Innlent

Ekið á gangandi og hjólandi í borginni

Kjartan Kjartansson skrifar
Drengurinn var á leið yfir gangbraut með hjól sitt þegar ekið var á hann. Myndin er úr safni og tengist efni fréttarinnar ekki.
Drengurinn var á leið yfir gangbraut með hjól sitt þegar ekið var á hann. Myndin er úr safni og tengist efni fréttarinnar ekki. Vísir/Getty

Í tvígang með skömmu millibili var ekið á gangandi og hjólandi vegfarendur í Reykjavík í morgun. Fyrst var bíl ekið á átta ára dreng þegar hann fór yfir gangbraut en um klukkutíma síðar var ekið á hjólreiðamann í Hlíðunum.

Í dagbók lögreglunnar á höfuðborgarsvæðinu kemur fram að tilkynnt hafi verið um að ekið hafi verið á átta ára dreng á reiðhjóli þegar hann fór yfir akbraut á gangbraut í póstnúmeri 105 klukkan rúmlega átta í morgun. Drengurinn hafi fallið í götuna og fundið til eymsla í hné.

Ökumaður bifreiðarinnar hafi ekki séð til drengsins og hún hafi verið á litlum hraða. Drengurinn er sagður hafa verið nokkuð brattur þegar afi hans kom og sótti hann.

Innan við klukkustund í sama hverfi var tilkynnt um að ekið hefði verið á hjólreiðamann. Sá var með aflögun á fingri og kvartaði undan verk í baki og herðablaði. Hann var fluttir með sjúkrabifreið til aðhlynningar á bráðadeild. Ekki kom fleira fram um hvernig slysið atvikaðist í dagbók lögreglunnar.

Samgönguslys Bílar Reykjavík Hjólreiðar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið