Frábær frammistaða Allen greind í þaula í fræðsluhorninu

Fræðsluhorn Bergþórs verður fastur liður í Lokasókninni í vetur en í þáttunum er hver umferð í NFL-deildinni gerð upp. Deildin hófst með látum þar sem ríkjandi meistarar LA Rams fengu Buffalo Bills í heimsókn í borg englanna.

Bills unnu sannfærandi 31-10 sigur í leiknum og Bergþór fór yfir helstu atvikin sem gerði það að verkum að gestirnir gátu unnið svo auðveldlega.

Frammistaða leikstjórnandans Josh Allen var lykillinn að sigrinum en sjá má greiningu á mikilvægum eiginleikum í frammistöðu hans sem skiptu sköpum.

Innslagið má sjá í spilaranum að neðan.