Innlent

Var stöðvaður með kíló af kókaíni í far­angrinum

Atli Ísleifsson skrifar
Maðurinn kom með flugi til landsins frá Amsterdam þann 20. ágúst síðastliðinn.
Maðurinn kom með flugi til landsins frá Amsterdam þann 20. ágúst síðastliðinn. Vísir/Vilhelm

Héraðsdómur Reykjaness hefur dæmt austurrískan karlmann í fimmtán mánaða fangelsi fyrir að hafa staðið að innflutningi á tæpu kílói af kókaíni til landsins með flugi frá Amsterdam.

Maðurinn er ákærður fyrir stórfellt fíkniefnalagabrot en hann kom til Keflavíkurflugvallar með flugi frá Amsterdam í Hollandi þann 20. ágúst síðastliðinn.

Var styrkleiki efnanna 83 til 84 prósent en þau voru valin í farangri mannsins og er talið að þau hafi verið ætluð til söludrefingar hér á landi.

Maðurinn játaði skýlaust sök í málinu, en samkvæmt sakavottorði hefur hann ekki áður gerst sekur um refsiverða háttsemi. Af gögnum verði ekki séð að maðurinn hafi verið eigandi fíkniefnanna en þó virðist sem hann hafi samþykkt að flytja efnin til landsins gegn greiðslu.

Dómari í málinu taldi hæfileg refsing vera fimmtán mánaða fangelsi, en til frádráttar refsingunni kemur gæsluvarðhald sem hann hafði sætt frá 21. ágúst síðastliðinn.

Manninum var jafnframt gert að geriða rúmlega 1,3 milljónir króna í sakarkostnað.

Smygl Fíkniefnabrot Keflavíkurflugvöllur Dómsmál Tollgæslan
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið