Adda og Hanna til Empower

Bjarki Sigurðsson skrifar 30. nóvember 2022 08:34

Adda Guðrún Gylfadóttir og Hanna Alexandra Helgadóttir.

Nýsköpunarfyrirtækið Empower hefur ráðið þær Öddu Guðrúnu Gylfadóttur og Hönnu Alexöndru Helgadóttur sem sérfræðinga í stafrænni örfræðslu og efnissköpun. Fyrirhugað er að setja hugbúnað Empower á alþjóðamarkað á næsta ári.

Adda Guðrún kemur til Empower frá Vörðu - rannsóknarstofnun vinnumarkaðarins. Hún er með BA-gráðu í félagsfræði frá Háskóla Íslands og MSc-gráðu í félagsfræði frá Oxford-háskóla.

Hanna Alexandra hefur síðustu ár starfað sem framleiðandi við ýmis skapandi verkefni fyrir sjónvarp, tónleika og viðburði, meðal annars fyrir Sjónvarp Símans. Hún lauk nýlega námi í stafrænni hönnun og listrænni stjórnun frá Hyper Island í Stokkhólmi.

„Fyrirhugað er að setja hugbúnaðarlausn okkar, Empower Now, á alþjóðamarkað haustið 2023. Við erum að byggja upp sterkt samstillt teymi sérfræðinga og ætlum okkur að vera leiðandi alþjóðlega í stafrænum lausnum á sviði jafnréttis og fjölbreytni á vinnustöðum. Það eru spennandi tímar framundan hjá Empower,“ er haft eftir Þóreyju Vilhjálmsdóttur Proppé, framkvæmdastjóra og meðeiganda Empower, í tilkynningu.

Vistaskipti Nýsköpun

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.