Lífið

5 dagar í Idol: Svíður enn að hafa til­kynnt rangan keppanda

Elma Rut Valtýsdóttir skrifar
Kynnarnir Simmi og Jói slógu í gegn í fyrstu fjórum þáttaröðunum af Idol.
Kynnarnir Simmi og Jói slógu í gegn í fyrstu fjórum þáttaröðunum af Idol.

Þau eru ansi stór fótsporin sem þau Aron Mola og Sigrún Ósk þurfa að feta í í nýrri þáttaröð Idol sem hefur göngu sína á föstudaginn. Kynnarnir Simmi og Jói settu mikinn svip á fyrri þáttaraðir, svo mikinn að þeir voru notaðir sem fordæmi fyrir Idol kynna í öðrum löndum.

Það er ekki hægt að hugsa um Idol Stjörnuleit án þess að verða hugsað til tvíeykisins Simma og Jóa. Þeir Simmi og Jói voru kynnar fyrstu fjögurra þáttaraðanna af Idol.

„Við settum vissulega ákveðinn svip á þetta Idol og hlutverk okkar varð aðeins stærra en gengur og gerist hjá öðrum kynnum,“ sagði Simmi þegar Reykjavík síðdegis tók púlsinn á þeim félögum nú í vikunni.

Voru notaðir sem fordæmi fyrir aðrar þjóðir

Þegar Idol hóf göngu sína hér á landi árið 2003, var horft til uppsetningu Breta á keppninni, þar sem kynnarnir voru tveir.

Þeir Simmi og Jói þóttu standa sig svo vel að framleiðslufyrirtækið sem á réttinn að Idol notaði þá sem dæmi fyrir aðrar smærri þjóðir um hvernig ætti að gera þetta.

„Mér fannst það mikil viðurkenning fyrst við fengum aldrei Edduna,“ segir Simmi.

Þeim Simma og Jóa voru gefnar nokkuð frjálsar hendur þegar kom að skemmtiatriðum og öðrum uppákomum þeirra í þáttunum. Hér að neðan má sjá nokkur af þeirra bestu augnablikum.

Klippa: Bestu augnablik Simma og Jóa

Tilkynntu vitlausan keppanda

Simmi og Jói hafa ólík svör við því hvert sé eftirminnilegasta augnablikið úr þáttunum.

„Það sem kannski poppar oftast upp eru þessi skipti sem okkur tókst að tilkynna vitlausan keppanda. Það er eiginlega ekki annað hægt en að muna eftir því, því það var svolítið vont,“ segir Jói.

„Það sem er eftirminnilegast fyrir mér eru í rauninni þessar beinu útsendingar í Smáralindinni. Fyrir mér var það alltaf alveg rosalega mikil keppni. Þú ert í beinni útsendingu og það er ekkert mikið svigrúm fyrir mistök,“ segir Simmi.

Hlakka til að poppa

Aðspurðir hvort þeir finni ekki fyrir söknuði nú þegar Idol er að fara af stað aftur segja þeir gömlu keppnirnar vera barn síns tíma. Nú hlakki þeir til að sjá nýja einstaklinga spreyta sig í kynnahlutverkunum

„Maður hugsar meira með hlýhug til baka frekar en að það sé beinn þorsti í það að byrja aftur. Ég hlakka bara til að poppa,“ segir Jói.

Hér að neðan má hlusta á viðtalið við þá Simma og Jóa í heild sinni.


Idol verður á Stöð 2 á föstudagskvöldum í vetur. Fleiri hundruð söngvarar spreyttu sig í áheyrnaprufunum en að lokum mun einn standa uppi sem sigurvegari. Fyrsti þáttur fer í loftið föstudagskvöldið 25. nóvember. 


Tengdar fréttir






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.