echegui, sem áður var í hópi Shooting Stars. „Um leið og Þorvaldur Davíð birtist í kvikmynd Ásu Helgu Hjörleifsdóttur, Svari við bréfi Helgu, stafar af honum mikil útgeislun. Hann fangar fullkomlega hlutverk ástsjúks bónda sem verður heltekinn af ástríðu fyrir upprennandi skáldkonu,“ segir í umsögn dómnefndar EFP. „Í honum sameinast hraustlegt yfirbragð og viðkvæmni, sem laðar áhorfendur að honum og fær þá til að taka afstöðu með honum.“ Þorvaldur Davíð í hlutverki sínu í kvikmyndinni Svar við bréfi Helgu.Aðsent Fyrstur í Juilliard „Þorvaldur Davíð lærði við hinn virta Juilliard-listaháskóla í New York. Hann útskrifaðist úr leiklistardeild skólans 2011, fyrstur Íslendinga, og naut meðal annars stuðnings styrktarsjóðs Robins Williams leikara á meðan náminu stóð. Ári eftir útskriftina fór hann með fyrsta aðalhlutverkið sitt í kvikmynd, í Svörtum á leik, og hlaut fyrir það tilnefningu til Edduverðlauna fyrir besta leik í aðalhlutverki. Árið 2020 hlaut hann Edduverðlaun fyrir besta leik í aukahlutverki fyrir sjónvarpsþáttaröðina Ráðherrann,“ segir í tilkynningu frá Kvikmyndamiðstöð Íslands. Myndirnar Vonarstræti og Ég man þig nutu mikilla vinsælda á Íslandi og hafa myndir sem hann hefur leikið í verið sýndar á virtum kvikmyndahátíðum. Þorvaldur Davíð hefur að auki talsett teiknimyndir. Skemmst er að nefna Já-fólkið, eftir Gísla Darra Halldórsson, sem var tilnefnd til Óskarsverðlauna 2021. „Þorvaldur Davíð hefur einnig notið velgengni sem sviðsleikari og leikið í uppfærslum í bæði Borgarleikhúsinu og Þjóðleikhúsinu. Hann var tilnefndur til Grímuverðlauna, sem besti leikari í aðalhlutverki, fyrir frammistöðu sína í Furðulegu háttalagi hunds um nótt sem sýnt var í Borgarleikhúsinu,“ segir í tilkynningunni um valið. Nýjasta kvikmynd hans, Svar við bréfi Helgu, sem frumsýnd var 2022, hefur hlotið jákvæð viðbrögð gagnrýnenda og áhorfenda. Var myndin nýverið sýnd á Tallinn Black Nights kvikmyndahátíðinni í Eistlandi, sem er á meðal virtustu kvikmyndahátíða Evrópu. Hera Hilmarsdóttir sem leikur aðalhlutverk á móti honum í myndinni var í þessum sama Shooting Stars hóp árið 2015. Aðsent Í hópi með Daniel Craig og Ingvari E. Sigurðssyni Dæmi um þekkta leikara sem hafa verið í Shooting Stars eru meðal annars Maisie Williams (2015), Riz Ahmed (2012), Alicia Vikander (2010), Carey Mulligan (2009), Nikolaj Lie Kaas (2003), Daniel Brühl (2003) og Daniel Craig (2000). Íslenskir leikarar sem áður hafa verið í Shooting Stars hópnum eru: Ingvar E. Sigurðsson 1999. Hilmir Snær Guðnason 2000. Baltasar Kormákur 2001. Margrét Vilhjálmsdóttir 2002. Nína Dögg Filippusdóttir 2003. Tómas Lemarquis 2004. Álfrún Örnólfsdóttir 2005. Björn Hlynur Haraldsson 2006. Gísli Örn Garðarsson 2007. Hilmar Guðjónsson 2012. Edda Magnason (íslensk/sænsk leikkona sem var valin fyrir hönd Svíþjóðar) 2014. Hera Hilmarsdóttir 2015. Atli Óskar Fjalarsson 2016. Krístín Þóra Haraldsdóttir 2019.
Bíó og sjónvarp Leikhús Kvikmyndagerð á Íslandi Mest lesið Albert og Guðlaug saman í fríi á Ibiza Lífið Byggir á viðskiptamódeli bandarískrar trúboðsstöðvar Lífið Beckham á spítala Lífið Kyana og Viktor giftu sig undir berum himni Lífið Martin Österdahl hættir hjá Eurovision Lífið F1: The Movie frumsýnd í Egilshöll – sjáðu myndirnar Lífið samstarf Rúrik mætti með kærustuna í brúðkaupið Lífið Vægar viðreynslur en engir pervertar Lífið Laxveiði í net á góðum sumardegi 1993 í Óseyrarnesi Menning Eurovision aðdáendur flykkjast enn til Húsavíkur Lífið Fleiri fréttir Vægar viðreynslur en engir pervertar Martin Österdahl hættir hjá Eurovision Kyana og Viktor giftu sig undir berum himni Beckham á spítala Albert og Guðlaug saman í fríi á Ibiza Byggir á viðskiptamódeli bandarískrar trúboðsstöðvar Eurovision aðdáendur flykkjast enn til Húsavíkur Hundruðir gengu skrúðgöngu í Laugardal Íslensku sjónvarpsverðlaunin veitt í fyrsta sinn í október Búið spil hjá Katy Perry og Orlando Bloom Súrrealísk upplifun í prinsessuleik í Versölum Sögulegt hús fær nýtt líf: Hafnfirðingar hrannast inn, segja sögur og þakka fyrir Purrkur Pillnikk spilar á Innipúkanum Ósýnileg veikindi hafi ekki minna vægi „Las þetta allt í drasl í gamla daga“ Þessi vilja verða safnstjóri Listasafns Reykjavíkur Þorgerður brák grafin úr gleymsku „Þú gerir heiminn að betri stað“ Ástin kviknaði á Humarhátíð Rúrik mætti með kærustuna í brúðkaupið Sælureitur Frosta og Helgu Gabríelu til sölu Tíu Þjóðhátíðarráð Arons Mola: „Ekki fara í tjörnina “ Bezos færir brúðkaupið vegna mótmæla Fyrsta fjölbragðaglímufélag landsins stefnir á sýningu „Þetta er auðvitað klisja en hann var fullkominn“ Zendaya sást í miðbænum Orri Steinn og Sylvía Rós eignuðust stúlku á þjóðhátíðardaginn Sumarleg og saðsöm salöt Verðlaunahús í Þingholtunum falt fyrir 239 milljónir Hálfmaraþon í hamingjusprengju eftir fótbrot í fyrra Sjá meira