Mjög sérstök framkoma að greiða ekki laun fyrir helgina Árni Sæberg skrifar 27. júlí 2022 14:24 Þórarinn Eyfjörð er formaður Sameykis. Ljósmynd/Birgir Ísleifur Gunnarsson Formaður Sameykis stéttarfélags í almannaþjónustu segir það mjög sérstaka framkomu af hálfu Fjársýslu ríkisins ef rétt reynist að hún hafi brugðið frá venjunni með því að greiða ekki út laun fyrr en fyrsta virka dag mánaðar. Forstöðumaður mannauðs- og launasviðs Fjársýslu ríkisins segir stofnunina ávallt hafa greitt laun með sama fyrirkomulagi. Þórarinn Eyfjörð formaður Sameykis segir í samtali við Vísi að honum hafi ekki borist neinar kvartanir frá félagsmönnum Sameykis vegna þess að laun þeirra verða ekki greidd út fyrr en á þriðjudag eftir verslunarmannahelgi. „En það er algjört aukaatriði. Það er hefðin eftir því sem ég best veit að ganga frá greiðslu launa á síðasta virka degi fyrir fyrsta virka dag nýs mánaðar. Þannig að launafólk sé komið með greiðslu inn á sína reikninga til að geta borgað reikninga fyrir sínum skuldbindingum,“ segir Þórarinn. Hann segir ótrúlegt að ríkisstarfsmenn, sér í lagi heilbrigðisstarfsmenn, sem staðið hafa vaktina í faraldri Covid-19 og margir hverjir einangrað sig félagslega til þess að draga úr hættunni á að bera smit milli manna fái þessar köldu kveðjur frá Fjársýslunni. „Þetta er ósómi,“ segir Þórarinn. Hluti af góðri stefnu að koma starfsfólki ekki í vanda Þórarinn segir að ef raunin sé að Fjársýslan sé nauðbeygð af lögum til að greiða ávallt laun fyrsta virka dag hvers mánaðar án undantekninga verði einfaldlega að breyta lögunum. „Miðað við að allar skuldbindingar sem fólk er með eru venjulega með gjalddaga fyrsta hvers mánaðar, þá er bara klárt að það þyrfti að breyta því. Þannig að það falli á sama dag, greiðsla skuldbindinga og launa,“ segir hann. Þá segir hann að ríkinu sé í lófa lagið að haga launagreiðslum eins og best verði fyrir komið fyrir launþegana. Um sé að ræða rafrænar greiðslur sem ekkert mál sé að stilla á fyrsta dag hvers mánaðar, burt séð frá því hvort það sé virkur dagur. „Hvernig dettur fólki þá í hug að vera að tefja þetta fram á annan? Ég bara skil þetta ekki,“ segir hann. „Það er hluti af góðri mannauðsstjórnun og stefnu að vera ekki að setja fólk í neinn vanda. Það er bara hluti af góðum starfsháttum,“ segir Þórarinn. Ekki rétt að um breytingu sé að ræða Í skriflegu svari við fyrirspurn Vísis segir Helga Jóhannesdóttir, forstöðumaður mannauðs- og launasviðs Fjársýslu ríkisins, að ekki sé rétt að Fjársýslan beiti óvænt heimild til að greiða laun á fyrsta virka degi nýs mánaðar, en það kom fram í Fréttablaðinu í gær. „Fjársýsla ríkisins hefur ávallt greitt laun ríkisstarfsmanna fyrsta virkan daga hvers mánaðar í samræmi við 10. gr. laga nr. 70/1996 um réttindi og skyldur starfsmanna ríkisins og ákvæði ráðningarsamninga ríkisstarfsmanna, og er því ekki um breytingu að ræða frá því sem áður hefur verið,“ segir í svari Helgu. Þá bendir hún á tilkynningu á vef Fjársýslunnar um útborgun launa um mánaðarmótin. „Að gefnu tilefni minnum við á að laun skulu greidd fyrsta virka dag hvers mánaðar skv. 10.gr. laga nr. 70/1996 um réttindi og skyldur opinberra starfsmanna. Þar sem 1. ágúst ber upp á frídag verslunarmanna er útborgunardagur launa þriðjudaginn 2. ágúst n.k.,“ segir í tilkynningunni. Þá segir Helga að álíka tilkynningar hafi til dæmis verið birtar á vefnum dagana 28.2.2020,29.5.2020. 29.10.2020 og 26.7.2021 og því sé ekki rétt að Fjársýslan greiði laun á óeðlilegum tíma núna. Athygli vekur að 1. ágúst í fyrra féll á sunnudag og laun ríkisstarfsmanna voru því ekki greidd út fyrr en 3. ágúst, að því er segir í tilkynningu frá 26. júlí 2021. Uppfært kl. 15:27. Frá því að fréttin var birt hafa fjölmargir ríkisstarfsmenn sett sig í samband við Vísi og sagst ekki kannast við orð Helgu. Þeir hafi ávallt, nema einu sinni í maí á þessu ári, fengið laun sín greidd síðasta virka dag mánaðar þegar fyrsti dagur mánaðar lendir ekki á virkum degi. Kjaramál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Varaforsetaefni í bobba vegna hundsdráps og meints fundar með Kim Erlent Katrín efst en Jón hrynur í nýrri könnun Innlent Kolbeinn hafi strokið kynfæri stúlkunnar ítrekað Innlent Ótrúlegustu aðskotahlutir gera óskunda í dósatalningarvélum Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Svandís boðar til blaðamannafundar Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira
Þórarinn Eyfjörð formaður Sameykis segir í samtali við Vísi að honum hafi ekki borist neinar kvartanir frá félagsmönnum Sameykis vegna þess að laun þeirra verða ekki greidd út fyrr en á þriðjudag eftir verslunarmannahelgi. „En það er algjört aukaatriði. Það er hefðin eftir því sem ég best veit að ganga frá greiðslu launa á síðasta virka degi fyrir fyrsta virka dag nýs mánaðar. Þannig að launafólk sé komið með greiðslu inn á sína reikninga til að geta borgað reikninga fyrir sínum skuldbindingum,“ segir Þórarinn. Hann segir ótrúlegt að ríkisstarfsmenn, sér í lagi heilbrigðisstarfsmenn, sem staðið hafa vaktina í faraldri Covid-19 og margir hverjir einangrað sig félagslega til þess að draga úr hættunni á að bera smit milli manna fái þessar köldu kveðjur frá Fjársýslunni. „Þetta er ósómi,“ segir Þórarinn. Hluti af góðri stefnu að koma starfsfólki ekki í vanda Þórarinn segir að ef raunin sé að Fjársýslan sé nauðbeygð af lögum til að greiða ávallt laun fyrsta virka dag hvers mánaðar án undantekninga verði einfaldlega að breyta lögunum. „Miðað við að allar skuldbindingar sem fólk er með eru venjulega með gjalddaga fyrsta hvers mánaðar, þá er bara klárt að það þyrfti að breyta því. Þannig að það falli á sama dag, greiðsla skuldbindinga og launa,“ segir hann. Þá segir hann að ríkinu sé í lófa lagið að haga launagreiðslum eins og best verði fyrir komið fyrir launþegana. Um sé að ræða rafrænar greiðslur sem ekkert mál sé að stilla á fyrsta dag hvers mánaðar, burt séð frá því hvort það sé virkur dagur. „Hvernig dettur fólki þá í hug að vera að tefja þetta fram á annan? Ég bara skil þetta ekki,“ segir hann. „Það er hluti af góðri mannauðsstjórnun og stefnu að vera ekki að setja fólk í neinn vanda. Það er bara hluti af góðum starfsháttum,“ segir Þórarinn. Ekki rétt að um breytingu sé að ræða Í skriflegu svari við fyrirspurn Vísis segir Helga Jóhannesdóttir, forstöðumaður mannauðs- og launasviðs Fjársýslu ríkisins, að ekki sé rétt að Fjársýslan beiti óvænt heimild til að greiða laun á fyrsta virka degi nýs mánaðar, en það kom fram í Fréttablaðinu í gær. „Fjársýsla ríkisins hefur ávallt greitt laun ríkisstarfsmanna fyrsta virkan daga hvers mánaðar í samræmi við 10. gr. laga nr. 70/1996 um réttindi og skyldur starfsmanna ríkisins og ákvæði ráðningarsamninga ríkisstarfsmanna, og er því ekki um breytingu að ræða frá því sem áður hefur verið,“ segir í svari Helgu. Þá bendir hún á tilkynningu á vef Fjársýslunnar um útborgun launa um mánaðarmótin. „Að gefnu tilefni minnum við á að laun skulu greidd fyrsta virka dag hvers mánaðar skv. 10.gr. laga nr. 70/1996 um réttindi og skyldur opinberra starfsmanna. Þar sem 1. ágúst ber upp á frídag verslunarmanna er útborgunardagur launa þriðjudaginn 2. ágúst n.k.,“ segir í tilkynningunni. Þá segir Helga að álíka tilkynningar hafi til dæmis verið birtar á vefnum dagana 28.2.2020,29.5.2020. 29.10.2020 og 26.7.2021 og því sé ekki rétt að Fjársýslan greiði laun á óeðlilegum tíma núna. Athygli vekur að 1. ágúst í fyrra féll á sunnudag og laun ríkisstarfsmanna voru því ekki greidd út fyrr en 3. ágúst, að því er segir í tilkynningu frá 26. júlí 2021. Uppfært kl. 15:27. Frá því að fréttin var birt hafa fjölmargir ríkisstarfsmenn sett sig í samband við Vísi og sagst ekki kannast við orð Helgu. Þeir hafi ávallt, nema einu sinni í maí á þessu ári, fengið laun sín greidd síðasta virka dag mánaðar þegar fyrsti dagur mánaðar lendir ekki á virkum degi.
Kjaramál Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Varaforsetaefni í bobba vegna hundsdráps og meints fundar með Kim Erlent Katrín efst en Jón hrynur í nýrri könnun Innlent Kolbeinn hafi strokið kynfæri stúlkunnar ítrekað Innlent Ótrúlegustu aðskotahlutir gera óskunda í dósatalningarvélum Innlent Hafa rukkað þá sem valda sinubruna um kostnað við útkall Innlent Sólríkasta byrjun árs í Reykjavík í 77 ár Innlent Fjöldi verkfallsboðana á Keflavíkurflugvelli áhyggjuefni Innlent Forsetavaktin 2024: Hver verður sjöundi forseti lýðveldisins? Innlent Svona var Pallborðið með Höllu Hrund, Katrínu og Baldri Innlent Svandís boðar til blaðamannafundar Innlent Fleiri fréttir Sólríkasta byrjun árs í Reykjavík í 77 ár Hafa rukkað þá sem valda sinubruna um kostnað við útkall Ótrúlegustu aðskotahlutir gera óskunda í dósatalningarvélum Fjöldi verkfallsboðana á Keflavíkurflugvelli áhyggjuefni Kosið um sameiningu Húna- og Skagabyggðar í júní Nýjustu skoðanakannanir, verkfallsaðgerðir á flugvellinum og týndur gaffall Halla Hrund líka vinsæll annar kostur Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Svona var Pallborðið með Höllu Hrund, Katrínu og Baldri Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans Sjá meira