Erlent

Á­rásir gerðar á hverfis­verslanir og bensín­stöðvar í Taí­landi

Ellen Geirsdóttir Håkansson skrifar
Bensínstöð eftir íkveikju á Taílandi.
Bensínstöð eftir íkveikju á Taílandi. ASSOCIATED PRESS

Sjö eru slasaðir eftir samanlagt sautján sprengingar og íkveikjur víðsvegar um sunnanvert Taíland í dag en árásirnar eru sagðar virðast samstilltar.

Samkvæmt umfjöllun CNN var árásunum beint að hverfisverslunum og bensínstöðvum í þremur héröðum. Af þeim sjö sem slösuðust sé enginn illa særður.

Í suður Taílandi, við landamæri Malasíu hafi ólga vegna sjálfstæðisbaráttu múslima verið í marga áratugi en meira en 7,300 manns hafi dáið vegna átakanna síðan 2004. Ítrekað hafi verið reynt að stilla til friðar á svæðinu frá 2013 en það hafi gengið illa.

Enn hafi enginn tekið ábyrgð á árásunum.

Taíland

Mest lesið


Fleiri fréttir

Sjá meira


×

Mest lesið