Innlent

Reyndi að stinga lög­reglu af fullur og próf­laus

Bjarki Sigurðsson skrifar
Maðurinn reyndi að flýja lögreglu á hlaupum en það gekk ekki.
Maðurinn reyndi að flýja lögreglu á hlaupum en það gekk ekki. Vísir/Vilhelm

Lögreglan á Suðurlandi hefur ákært pólskan ríkisborgara á þrítugsaldri fyrir að aka undir áhrifum áfengis án ökuréttinda en ökumaðurinn sinnti ekki fyrirmælum lögreglu um að stöðva akstur. Hann olli árekstri er hann reyndi að flýja lögreglu. Ákæran er birt í Lögbirtingablaðinu.

Atvikið átti sér stað á Selfossi í apríl árið 2021. Maðurinn ók ökutæki eftir Austurvegi og þaðan inn á bílastæðið við Skalla og KFC. Þá tók maðurinn eftir lögreglunni, bakkaði úr bílastæði sínu og ók á brott.

Maðurinn sinnti ekki fyrirmælum lögreglu um að stöðva aksturinn og keyrði inn á Engjaveg. Þar keyrði hann yfir leyfilegum hámarkshraða, sinnti ekki nægjanlegrar aðgæslu og keyrði utan í aðra bifreið.

Áfram hélt aksturinn um Engjaveg þar til maðurinn stöðvaði loks bifreiðina og reyndi að hlaupa frá lögreglu. Það gekk ekki vel og var hann handtekinn stuttu síðar.

Maðurinn er einnig grunaður um að hafa tveimur mánuðum síðar, enn án ökuréttinda, ekið bifreið um Suðurlandsveg og haft 0,38 grömm af grasi í fórum sér.

Lögregla krefst þess að maðurinn verði sviptur rétti til að öðlast ökuskírteini, sæti sviptingu ökuréttar og sæta upptöku á fíkniefnunum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×