Erlent

Stjórnlausir eldar í Kaliforníu

Gunnar Reynir Valþórsson skrifar
Slökkviliðnu hefur orðið lítt ágengt í baráttunni við eldana.
Slökkviliðnu hefur orðið lítt ágengt í baráttunni við eldana. Getty

Slökkviliðsmönnum í Kaliforníu í Bandaríkjunum hefur ekkert gengið í baráttunni við skógareldinn sem brennur í Mariposa sýslu

Eikar-eldurinn, eins og hann er kallaður, hefur nú brennt rúmar 15.600 ekrur og fer stækkandi. 

Talsmaður slökkviliðsins sagði á blaðamannafundi í nótt að eldurinn sé enn fullkomlega stjórnlaus þótt slökkviliðsmönnum hafi miðað aðeins áfram í störfum sínum. 

Rúmlega 6000 manns hafa þurft að yfirgefa heimili sín á svæðinu og tíu byggingar hafa eyðilagst en auk þess eru rúmlega þrjúþúsund byggingar í hættu, að sögn slökkviliðsins. 

Neyðarástandi var lýst yfir í sýslunni á laugardag en stærð eldanna hefur sett ugg að heimamönnum, því aðstæður er þannig að slíkir eldar geta kviknað víða í ríkinu af minnsta tilefni. Hitinn í Mariposa sýslu fór þannig í 38 gráður í gær og gert er ráð fyrir hitabylgju næstu daga.

Bandaríkin Gróðureldar í Kaliforníu Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið