Mikill viðbúnaður var við Emporia verslunarmiðstöðina í Malmö í dag.Johan Nilsson/EPA
Karlmaður lést af sárum sínum sem hann hlaut þegar árásarmaður, sem sagður er vera aðeins fimmtán ára gamall, hóf skothríð í verslunarmiðstöð í Malmö síðdegis.
Lögreglan í Malmö tilkynnti um andlát mannsins rétt í þessu eftir að búið var að láta aðstandendur hans vita, að því er kemur fram í frétt SVT um málið.
Kona liggur þungt haldin á spítala eftir árásina en fleiri særðust ekki þegar árásin var framin á fjórða tímanum í dag.
Nokkrir Íslendingar voru á meðal þeirra sem földu sig eftir að skotum var hleypt af í verslunarmiðstöðinni Emporia í miðbæ Malmö.
Einn hefur verið handtekinn grunaður um árásina og herma heimildir SVT að hann sé aðeins fimmtán ára gamall. Fjallað var um málið og rætt við Íslendinga sem voru á svæðinu í kvöldfréttum Stöðvar 2 í kvöld:
Nokkrir Íslendingar voru á meðal þeirra sem földu sig eftir að skotum var hleypt af í verslunarmiðstöðinni Emporia í miðbæ Malmö í Svíþjóð. Hið minnsta einn hefur verið handtekinn, karlmaður undir lögaldri, og tveir eru sagðir alvarlega særðir.
Lögreglan í Malmö var með mikinn viðbúnað við verslunarmiðstöðina Emporia, eftir að tilkynning barst um vopnaðan mann þar síðdegis.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
