Innlent

Maður og kona réðust á dreng og flúðu vett­vang

Bjarki Sigurðsson skrifar
Lögregla er ekki með frekari upplýsingar um parið.
Lögregla er ekki með frekari upplýsingar um parið. Vísir/Kolbeinn Tumi

Lögreglu barst tilkynning í gær um að maður og kona hafi ráðist á dreng og sparkað í hann. Þegar lögregla kom á staðinn voru þau farin en lögreglu hefur ekki tekist að bera kennsl á parið.

Þetta kemur fram í dagbók lögreglu. Árásin átti sér stað í umdæmi lögreglustöðvar 1, það er Austurbæ, Vesturbæ, miðborg eða Seltjarnarnesi. Stúlka er grunuð um líkamsárás á svipuðum slóðum og var vistuð í fangageymslu vegna þess. Fórnarlamb hennar var flutt á slysadeild til aðhlynningar.

Í nótt var karlmaður til vandræða á skemmtistað og þegar lögregla kom á staðinn voru dyraverðir með hann í tökum. Hann var fjarlægður og komið heim til sín.

Í umdæmi lögreglustöðvar 3, Kópavogi og Breiðholti, hafði lögreglan afskipti af tveimur sem gátu ekki greitt fyrir leigubíl. Bílstjórinn kærir fólkið fyrir fjársvik.

Drengur var í annarlegu ástandi í umdæmi lögreglustöðvar 4, Grafarvogi, Árbæ og Mosfellsbæ, var vistaður í fangageymslu, grunaður um líkamsárás og fleira. Drengurinn er undir átján ára aldri og var því Barnavernd látin vita af málinu.

Lögreglumál Reykjavík Kópavogur Seltjarnarnes Mosfellsbær
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið