The Omen og Titanic-leikarinn David Warner er látinn

Warner lést í gær eftir að hafa barist við krabbamein síðustu átján mánuði. Í yfirlýsingu sem fjölskyldan sendi BBC segjast þau vera niðurbrotin eftir andlátið.

Warner var oft fenginn í hlutverk illmennis í þeim kvikmyndum sem hann lék í, svo sem Thirty Nine Steps og Time Bandits. Í The Omen sló hann rækilega í gegn sem ljósmyndarann Keith Jennings og lék svo enn eitt illmennið í stórmyndinni Titanic þegar hann fór með hlutverk Spicer Lovejoy, einkaþjóns og lífvarðar Caledon Hockley.

Hann hlaut Emmy-verðlaun árið 1981 fyrir leik sinn sem Pomponius Falco í sjónvarpsþáttunum Masada. Það voru einu stóru verðlaunin sem hann fékk fyrir leik sinn.