Bíó og sjónvarp

Zendaya, Jung-jae, Lizzo og Keaton sigursæl í gær

Bjarki Sigurðsson skrifar
Lee Jung-jae og Hwang Dong-hyuk fengu báðir Emmy-verðlaun í gær fyrir þættina Squid Game.
Lee Jung-jae og Hwang Dong-hyuk fengu báðir Emmy-verðlaun í gær fyrir þættina Squid Game. Getty/Frazer Harrison

Í nótt fór Emmy-verðlaunahátíðin fram í 74. skiptið. Það var grínistinn Kenan Thompson sem sá um að kynna hátíðina sem var haldin í Microsoft-leikhúsinu í Los Angeles.

Dramaþátturinn Succession fékk flestar tilnefningar í ár eða 25 talsins. Þættirnir Ted Lasso og The White Lotus fengu 20 tilnefningar hvor. Þá voru tveir Íslendingar tilnefndir, þeir Daði Einarsson og Matthías Bjarnason en þeir unnu saman að tæknibrellum í þáttunum The WItcher. Þeir hlutu ekki verðlaun í nótt en teymið sem gerði tæknibrellur fyrir Boba Fett vann.

Þrátt fyrir 25 tilnefningar hlaut Succession einungis fjögur verðlaun í nótt. Sömuleiðis fékk Ted Lasso einungis fjórar styttur. Það var The White Lotus sem hlaut flest verðlaun í gær, tíu talsins. Næst komu þættirnir Euphoria og Squid Game með sex verðlaun.

Jason Sudeikis vann verðlaunin fyrir besta leik í grínþáttaröð.Getty/Frazer Harrison

Aðalleikari Squid Game, Lee Jung-jae, varð í gærkvöldi fyrsti asíski leikarinn til þess að vinna Emmy-verðlaun fyrir besta leik í aðalhlutverki í dramaþáttaröð. Þá vann leikstjóri þáttanna, Hwang Dong-hyuk, verðlaun fyrir bestu leikstjórn í dramaþáttaröð, einnig fyrstur asískra.

Zendaya vann í annað skiptið Emmy-verðlaun fyrir bestu leikkonuna í aðalhlutverki í dramaþáttaröð fyrir þættina Euphoria. Hún vann einnig árið 2020 fyrir fyrstu þáttaröð Euphoria.

Zendaya var að vinna verðlaunin í annað sinn.Getty/David Livingston

Michael Keaton var í ár tilnefndur í fyrsta sinn í átján ár og hlaut hann verðlaun fyrir besta leik í „limited“ þáttaröð en hann lék aðalhlutverk þáttanna Dopesick á Disney+.

Lizzo var í fyrsta skiptið tilnefnd til Emmy-verðlauna og vann hún verðlaun fyrir bestu raunveruleikakeppnisþætti fyrir þættina Lizzo‘s Watch Out for the Big Grrrls.

Lizzo var í fyrsta sinn tilnefnd í gær og sigraði að sjálfsögðu.Getty/Kevin Winter

Hér fyrir neðan má sjá helstu sigurvegara gærkvöldsins.

Dramaþáttaröð

  • Better Call Saul
  • Euphoria
  • Ozark
  • Severance
  • Squid Game
  • Stranger Things
  • Succession
  • Yellowjackets

Gamanþáttaröð

  • Abbott Elementary
  • Barry
  • Curb Your Enthusiasm
  • Hacks
  • The Marvelous Mrs. Maisel
  • Only Murders in the Building)
  • Ted Lasso
  • What We Do in the Shadows

„Limited“ þáttaraðir

  • Dopesick
  • The Dropout
  • Inventing Anna
  • Pam and Tommy
  • The White Lotus

Leikari í aðalhlutverki í dramaþáttaröð

  • Jason Bateman, Ozark
  • Brian Cox, Succession
  • Lee Jung-jae, Squid Game
  • Bob Odenkirk, Better Call Saul
  • Adam Scott, Severance
  • Jeremy Strong, Succession

Leikkona í aðalhlutverki í dramaþáttaröð

  • Jodie Comer, Killing Eve
  • Laura Linney, Ozark
  • Melanie Lynskey, Yellowjackets
  • Sandra Oh, Killing Eve
  • Reese Witherspoon, The Morning Show
  • Zendaya, Euphoria

Leikari í aðalhlutverki í gamanþáttaröð

  • Donald Glover, Atlanta
  • Bill Hader, Barry
  • Nicholas Hoult, The Great
  • Steve Martin, Only Murders in the Building
  • Martin Short, Only Murders in the Building
  • Jason Sudeikis, Ted Lasso

Leikkona í aðalhlutverki í gamanþáttaröð

  • Rachel Brosnahan, The Marvelous Mrs. Maisel
  • Quinta Brunson, Abbott Elementary
  • Kaley Cuoco, The Flight Attendant
  • Elle Fanning, The Great
  • Issa Rae, Insecure
  • Jean Smart, Hacks

Aðalleikari í stuttri þáttaröð eða sjónvarpsmynd

  • Colin Firth, The Staircase
  • Andrew Garfield, Under the Banner of Heaven
  • Oscar Isaac, Scenes From a Marriage
  • Michael Keaton, Dopesick
  • Himesh Patel, Station Eleven
  • Sebastian Stan, Pam and Tommy

Aðalleikkona í stuttri þáttaröð eða sjónvarpsmynd

  • Toni Collette, The Staircase
  • Julia Garner, Inventing Anna
  • Lily James, Pam and Tommy
  • Sarah Paulson, Impeachment: American Crime Story
  • Margaret Qualley, Maid
  • Amanda Seyfried, The Dropout





Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.