Erlent

Seglfiskur stakk konu í Flórída

Bjarki Sigurðsson skrifar
Seglfiskar eru ansi líkir frændum sínum sverðfiskum í útliti.
Seglfiskar eru ansi líkir frændum sínum sverðfiskum í útliti. Getty/Ronald C. Modra

Kona var stungin af kyrrahafsseglfisk við strendur Flórída-ríkis í Bandaríkjunum í síðustu viku. Konan var stunginn í nárann er hún stóð við hliðina á veiðimanni sem var með fiskinn á línunni. Líðan konunnar er stöðug.

Fiskurinn stökk upp úr sjónum og stakk konuna, sem er 73 ára gömul, en það þurfti að flytja hana á sjúkrahús með þyrlu.

Samkvæmt CNN settu tveir menn, sem voru á bátnum ásamt konunni, þrýsting á sárið þar til hægt var að ferja hana á sjúkrahús. Hún sé ekki alvarlega særð og líðan hennar sé stöðug en hún dvelur enn á sjúkrahúsi.

Kyrrahafsseglfiskur er náskyldur sverðfisk en ólíkt frænda sínum er hann með tennur. Ekkert sjávardýr syndir hraðar en seglfiskurinn. Seglfiskar geta orðið allt að þrír metrar að lengd og níutíu kílógrömm að þyngd.

Bandaríkin Dýr Fiskur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið