Innlent

Lést í Brúar­á við að bjarga syni sínum

Hallgerður Kolbrún E. Jónsdóttir skrifar
Maðurinn missti fótanna eftir að hafa komið syni sínum til bjargar sem féll í ána.
Maðurinn missti fótanna eftir að hafa komið syni sínum til bjargar sem féll í ána.

Karlmaður sem lést eftir að hafa fallið í Brúará í Biskupstungum um miðjan dag í gær var kanadískur ríkisborgari búsettur í Bandaríkjunum. Straumurinn í ánni bar manninn burt eftir að hann hafði komið syni sínum, sem fallið hafði í ána, til bjargar.

Þetta kemur fram í tilkynningu frá lögreglunni. Þar segir að maðurinn hafi við björgun sonar síns misst fótanna og borist niður með ánni um fjögur- til fimm hundruð metra. 

Mikil leit stóð yfir að manninum í gær en þyrlusveit Landhelgisgæslunnar fann hann úr lofti rétt eftir klukkan fimm, síðdegis í gær. Hann var þá látinn. Drengurinn slapp án meiðsla. Fram kemur í tilkynningunni að áin á þessu svæði sé straumþung og mjög köld. 

Fram kemur í tilkynningu lögreglu að hún vilji koma á framfæri þökkum til allra, bæði viðbragðsaðila og annarra vegfarenda sem komu að og aðstoðuðu í tengslum við slysið. Lögreglan haldi áfram að rannsaka málið.

Lögreglumál Bláskógabyggð

Tengdar fréttir

Maðurinn sem féll í Brúar­á er látinn

Björgunarsveitinni barst tilkynning fyrir um hálftíma síðan vegna manns sem hafði fallið í Brúará við Brekkuskóg. Björgunarsveitir eru á leiðinni á staðinn. Samkvæmt heimildum fréttastofu er þyrla komin á vettvang.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið